Sekaraea 14:4 - Pijin Bible

⁴ Long datfala de, bae hemi stanap antap long Hil blong Oliv Tri aotsaet long Jerusalem long ist, an bae hil ya hemi divaed long midol long hem. Bae haf hemi muv go long not, an nara haf hemi muv go long saot, an bikfala vali bae hemi stap long midol, stat long ist go kasem long west.

Pijin Deuterocanon

⁴ Long datfala de, bae hemi stanap antap long Hil blong Oliv Tri aotsaet long Jerusalem long ist, an bae hil ya hemi divaed long midol long hem. Bae haf hemi muv go long not, an nara haf hemi muv go long saot, an bikfala vali bae hemi stap long midol, stat long ist go kasem long west.

Sekaraea 14:4 Iomraidhean Croise

2 Samuel 15:30

Nao king wetem olketa pipol i goaot, an falom rod wea hemi go pas antap long Hil blong Oliv Tri. Hemi tekemaot sandol blong hem, an hemi kavaremap hed blong hem fo somaot dat hemi filnogud, an hemi gohed fo krae bikfala. Olketa evriwan wea i go wetem hem, olketa tu i kavaremap hed blong olketa, an gohed fo krae.

Esikiel 11:23

An saen long bikfala paoa blong Yawe, hemi lusim taon ya, an hemi go stap antap long bikfala hil ya long saet long ist.

Esikiel 38:20

Evri fis, an evri bed, an evri animol, an evrisamting wea hemi laef, an evri pipol long wol bae i fraet an seksek frant long mi. Olketa maonten bae i brek, an olketa hae ples bae i foldaon, an olketa wolston bae i brek finis an foldaon long graon.

Esikiel 43:2

Long ples ya, mi lukim saen long bikfala paoa blong God blong Israel hemi kamaot long ist. Voes blong hem hemi here olsem noes blong bikfala wev wea hemi brek long rif, an lan ya hemi saen fogud long laet blong bikfala paoa blong hem.

Habakuk 3:6

Taem hemi stop, graon hemi seksek. Taem hemi luk go long olketa kantri, evri pipol i fraet an seksek fogud. Olketa bikfala maonten an hil i brek long pisis an singdaon nao. Long wei ya, God bin wakabaot long disfala wol longtaem bifoa.

Sekaraea 14:10

An long evri ples long disfala lan, stat long Geba long not go kasem Rimon long saot, bae hemi kamap levol. Bat Jerusalem bae hemi stap seleva long ples blong hem antap long maonten. Wolston blong hem bae hemi stat long Geit blong Benjamin go long Olo Geit an go kasem Kona Geit. An bae hemi stat long Gadhaos blong Hananel, go kasem ples fo mekem waen blong king.

Sekaraea 14:7

Bae no eni narafala de olsem datfala de. Bae no eni delaet an no eni tudak. Bat long ivining, bae laet hemi kam moa. An Yawe nomoa hemi save hao nao disfala de hemi save kamap.

Sekaraea 14:8

Taem datfala de hemi kam, wata wea hemi save givim laef bae hemi ran kamaot from Jerusalem. Haf long hem bae hemi ran godaon long Ded Si, an narafala haf bae hemi ran go long Mediterenian Si. Nomata hemi ren o hemi no ren, bae disfala wata hemi ran olowe nao. Bae hemi nating save drae long enitaem.

Sekaraea 4:7

?Long spirit ya, Serababel save winim evri had samting wea hemi save stopem hem fo no finisim Tambuhaos blong Yawe. Ya, hemi olsem wea hemi save mekem wanfala bikfala maonten fo kamap flat ples. An taem hemi putum las ston long haos ya, bae olketa evriwan i singaot bikfala olsem, ?!Hemi gud tumas! !Hemi gud tumas!??

Gudnius abaotem Jisas Kraes wea Mak hemi raetem 11:23

Ya, mi talem yufala tru samting nao, sapos wanfala man hemi no garem tufala tingting bat hemi biliv wea wanem hemi talem hemi save kamtru, bae hemi save talem go long hil ya olsem, ‘Yu getap an jam go long solwata ya.’ An bae disfala samting ya hemi mas kamtru nao.