Sekaraea 1:17 - Pijin Bible

¹⁷ ?Yu mas talemaot tu dat Yawe hu hemi garem evri paoa, hemi tok olsem, ?Olketa taon blong mi bae i kamap gudfala moa. Bae mi Yawe mi helpem moa Jerusalem, an mekem wea hemi spesol taon blong mi moa.??

Pijin Deuterocanon

¹⁷ ?Yu mas talemaot tu dat Yawe hu hemi garem evri paoa, hemi tok olsem, ?Olketa taon blong mi bae i kamap gudfala moa. Bae mi Yawe mi helpem moa Jerusalem, an mekem wea hemi spesol taon blong mi moa.??

Sekaraea 1:17 Iomraidhean Croise

2 Kronikols 6:6

Bat mi siusim nao Jerusalem, olsem ples wea bae yufala mas wosipim nem blong mi long hem, an mi siusim yu Deved fo kamap king ovarem pipol blong mi long Israel.’”

Nehemaea 11:20

Olketa narafala pipol blong Israel, wea samfala i prist, an samfala i Livaet, olketa ya gohed fo stap long ples blong olketa famili long olketa taon long Jiuda, long graon wea olketa seleva i onam.

Nehemaea 11:3

Samfala long olketa prist, an olketa Livaet, an olketa wakaman long Tambuhaos, an olketa long laen blong olketa wakaman blong King Solomon bifoa, wetem samfala narafala pipol blong Israel, olketa gohed fo stap long ples blong olketa long olketa taon long Jiuda. Bat samfala lida wetem narafala pipol long tufala distrik long Jiuda an Benjamin, olketa mekem hom blong olketa long Jerusalem. Olketa long laen blong Jiuda hu i stap long Jerusalem hemi olsem: Ataea, san blong Yusaea, hu hemi bon kam long laen blong Peres. Laen ya nao hemi olsem: Ataea, Yusaea, Sekaraea, Amaraea, Sefataea, Mahalalel, Peres hu hemi olo grani long disfala laen.

Sams 69:35

Bae God hemi sevem olketa pipol blong Jerusalem, an bae hemi wakembaek moa olketa taon blong Jiuda. Olketa pipol blong hem bae i stap long ples ya, an bae olketa onam moa olketa graon ya.

Aesaea 14:1

(Profet) Bae Yawe hemi sore long yumi olketa pipol long laen blong Israel, an bae hemi siusim yumi moa fo kamap pipol blong hem. Bae hemi letem yumi fo stap long disfala lan blong yumi, an pipol blong olketa narafala kantri tu bae i kam fo stap long ples ya an kamap olsem wanfala pipol wetem yumi.

Aesaea 44:26

Bat taem wakaman blong mi hemi talem dat bae wanfala samting hemi hapen, o mi sendem wanfala man blong mi fo talemaot olketa plan blong mi, bae mi mekem olketa samting ya fo hapen tru olsem nao. Mi nao mi talem dat bae pipol i stap moa long Jerusalem, an bae olketa stanemap moa olketa taon long Jiuda. Ya, olketa taon ya wea olketa enemi i spoelem finis, bae i stanap moa from graon.

Aesaea 49:13

!Skae an graon, yutufala mas hapi an singaot bikfala! !Olketa maonten, yufala mas singsing! Bikos Yawe hemi mekem mifala olketa pipol blong hem, fo filgud moa. Ya, bae hemi sore long mifala hu bin safa tumas.

Aesaea 51:12

Yawe hemi tok moa olsem, “Mi nao mi sore long yufala an mekem yufala strong. ?Waswe nao yufala fraet long man hu bae hemi dae nomoa? !Hemi olsem gras nomoa ya, wea hemi nating save stap longtaem!

Aesaea 51:3

Bikos mi duim olketa samting ya nao, yufala mas save dat bae mi somaot sore blong mi long yufala pipol blong Israel wetem olketa ples blong yufala wea i foldaon finis long pisis. Nomata olketa lan long yufala hemi kamap wanfala drae eria, bae mi mekem hemi kamap wanfala nambawan gaden, olsem Gaden ya long Iden. Olketa pipol hu i stap long olketa ples ya bae i hapi olowe, an bae olketa singsing fo preisim mi, an fo talem tengkiu long mi.

Aesaea 52:9

!Nomata taon blong yufala ya Jerusalem, hemi nogud tumas distaem, yufala mas hapi an singaot bikfala! Yawe bae hemi mekem tingting blong yufala fo gudbaek moa, an bae hemi mekem yufala fri.

Aesaea 54:8

Fo lelebet taem nomoa mi bin kros long yufala an mi bin lusim yufala. Bat mi tinghevi long yufala olowe nao, an bae mi sore tumas long yufala.” Hem nao toktok blong Yawe hu hemi mekem yufala fri.

Aesaea 66:13

An yufala long Jerusalem, bae mi mekem tingting blong yufala fo kamap gud moa, olsem wea woman hemi mekem pikinini blong hem fo hemi hapi moa.” Hem nao toktok blong Yawe.

Jeremaea 31:13

Olketa gele bae i dans fo hapi, an olketa yanga an olketa olo tu bae i joenem olketa. Bae mi liftimap tingting blong olketa an finisim evri sore blong olketa, mekem olketa hapi fogud.

Jeremaea 33:13

An raonem olketa taon insaet long olketa maonten an long olketa smolfala hil long west, an long drae eria long Jiuda long saot, an long distrik long Benjamin, an raonem olketa vilij kolsap long Jerusalem, an olketa taon blong Jiuda tu, bae olketa man save lukaftarem sipsip blong olketa an save kaontem an makem olketa moa.” Hem nao toktok blong Yawe.

Jeremaea 33:9

Long datfala taem, olketa pipol blong wol bae i hapi tumas from olketa gudfala samting mi duim fo disfala taon, an bae i preisim mi an mekhae long nem blong mi. Bae olketa seke tumas taem i herem nius abaotem wei wea mi mekem olketa pipol long disfala taon fo stap gudfala long piis.

Esikiel 36:33

“Lod Yawe nao hemi tok olsem: Taem mi tekemaot olketa sin blong yufala, an mekem yufala klin moa, bae mi letem yufala stap moa long olketa taon blong yufala, an yufala save mekem baek moa olketa taon ya.

Emos 9:14

Yawe hemi tok moa olsem, ?Long datfala taem, bae mi tekem olketa pipol blong Israel fo kambaek moa long barava ples blong olketa. Bae olketa bildimbaek an stap moa long olketa taon blong olketa wea olketa enemi i bin spoelem. Bae olketa plantem moa olketa grep tri, an mekem waen long hem fo dring. Bae olketa wakem moa olketa gaden, an kaikaim moa olketa kaikai wea olketa plantem.

Obadaea 1:20

Olketa traeb blong Israel long not wea olketa enemi i fosim olketa fo lusim hom blong olketa, bae olketa kambaek an tekova moa long lan blong olketa, go-go kasem taon long Sarefat long Fonisia. An olketa pipol blong Jerusalem long saot hu i waka olsem slev long taon long Sefarad, bae olketa tekova moa long olketa taon blong Negev.

Sekaraea 1:14

An enjel ya hemi tok olsem long mi, ?Yu mas talemaot dat Yawe hu hemi garem evri paoa, hemi tok olsem, ?Jerusalem wea hemi stap antap long tambu maonten long Saeon, hemi taon blong mi, an mi garem strongfala tingting fo hem.

Sekaraea 1:18

Mi lukim narafala spesol drim moa, an long spesol drim ya mi lukim fofala hon blong buluka.

Sekaraea 2:12

Distrik long Jiuda bae hemi kamap spesol ples blong Yawe long holi lan blong hem. An bae hemi siusim moa Jerusalem olsem spesol taon fo hemi stap long hem.

Sekaraea 2:4

An narafala enjel ya hemi tok olsem long hem, ?Yu resis go fo talem disfala yang man wea hemi holem making teip ya wea Yawe hemi tok olsem, ?Jerusalem bae hemi fulap long plande pipol an plande animol tu. Ples ya bae hemi kamap bikfala fogud, wea olketa no nid fo bildim wolston raonem.

Sekaraea 3:2

Den Yawe hemi tokstrong olsem long Seitan, ?!Seitan! !Yu stap kuaet! Mi Yawe hu mi siusim Jerusalem fo mi stap long hem, mi nao mi talem yu dat yu mas stap kuaet nomoa. Disfala man nao mi sevem hem olsem stik wea man hemi tekemaot from insaet long faea, mekem hemi no bone.?

Efesas 1:4

Nomata taem God hemi no mekem yet disfala wol, hemi siusim yumi finis nao fo kamap pipol blong hem bikos yumi joen wetem Kraes. Hemi siusim yumi fo mekem yumi kamap holi an fo mekem yumi no garem eni rong samting long ae blong hem.