Sekaraea 11:4 - Pijin Bible

⁴ Yawe, hu hemi God blong mi, hemi tok olsem long mi, ?Yu mas kam fo lukaftarem olketa pipol olsem man fo lukaftarem sipsip. Olketa pipol ya i olsem sipsip wea pipol i makem finis fo kaikaim.

Pijin Deuterocanon

⁴ Yawe, hu hemi God blong mi, hemi tok olsem long mi, ?Yu mas kam fo lukaftarem olketa pipol olsem man fo lukaftarem sipsip. Olketa pipol ya i olsem sipsip wea pipol i makem finis fo kaikaim.

Sekaraea 11:4 Iomraidhean Croise

Sams 44:22

Bat from mifala blong yu, olketa pipol i laekem tumas fo kilim mifala dae evri de nomoa, olketa tingting long mifala olsem olketa sipsip fo olketa busarem fo dae.

Maeka 5:4

Taem pikinini ya hemi kamap, bae hemi lukaftarem gudfala olketa pipol blong hem. Bae hemi rul ovarem olketa long paoa wea Yawe hemi givim long hem, an bae hemi rul nomoa long nem blong Yawe hu hemi King. Long datfala taem, olketa pipol blong hem bae i stap gudfala, bikos evri pipol long wol bae i luksave dat hemi garem bikfala paoa.

Sekaraea 11:7

So mi duim nao olsem wea Yawe hemi bin talem long mi. Olketa hu i peim sipsip an olketa hu i salem, olketa peim mi fo lukaftarem olketa sipsip wea pipol i makem finis fo kaikaim. Nao mi tekem tufala wokingstik fo lukaftarem sipsip. Wanfala mi kolem ?Kaen,? an narawan mi kolem ?Tugeta,? an mi gohed fo lukaftarem olketa.

Sekaraea 14:5

Bae yufala ranawe gotru long disfala vali long midol long tufala hil ya, disfala vali wea hemi go-go kasem ples long Asal. Ya, bae yufala ranawe kuiktaem olsem wea olketa grani blong yufala bin ranawe long taem blong etkuek long taem blong King Yusaea, hu hemi king blong Jiuda bifoa. Den Yawe God blong mi, bae hemi kam wetem olketa holi enjel blong hem.

Matiu 15:24

Nao Jisas hemi sei, “God hemi sendem mi fo kam long olketa pipol blong Israel nomoa ya, wea olketa olsem olketa sipsip wea olketa barava go lus nao.”

Matiu 23:37

Nao Jisas hemi tok moa olsem, “!Jerusalem, Jerusalem! Yu nao yu kilim dae olketa profet, an yu sutim dae olketa niusman blong God long ston. Plande taem mi laekem yufala fo kam long mi, mekem mi lukaftarem yufala, olsem taem kokorako hemi haedem olketa smolfala pikinini blong hem andanit long wing blong hem. Bat yufala nating wiling nomoa.

Gudnius abaotem Jisas Kraes wea Jon hemi raetem 20:17

Jisas hemi tok olsem long hem, “Yu no holem mi, bikos mi no gobaek yet long Dadi blong mi. Bat yu go long olketa brata blong mi, an yu talem long olketa wea bae mi gobaek nao long Dadi blong mi wea hemi Dadi blong yufala tu, an hemi God blong mi an hemi God blong yufala tu.”

Leta wea Pol hemi raetem go long sios long Rom 15:8

Mi minim olsem ya, Kraes hemi duim waka blong hem fo helpem olketa Jiu, wea hemi somaot dat olketa promis blong God i tru, bikos Kraes hemi mekem kamtru olketa promis wea God hemi mekem wetem olketa olo blong olketa.

Efesas 1:3

!Yumi mas preisim God, Dadi blong Masta blong yumi Jisas Kraes! Bikos yumi stap joen wetem Jisas Kraes, God hemi givim yumi evri blesing blong hem long heven.