Sekaraea 12:12 - Pijin Bible

^12-14 Evri famili long datfala kantri, bae i krae long olketa ples blong olketa. Olketa laen blong King Deved, an laen long san blong hem Natan, an traeb blong Livae, an laen long san blong hem Simei, an olketa narafala famili tu, bae i krae long olketa ples blong olketa. Bae olketa man i krae long wanfala ples, an olketa woman long narafala ples.

Pijin Deuterocanon

^12-14 Evri famili long datfala kantri, bae i krae long olketa ples blong olketa. Olketa laen blong King Deved, an laen long san blong hem Natan, an traeb blong Livae, an laen long san blong hem Simei, an olketa narafala famili tu, bae i krae long olketa ples blong olketa. Bae olketa man i krae long wanfala ples, an olketa woman long narafala ples.

Sekaraea 12:12 Iomraidhean Croise

2 Samuel 12:1

Nao Yawe hemi sendem Profet Natan fo go lukim King Deved. Taem hemi lukim king hemi tok olsem, “Tufala man i stap long wanfala taon. Wanfala man hemi risman, an nara man hemi puaman.

2 Samuel 5:14

Nem blong olketa pikinini boe blong hem wea olketa bon long Jerusalem hemi olsem. Samua, an Sobab, an Natan, an Solomon,

Eksodas 12:30

Nao long datfala naet, king wetem olketa bikman blong hem an olketa narafala pipol blong Ijip i wekap, an olketa krae fogud, bikos long evri haos long kantri ya, samwan hemi dae.

Jeremaea 13:18

Nao Yawe hemi tok olsem long mi, “Yu talemaot long king an mami blong hem hu hemi wanfala kuin: Yutufala kamdaon from bikfala sea blong yufala, bikos tufala kraon blong yutufala i lus finis.

Jeremaea 3:21

(Profet) Distaem mi herem samfala pipol i gohed fo kraeaot bikfala antap long hil. Olketa ya nao i pipol blong Israel hu i sore fogud an kraeaot fo help, bikos olketa bin fogetem Yawe God blong olketa an falom nomoa ravis tingting blong olketa seleva.

Jeremaea 31:18

“Mi herem Efrem wea i gohed fo sore an krae. Hemi tok olsem, ‘O Yawe. Mi olsem pikinini blong wael buluka wea man no save mekem hemi stap kuaet. Bat yu panisim mi, mekem mi obeim yu. Yu nao Yawe, God blong mi. Plis yu tekem mi kambaek. Mi redi nomoa fo kambaek long yu.

Jeremaea 4:28

Bae evrisamting long disfala wol hemi krae, an bae skae ya hemi kamap tudak. Bikos hem nao toktok blong mi an plan blong mi, wea bae mi no save sensim moa tingting blong mi.”

Joel 2:16

Kolem evri pipol fo hipap kam long Tambuhaos, stat long olketa olo go-go kasem olketa pikinini an olketa bebi tu. Nomata olketa hu i redi yet fo marit, olketa mas lusim rum blong olketa an kam. Nao yufala evriwan mas mekem yufala seleva klin long ae blong God.

Sekaraea 12:11

Long datfala de, olketa pipol long Jerusalem bae i krae tumas, olsem wea bifoa, olketa pipol i krae long Hadad-Rimon long flat ples ya kolsap long taon long Megido.

Matiu 24:30

Bihaen diswan nomoa, saen blong mi San Blong Man, bae hemi kamaot long skae nao. Long taem ya, bae evri pipol long disfala wol olketa krae bikfala tumas, an bae olketa lukim dat mi San Blong Man, mi kambaek antap long olketa klaod long skae wetem saen blong bikfala paoa blong God.

Gudnius abaotem Jisas Kraes wea Luk hemi raetem 3:31

Elaeakim hemi san blong Milia. Milia hemi san blong Mena. Mena hemi san blong Matata. Matata hemi san blong Netan. Netan hemi san blong Deved.

1 Korin 7:5

Nao sapos tufala agri fo no slip tugeta fo lelebet taem, mekem tufala save go-gohed long prea, diswan hemi gud nomoa sapos bihaen, tufala stat fo slip tugeta moa. Bat wanfala long tufala hemi mas no stopem narawan fo slip tugeta wetem hem. Nogud Seitan hemi save traem eniwan long yutufala wea hemi no save stap seleva olsem long gudfala wei.

Revelesin 1:7

!Yufala save! Jisas bae hemi kambaek antap long olketa klaod. An evriwan bae lukim hem, nomata olketa hu i spiarem hem bifoa. An evri pipol long evri ples long wol bae olketa sore an krae bikfala taem olketa lukim hem. Bae hemi olsem nao. Amen.