Sekaraea 13:9 - Pijin Bible

⁹ An olketa hu i stap laef yet, bae mi mekem olketa evriwan fo safa, mekem olketa save kamap klin long ae blong mi. Bae hemi olsem wea man hemi bonem silva an gol long faea fo aotem ravis blong hem. Den bae olketa prea kam long mi, bae mi save herem olketa. An bae mi tok olsem, ?Olketa ya i spesol pipol blong mi.? An bae olketa tok olsem, ?Yawe hemi God blong mifala.??

Pijin Deuterocanon

⁹ An olketa hu i stap laef yet, bae mi mekem olketa evriwan fo safa, mekem olketa save kamap klin long ae blong mi. Bae hemi olsem wea man hemi bonem silva an gol long faea fo aotem ravis blong hem. Den bae olketa prea kam long mi, bae mi save herem olketa. An bae mi tok olsem, ?Olketa ya i spesol pipol blong mi.? An bae olketa tok olsem, ?Yawe hemi God blong mifala.??

Sekaraea 13:9 Iomraidhean Croise

2 Samuel 7:24

Yu mekem olketa pipol blong Israel fo kamap spesol pipol blong yu olowe, an yu nao Lod Yawe yu God blong olketa.

Stori abaotem Job 23:10

Nomata olsem, God hemi save long ples wea hemi save faendem mi. An taem hemi testem wei blong mi, bae hemi lukim dat laef blong mi hemi barava stret nomoa.

Stori abaotem Job 28:1

Ples fo maenem silva hemi stap, an olketa garem ples fo digimaot gol wea hemi kamap nambawan.

Sams 144:15

Olketa pipol wea olketa blesing olsem i kam long olketa, olketa nao i hapi. Ya, olketa pipol wea Yawe nao hemi God blong olketa, olketa nao i hapi. (Singsing blong Deved.)

Sams 43:4

Taem mi kasem Tambuhaos blong yu bae mi go long olta blong yu fo mekem sakrifaes long yu God, bikos yu nao yu mekem mi hapi, Yu nao yu God blong mi, hem nao bae mi ringim gita blong mi an bae mi singsing fo preisim yu.

Sams 50:15

Yufala mas kolem mi long taem blong trabol, an bae mi sevem yufala, an yufala bae mekhae long mi.”

Sams 91:15

Taem olketa kol kam long mi, bae mi ansarem olketa. An bae mi stap wetem olketa taem trabol hemi kasem olketa. Ya, bae mi aotem olketa from trabol, an bae mi givim biknem long olketa.

Provebs 17:3

Man save testem gol an silva long faea. Yawe save testem haat blong man.

Nambawan Singsing 2:16

Daling, mi lavem yu tumas. Ya, yu blong mi, an mi blong yu. Yu olsem nomoa wanfala sipsip wea hemi kaikai midol long olketa naes flaoa ya.

Aesaea 43:2

Taem trabol hemi kasem yufala olsem wea yufala gotru long dipsi, bae mi stap wetem yufala. An taem yufala garem hadtaem olsem wea yufala gotru long riva wea hemi ran bikfala, bae hemi no save draonem yufala. Ya, taem trabol hemi kasem yufala olsem wea yufala gotru long faea, bae hemi no save bonem yufala.

Aesaea 48:10

Mi bin traem yufala long bikfala trabol an safaring, olsem wea man save bonem silva insaet long faea fo aotem ravis blong hem. Bat mi no barava traem yufala, bikos mi save nao dat yufala i ravis nomoa, an mi no laek fo spoelem yufala finis.

Aesaea 58:9

Sapos yufala prea kam long mi, bae mi herem yufala. An sapos yufala kol kam long mi, bae mi redi fo helpem yufala. “Sapos yufala finisim olketa wei ya fo spoelem olketa narafala pipol, an sapos yufala stop fo no lukdaon long olketa, an sapos yufala stop fo no tokspoelem olketa,

Jeremaea 24:5

“Mi Yawe, hu mi God blong Israel, mi tok tru olsem: Olketa pipol blong Jiuda wea mi letem olketa enemi i kam fosim olketa fo lusim lan blong olketa an go stap long Babilonia, olketa ya nao i olsem disfala gudfala frut, an bae mi kaen long olketa.

Jeremaea 30:22

Long wei ya nao, bae olketa spesol pipol blong mi, an bae mi God blong olketa.” Hem nao mesij blong Yawe.

Jeremaea 31:33

Hem ya nao disfala niufala spesol agrimen wea bae mi mekem wetem olketa pipol blong Israel. Bae mi putum lo blong mi insaet long maen blong olketa, an bae mi raetemdaon long haat blong olketa. Bae mi nao God blong olketa, an bae olketa kamap moa spesol pipol blong mi.

Jeremaea 32:38

Long taem ya, bae olketa kamap moa spesol pipol blong mi, an bae mi nao God blong olketa.

Jeremaea 9:6

Jeremaea. Yu stap kam midol long olketa pipol wea i laea olowe nao, an olketa les fo luksave dat mi nao God blong olketa.” Hem nao mesij blong Yawe.

Esikiel 11:20

Ya, bae olketa save falom olketa lo blong mi, an obeim olketa toktok blong mi. Nao bae yufala kamap spesol pipol blong mi, an mi nao mi God blong yufala.

Esikiel 14:11

Bae mi duim diswan mekem yufala blong Israel no lusim mi moa o duim moa olketa ravis sin wea hemi mekem yufala fo kamap no klin long ae blong mi. Nao bae yufala kamap spesol pipol blong mi, an mi nao mi God blong yufala. Hem nao mesij blong mi Lod Yawe.”

Esikiel 20:38

Ya, bae mi tekemaot olketa long yufala hu i sin an gohed fo agensim mi. Nomata mi bin tekem olketa aot from olketa narafala kantri, bat bae mi no letem olketa fo kam moa long Israel. An bae yufala savegud dat mi nao Yawe.

Esikiel 36:28

An bae yufala save stap gudfala long disfala lan wea mi bin givim long olketa grani blong yufala bifoa. Nao bae yufala spesol pipol blong mi moa, an mi nao mi God blong yufala.

Esikiel 37:27

Bae mi stap long ples ya wetem olketa fo evritaem olowe nao. Ya, bae mi nao God blong olketa, an olketa kamap moa spesol pipol blong mi.

Daniel 11:35

Bae king ya hemi kilim dae samfala long olketa lida ya, bat long wei ya nao bae God hemi mekem olketa pipol hu i laef yet fo lusim olketa ravis wei blong olketa, an mekem laef blong olketa fo kamap stret long ae blong hem. Disfala samting bae hemi gohed, go-go kasem taem wea God hemi makem fo olketa samting ya i finis.

Daniel 12:10

Bae God hemi mekem plande pipol fo kamap stret an klin long ae blong hem. Bat pipol hu i nogud, bae i no save long olketa samting ya. Bae olketa gohed nomoa fo duim olketa ravis samting. Olketa waes pipol nomoa bae i luksave long olketa samting ya.

Joel 2:32

“Bat evriwan hu i prea kam long nem blong mi Yawe fo mi helpem olketa, bae mi sevem olketa. Mi promis finis dat long tambu maonten blong mi ya Saeon an long taon blong mi ya Jerusalem, bae samfala pipol i laef yet long hem. Olketa ya nao i pipol wea mi Yawe bin siusim finis fo sevem olketa.”

Levitikas 26:12

Olowe nao bae mi God blong yufala, an yufala bae i pipol blong mi.

Sekaraea 10:6

?Bae mi mekem olketa pipol blong Jiuda fo barava strong, an bae mi sevem olketa pipol blong Israel. Bae mi sore tumas long olketa, mekem mi tekem olketa evriwan kambaek long barava ples blong olketa. Bae olketa stap gudfala long ples ya, olsem wea mi nating bin les long olketa bifoa, bikos mi nao Yawe God blong olketa, an bae mi herem prea blong olketa.

Sekaraea 12:10

Yawe hemi gohed fo tok olsem, ?Bae mi mekem olketa laen blong Deved an olketa pipol blong Jerusalem fo barava garem gudfala tingting, wea olketa save sore long narafala man, an olketa save prea fo mi helpem olketa. Bae olketa lukluk go long mi, disfala man wea olketa spiarem. An bae olketa sore an krae fo hem, olsem man wea hemi garem wanfala pikinini nomoa an hemi dae, o man wea fasbon pikinini blong hem hemi dae.

Sekaraea 8:8

Bae mi tekem kambaek olketa moa long Jerusalem. Bae olketa i pipol blong mi, an bae mi God blong olketa. An bae mi tinghevi long olketa olowe an rul ovarem olketa long stretfala wei.?

Aposol 2:21

Bat evriwan hu hemi prea long nem blong Masta bae mi sevem hem ya.” ’

Hibrus 8:10

Hem ya nao disfala niufala spesol agrimen wea bae mi mekem wetem olketa pipol blong Israel. Bae mi putum lo blong mi insaet long maen blong olketa, an bae mi raetemdaon long haat blong olketa. Bae mi nao God blong olketa, an bae olketa i kamap moa spesol pipol blong mi.

Jemes 1:12

Man hu hemi gohed fo stanap strong taem enikaen hadtaem hemi kasem hem, hem nao hemi hapi. Taem hemi stanap strong long evri hadtaem, God bae hemi givim hem laef wea hemi promis fo givim long olketa hu i lavem hem.

1 Pita 4:12

Olketa fren, distaem yufala safa fogud long olketa samting wea hemi kam fo testem yufala. Bat yufala no sapraes tumas long diswan o tingim dat hemi no stret fo diswan hemi kasem yufala. Nomoa.

Revelesin 21:7

Eniwan wea hemi winim faet blong hem bae mi givim hem olketa samting ya, an mi nao bae mi God blong hem, an hem nao bae hemi pikinini blong mi.

Revelesin 8:10

Nao mektri enjel hemi bloum trampet blong hem. An wanfala bikfala sta wea hemi laet olsem bikfala faea, hemi kamdaon long skae an foldaon antap long bikfala haf blong olketa riva, an antap long olketa springwata tu.

Revelesin 8:11

An nem blong bikfala sta ya nao olketa kolem “Saoa”. Bikfala haf blong olketa wata ya hemi kamap saoa fogud, an plande pipol dae bikos olketa dringim olketa saoa wata ya.

Revelesin 8:12

Nao mekfoa enjel hemi bloum trampet blong hem. An bikfala haf blong san an bikfala haf blong mun hemi dae. An hemi olsem tu long olketa sta, wea bikfala haf blong olketa hemi dae. So bikfala haf long de hemi no garem eni laet long hem, an bikfala haf long naet hemi olsem tu.

Revelesin 8:7

Den fas enjel hemi bloum trampet blong hem. An aes an faea wea tufala miks wetem blad hemi foldaon kam long wol olsem ren. An insaet long wol ya, bikfala haf blong graon nao faea hemi bonem wetem bikfala haf blong olketa tri an evri grin gras.

Revelesin 8:8

Nao mektu enjel hemi bloum trampet blong hem. An wanfala samting wea hemi luk olsem wanfala bik maonten wea hemi bone, hemi foldaon go insaet long si. An bikfala haf blong si ya hemi kamap blad,

Revelesin 8:9

an bikfala haf blong olketa fis insaet long si olketa dae. An bikfala haf tu blong olketa sip long si olketa barava nogud.