Sekaraea 11:10 - Pijin Bible

¹⁰ Den mi tekem stik wea mi kolem ?Kaen,? an mi brekem fo somaot dat disfala spesol agrimen wea mi bin mekem wetem olketa pipol blong Israel, distaem hemi finis nao.

Pijin Deuterocanon

¹⁰ Den mi tekem stik wea mi kolem ?Kaen,? an mi brekem fo somaot dat disfala spesol agrimen wea mi bin mekem wetem olketa pipol blong Israel, distaem hemi finis nao.

Sekaraea 11:10 Iomraidhean Croise

Sams 50:2

Disfala maonten long Saeon, hemi barava lukgud tumas, an bikfala laet blong God, hemi saenaot kam from ples ya.

Sams 89:39

Yu brekem finis promis wea yu bin mekem wetem disfala wakaman blong yu ya. Hemi olsem wea yu tekemaot kraon blong hem an yu torowem go long mad.

Sams 90:17

God, yu nao yu Masta blong mifala, plis yu blesim mifala. Plis yu mekem evrisamting wea mifala duim fo kamap gudfala.

Jeremaea 14:21

Plis yu no letem nem blong yu hemi kamap nogud long ae blong olketa pipol. Plis yu no meksem long gudfala wei blong yu fo rul. Plis yu no fogetem disfala spesol agrimen wea yu mekem wetem mifala, an yu no brekem agrimen ya.

Esikiel 24:21

wea mi mas talem long olketa blong Israel wea mi Lod Yawe nao mi tok olsem: Tambuples blong mi wea yufala lavem tumas, an yufala save fil sef insaet, an yufala filpraod long hem, bae mi letem fo hemi kamap no tambu moa. An olketa pikinini wea yufala lusim bihaen long Jerusalem, bae olketa dae evriwan long faet.

Daniel 9:26

Long en blong datfala taem, disfala man wea God hemi siusim, bae olketa kilim dae long wei wea hemi nating stret. Ami blong wanfala strongfala king bae hemi kam insaet long Jerusalem, an spoelem taon ya wetem Tambuhaos blong God, olsem bikfala flad nao bin spoelem. Bae olketa samting ya i hapen nao olsem wea God bin makem.

Hosia 1:9

An Yawe hemi tok olsem long Hosia, “Bae yu kolem boe ya, ‘Lo-Ami’, wea hemi minim ‘I no pipol blong mi’, bikos olketa pipol blong Israel i no pipol blong mi, an mi no God wea Mi nao Mi Stap Olowe moa fo olketa.”

Sekaraea 11:7

So mi duim nao olsem wea Yawe hemi bin talem long mi. Olketa hu i peim sipsip an olketa hu i salem, olketa peim mi fo lukaftarem olketa sipsip wea pipol i makem finis fo kaikaim. Nao mi tekem tufala wokingstik fo lukaftarem sipsip. Wanfala mi kolem ?Kaen,? an narawan mi kolem ?Tugeta,? an mi gohed fo lukaftarem olketa.

Nambas 14:34

Yufala mas safa from sin blong yufala fo fotifala yia, wea wanfala yia hemi makem wanfala de blong olketa fotifala de wea tuelfala man i go fo lukluk long datfala lan. !An long fotifala yia ya, bae yufala save dat mi les long yufala!’”

Gudnius abaotem Jisas Kraes wea Luk hemi raetem 21:32

“An mi talem yufala tru samting nao, bae evrisamting ya hemi hapen taem olketa pipol blong distaem olketa no dae yet.

1 Samuel 2:30

“Dastawe nao mi Yawe God blong Israel, mi tok olsem: Bifoa, mi promisim olo blong yu Eron olsem evriwan long laen blong hem bae i prist fo duim waka blong mi fo evritaem olowe. !Bat wea, distaem, mi talem stret long yufala, disfala promis hem finis nao fo olketa pikinini blong yu! Distaem, man hu hemi tinghae long mi, bae mi tinghae long hem. Bat man hu hemi les long mi, bae mi les long hem tu.