Sekaraea 14:6 - Pijin Bible

⁶ Taem datfala de hemi kam, bae no eni laet, an bae hemi no tukol, an bae no eni aes.

Pijin Deuterocanon

⁶ Taem datfala de hemi kam, bae no eni laet, an bae hemi no tukol, an bae no eni aes.

Sekaraea 14:6 Iomraidhean Croise

Sams 112:4

Eniwan hu hemi falom olketa gudfala wei an hemi sore long olketa narafala pipol an hemi kaen an hemi stret, hemi olsem laet wea hemi saen bikfala long tudak.

Aesaea 13:10

Olketa sta wetem mun, bae i no saen long naet. An nomata san hemi kamap long moning, bat bae hemi no saen nao.

Aesaea 24:23

Long datfala taem tu, san an mun bae i no saen moa, bikos Yawe hu hemi garem evri paoa hemi rul olsem king. Bae hemi rul ovarem Jerusalem antap long Tambu Maonten long Saeon, an olketa lida blong yumi bae i lukim saen long bikfala paoa blong hem.

Aesaea 50:10

(Profet) Yufala evriwan hu i tinghae long Yawe an obeim olketa toktok blong wakaman blong hem, nomata yufala stap insaet long tudak, bat yufala mas gohed fo trastem hem, wea nem blong hem nao Yawe. Ya, yufala mas barava dipen long hem.

Jeremaea 4:23

Long wanfala spesol drim, mi lukim wol ya, an no enisamting hemi stap stret moa long hem. Mi luk goap long skae, bat hemi tudak nomoa.

Esikiel 32:7

Taem mi spoelem yu, bae mi kavaremap skae, an mi blokem olketa sta fo no saen moa. Bae mi mekem klaod fo kavarem san, an mun bae hemi no saen moa.

Esikiel 32:8

Bae mi mekem evri laet wea hemi saen long skae fo kamap tudak antap long yu, an lan blong yu tu bae hemi tudak. Hem nao mesij blong mi Lod Yawe.

Hosia 6:3

Distaem yumi mas traehad fo save gudfala long Yawe. Hemi tru nao, bae hemi kam long yumi olsem wea san hemi kamap long eli moning. An bae hemi mekem laef blong yumi fo kamap gud moa, barava olsem taem ren hemi kam fo watarem olketa gaden, an hemi mekem graon fo tuwet gudfala.”

Joel 2:2

Long De ya bae hemi kamap tudak, olsem bikfala klaod hemi fulumapem skae. An olsem san hemi saen kam long eli moning antap long maonten, bae olketa grashopa i kam olsem wanfala strongfala ami fo kavaremap lan. No enisamting olsem hemi hapen yet bifoa, an no enisamting olsem bae hemi hapen moa enitaem.

Joel 2:30

“Long datfala De, bae mi givim olketa bikfala saen long skae an long wol, wea bae hemi soaot long blad an faea an bikfala smok wea hemi goap, fo olsem woning blong mi.

Joel 2:31

Bae san hemi kamap tudak, an bae mun hemi kamap red olsem blad. Nao bihaen, bae De ya blong mi Yawe, hemi jes kam. Hem nao wanfala de wea evri pipol i fraet tumas long hem.

Gudnius abaotem Jisas Kraes wea Jon hemi raetem 1:5

Disfala laet hemi saen go long evri ples wea hemi tudak, an tudak ya hemi nating save winim hem.

Gudnius abaotem Jisas Kraes wea Jon hemi raetem 12:46

Mi kam insaet long disfala wol olsem laet, mekem evriwan hu i biliv long mi bae hemi no stap long tudak.

Aposol 2:16

Bat Profet Joel nao hemi tok kam bifoa abaotem wanem yufala lukim distaem,

Aposol 2:19

An bae mi mekem olketa mirakol long antap long skae, an bae mi mekem olketa saen long daon long graon. Blad an faea an bikfala smok nao bae hemi kamap.

Kolosi 1:12

An bae yufala save hapi fo talem tengkiu long Dadi ya wea hemi mekem yufala fit fo kasem tru laef long heven wea hemi laet olowe. Disfala tru laef ya wea hemi putum redi finis fo olketa pipol blong hem.

2 Pita 1:19

From olketa samting ya nao, mifala biliv strong moa long wanem olketa profet bin talem. So yufala mas holestrong long olketa toktok blong olketa profet, bikos olketa toktok ya i olsem lam wea hemi saen long ples wea hemi dak tumas. Laet ya bae hemi saen go-go delaet hemi kamap, an laet blong disfala sta blong eli moning bae hemi saen insaet long maen blong yufala.

Revelesin 11:15

Nao mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.”

Revelesin 11:3

An insaet long 1,260 de, bae mi givim paoa fo tufala profet blong mi fo talemaot toktok blong God. An tufala bae werem kaleko blong sore.”