Sekaraea 1:20 - Pijin Bible

²⁰ Den Yawe hemi somaot moa long mi fofala man fo wakem aean wea i holem fofala bikfala hama.

Pijin Deuterocanon

²⁰ Den Yawe hemi somaot moa long mi fofala man fo wakem aean wea i holem fofala bikfala hama.

Sekaraea 1:20 Iomraidhean Croise

Nehemaea 9:27

From disfala samting nao, yu letem olketa enemi i kam winim olketa, an mekem olketa safa. Long taem blong trabol ya, olketa kraeaot long yu, nao yu herem olketa long heven, an yu helpem olketa. Bikos yu barava sore long olketa, yu sendem olketa sif fo sevem olketa from paoa blong olketa enemi.

Aesaea 44:12

Yufala tingim fastaem. Taem man fo wakem kaving god long aean, hemi tekem wanfala pis aean an putum go long faea fo hemi barava hot, nao hemi jes wakem kaving long hem. Hemi gohed fo hamarem pis aean ya long hama go-go hemi kasem piksa wea hemi laekem. Nomata man ya hemi strong, bat hemi save hanggre, an hemi save dae fo wata, an hemi save taet fogud tu.

Obadaea 1:21

Olketa lida blong Israel hu i win long faet ya bae olketa go antap long maonten long Saeon, an bae olketa rul ovarem olketa maonten blong laen blong Iso. Ya, mi Yawe nao bae mi king.”

Diutronomi 33:25

Yufala save stap sef olowe bikos yufala save yusim aean an bras fo mekem olketa geit blong wolston blong olketa taon blong yufala i strong fogud. An bae yufala save strong olowe long laef blong yufala.”

Jajis 11:16

Stori abaotem disfala samting hemi olsem, taem olketa grani ya i lusim Ijip, olketa gotru long drae eria an olketa krosim Red Si an kam long ples long Kades.

Jajis 11:18

“Olketa wakabaot nomoa long drae eria go-go olketa goraon long saet blong spialaen blong lan blong Idom, an long lan blong Moab. Olketa go long ist saet long Moab wea olketa putumap haostent blong olketa narasaet long Anon riva wea hemi spialaen blong Moab, an olketa nating go akros long spialaen ya.

1 Samuel 12:11

So Yawe hemi sendem Gidion, an Bedan, an Jefta, an laswan nao hemi sendem mi. Hem nao hemi tekem yufala aot from paoa blong olketa enemi blong yumi, dastawe nao yufala stap gud.