Sekaraea 11:12 - Pijin Bible

¹² An mi tok olsem long olketa, ?Sapos yufala laek fo peim wejis blong mi long mi, yufala peim nao. Bat sapos nomoa, yufala kipim.? Den olketa skelem teti silva seleni an givim long mi fo peim mi.

Pijin Deuterocanon

¹² An mi tok olsem long olketa, ?Sapos yufala laek fo peim wejis blong mi long mi, yufala peim nao. Bat sapos nomoa, yufala kipim.? Den olketa skelem teti silva seleni an givim long mi fo peim mi.

Sekaraea 11:12 Iomraidhean Croise

Jenesis 23:16

Ebraham hemi agri fo peim praes ya wea man ya hemi talemaot long ae blong olketa pipol blong ples ya. Nao long ae blong olketa pipol ya, hemi skelem olketa silva seleni blong hem fo kasem barava praes ya, olsem wea olketa bisnisman save duim olowe long taem ya.

Jenesis 37:28

So taem olketa bisnisman blong Midian ya i kam kolsap, olketa go long wel ya an pulumaot Josef moa, an salem hem go long olketa bisnisman ya fo tuenti silva seleni, an olketa ya i tekem hem go long Ijip nao.

1 Kings 21:2

Wanfala de, Ehab hemi tok olsem long Nabot, “Mi laekem plantesin blong yu ya. Plis yu letem kam fo mi tekem, bikos hemi stap kolsap long haos blong mi, an mi laek fo yusim graon ya fo plantem olketa kaikai long hem. Bae mi sensim hem long wanfala plantesin wea hemi gudfala moa. O sapos yu laekem, bae mi peimaot from yu long ful praes blong hem.”

1 Kings 5:6

So, mi laekem yu fo talem olketa man blong yu long Saedon fo go long Lebanon fo katemdaon samfala sida tri, mekem mi save yusim olketa fo timba. Olketa man blong mi bae i waka wetem olketa, an bae mi peim yu fo olketa man blong yu long watkaen pei yu makem. Yu save dat olketa man blong mi i no save gudfala hao fo katemdaon tri olsem olketa man blong yu long Saedon.”

Eksodas 21:32

An sapos disfala man buluka hemi kilim dae wanfala man slev o woman slev, bae ona blong disfala man buluka mas peim teti silva seleni go long masta blong slev ya, an yufala mas sutim dae disfala man buluka long ston tu.

Jeremaea 32:9

so mi peimaot disfala pisgraon long hem. Mi skelem seventin silva seleni wea hemi praes blong pisgraon ya, an mi peim long hem.

Levitikas 27:4

Fo eni woman, praes hemi teti silva seleni.

Malakae 3:5

Yawe hu hemi garem evri paoa, hemi tok olsem, ?Bae mi kam fo jajem yufala, an kuiktaem nomoa mi talemaot hu long yufala nao hemi duim olketa ravis samting. Hem nao olketa hu i mekem majik, an olketa hu i brekem lo blong marit, an olketa hu i laea long kot, an olketa masta hu i ravem pei blong wakaman, an olketa hu i mekful long olketa wido an olketa pikinini wea mami an dadi blong olketa i dae finis, an mekful long olketa strensa. Evriwan hu i duim olketa nogud samting olsem i nating tinghae long mi.?

Matiu 26:15

An hemi askem olketa olsem, “?Sapos mi givim Jisas go long han blong yufala, wanem nao bae yufala givim long mi?” Nao olketa kaontem tetifala seleni an olketa givim long hem.

Matiu 27:10

So falom wanem God hemi talem mi finis fo duim, olketa yusim seleni ya fo baem disfala pis lan blong olketa man hu i bin wakem olketa samting olsem kap an plet long hem.”

Matiu 27:9

Long taem ya, toktok wea profet Jeremaea hemi talemaot kam bifoa, hemi kamtru nao wea hemi sei, “Olketa tekem disfala teti seleni ya nao. Olketa pipol blong Israel olketa wanmaen finis wea hem nao seleni wea hemi fit fo peim disfala man ya long hem.

Gudnius abaotem Jisas Kraes wea Jon hemi raetem 13:2

Long taem olketa kaikai long ivining, Seitan hemi putum tingting insaet long maen blong Jiudas finis fo hemi mas givim Jisas go long han blong olketa enemi. Disfala Jiudas hemi san blong Saemon Iskariot.