Sefenaea 3:13 - Pijin Bible

¹³ Olketa blong Israel wea i laef yet, bae olketa no save mekem eni nogud samting. An bae olketa no save laea, an no save talem eni toktok wea i no tru. An bae olketa save kaikai gudfala, an save stap kuaet, an no eniwan nao bae mekem olketa fraet.?

Pijin Deuterocanon

¹³ Olketa blong Israel wea i laef yet, bae olketa no save mekem eni nogud samting. An bae olketa no save laea, an no save talem eni toktok wea i no tru. An bae olketa save kaikai gudfala, an save stap kuaet, an no eniwan nao bae mekem olketa fraet.?

Sefenaea 3:13 Iomraidhean Croise

2 Kronikols 20:30

Nao Yawe hemi mekem kantri blong King Jehosafat fo garem piis wetem evri kantri raonem hem.

Stori abaotem Job 11:19

Ya, bae yu save slip gudfala, an no eniwan save mekem yu fraet. An plande pipol bae tinghae long yu.

Sams 119:3

Olketa ya i nating duim enisamting rong, an oltaem nomoa olketa falom trufala wei blong yu.

Sams 120:2

Mi tok olsem, “Lod Yawe, plis yu sevem mi from olketa laea pipol an olketa pipol hu i save mekem trik fo spoelem mi.”

Sams 120:3

Yufala olketa laea pipol, yufala nating save abaotem wanem bae God hemi duim long yufala. Bae hemi barava panisim yufala ya.

Sams 23:2

Oltaem hemi gohed fo mekem mi res gudfala long ples wea hemi garem plande gudfala gras long hem. Hemi lidim mi go long olketa kuaet ples wea hemi garem gudfala wata long hem.

Aesaea 17:2

An taon ya long Aroa wetem evri ples raonem, bae hemi emti finis. Bae olketa sipsip an nanigot nomoa i gohed fo kaikai olobaot long olketa taon ya, an bae no eniwan hemi stap fo mekem olketa fraet.

Aesaea 35:8

Wanfala bikfala rod bae hemi stap long ples ya an bae olketa kolem, Holi Rod blong Yawe. Olketa nogud pipol an olketa krangge pipol bae i no wakabaot falom rod ya, bat olketa pipol hu i falom nomoa gudfala wei save falom Holi Rod blong Yawe.

Aesaea 54:14

Bae stretfala wei blong mi hemi mekem yufala strong. An bae no eniwan hemi mekem yufala safa moa, o mekem yufala fraet moa.

Aesaea 6:13

Nomata tu-tri pipol nomoa i stap, bae mi spoelem olketa tu. Nomata olsem, niufala holi pipol blong mi bae i kamap olsem niufala tri wea hemi grouap moa from botom blong tri wea olketa katemdaon finis.”

Aesaea 60:21

Yufala evriwan bae i kamap stret fogud, an bae yufala onam disfala kantri olowe nao. Mi nao mi putum yufala long disfala ples olsem tri wea mi bin plantem, an bae evriwan i preisim mi, fo olketa gudfala samting wea mi duim.

Aesaea 63:8

Yawe hemi tok olsem, “!Olketa no save laea long mi ya, bikos olketa ya i pipol blong mi!” So, hemi sevem olketa.

Aesaea 65:10

An olketa hu i wosipim mi nomoa bae save lidim olketa animol blong olketa fo kaikai long bikfala flat ples ya long Saron long saet long west, an long Akoa vali long saet long ist, long midol long olketa maonten.

Jeremaea 23:4

Bae mi siusim samfala lida fo lukaftarem olketa gudfala. Nao olketa pipol ya no save fraet moa, o wikdaon long tingting blong olketa. An bae no eniwan long olketa hemi lus moa.” Hem nao mesij blong Yawe.

Jeremaea 30:10

“So, yufala long laen blong Israel, hu i spesol pipol blong mi. Yufala mas no fraet. Yufala mas no seksek. Bae mi sevem yufala from farawe kantri wea yufala stap long hem. Ya, bae mi tekemaot yufala from disfala ples wea olketa enemi bin fosim yufala fo go stap long hem. Bae yufala kambaek moa long hom blong yufala, nao bae yufala stap gud moa, an yufala save stap long piis. Bae no eniwan save spoelem yufala, o mekem yufala fraet.

Jeremaea 31:33

Hem ya nao disfala niufala spesol agrimen wea bae mi mekem wetem olketa pipol blong Israel. Bae mi putum lo blong mi insaet long maen blong olketa, an bae mi raetemdaon long haat blong olketa. Bae mi nao God blong olketa, an bae olketa kamap moa spesol pipol blong mi.

Esikiel 39:26

Taem olketa stap gudfala moa an sef long ples blong olketa, no eniwan bae hemi kam fo faet agensim olketa o mekem olketa fraet moa. Fastaem, olketa sem tumas bikos olketa lusim mi an mekem mi filnogud, bat bae olketa no tingim moa disfala samting.

Joel 3:17

Yawe hemi tok olsem, “Hem nao yufala pipol blong Israel bae i save dat mi nao Yawe, an mi nao God blong yufala. Mi stap long tambu maonten blong mi ya Saeon, an taon long Jerusalem bae hemi wanfala tambu ples blong mi, an no eniwan bae hemi winim moa.”

Levitikas 26:6

An bae mi mekem lan blong yufala fo garem pis, an bae yufala save slip gudfala an no save fraetem enisamting long naet. Olketa wael animol wea i save kilim dae pipol, bae mi ronemaot olketa from ples blong yufala, an bae no eni faet save kam long ples blong yufala.

Maeka 4:4

Evri pipol bae i stap gudfala, an garem piis olowe. Bae olketa save stap gudfala long olketa plantesin blong olketa long grep, an olketa save sidaon andanit long olketa fig tri blong olketa. An bae no eniwan save mekem olketa fo fraet moa. Hem nao toktok blong Yawe hu hemi garem evri paoa.

Maeka 4:7

an stap long wanfala farawe kantri, yufala i wik olsem wea lek blong yufala hemi dae. Bat bae mi helpem yufala hu i laef yet fo kamap wanfala strongfala pipol. An bae mi rul ovarem yufala antap long tambu maonten long Saeon fo evritaem olowe nao.

Maeka 7:14

(Profet) Yawe. Mifala i pipol blong yu wea yu siusim. Plis yu lukaftarem mifala gudfala olsem wea mifala olketa sipsip blong yu. Nomata mifala olketa sipsip blong yu i stap long bus, bat olketa graon wea hemi garem gudfala gras hemi stap raonem mifala. Plis yu letem mifala evri sipsip fo kaikai long gudfala gras ya long Basan an long Gilead, olsem wea olketa sipsip blong yu bin kaikai long hem bifoa.

Sefenaea 2:7

Samfala pipol blong Jiuda hu i laef yet long datfala taem, olketa nao bae tekova long lan blong yufala. Bae olketa lukaftarem olketa sipsip blong olketa long lan ya, an bae olketa save slip long olketa haos blong yufala long Askelon. Yawe hu hemi God blong olketa, bae hemi lukaftarem olketa, an mekem olketa fo kamap gudfala moa.?

Sefenaea 3:5

Nomata olsem, Yawe hemi stap olowe nomoa long Jerusalem, an wei blong hem hemi stret fogud. Evri moning, hemi somaot stretfala wei blong hem long olketa pipol, an evri niufala de hemi gohed nomoa fo duim olketa gud samting. Bat olketa nogud pipol i no save sem nao.?

Sekaraea 8:12

Bae yufala save stap long piis, an olketa gaden blong yufala save grou gudfala. Olketa grep tri blong yufala bae i garem plande frut, an olketa kaikai wea yufala plantem bae i garem plande kaikai, bikos gudfala ren bae hemi kam. Oltaem bae mi blesim olketa hu i laef yet long olketa gudfala samting ya.

Sekaraea 8:16

?Olketa samting wea yufala mas duim hemi olsem: Yufala mas tok tru long olketa narafala pipol olowe. Taem yufala jajem pipol long kot, yufala mas jaj long stretfala wei.

Sekaraea 8:3

?Mi talem yufala tru nao: Bae mi gobaek moa long Jerusalem, an bae mi stap antap long maonten long Saeon. Bae olketa pipol i save tok olsem, ?Jerusalem hemi taon wea olketa pipol i tinghevi olowe nomoa long Yawe.? An maonten blong Yawe hu hemi garem evri paoa, bae olketa kolem hem ?Tambu Maonten.?

Matiu 13:41

Mi San Blong Man, bae mi sendem olketa enjel blong mi fo go tekemaot evriwan hu i mekem pipol fo sin an evriwan hu wei blong hem hemi ravis. Bae olketa tekemaot olketa ya from kingdom long Heven,

Gudnius abaotem Jisas Kraes wea Jon hemi raetem 1:47

Taem Jisas hemi lukim Nataniel wea hemi kam long hem, hemi sei olsem abaotem hem, “!Disfala man nao barava man blong Israel bikos hemi nating save laea!”

Kolosi 3:9

an yufala mas no laea long eniwan long yufala. Bikos yufala bin lusim finis olfala laef blong yufala wetem olketa olfala wei,

1 Pita 3:14

Bat nomata yufala safa bikos yufala duim wanem hemi stret, yufala save hapi. So yufala no fraet long olketa pipol ya an yufala no wari tumas long olketa.

1 Jon 5:18

Yumi save dat eniwan hu hemi bon kam olsem pikinini blong God, hemi no gohed fo sin. Bikos San blong God hemi lukaftarem hem, hem nao Seitan hemi no save spoelem hem.

Revelesin 14:5

No enitaem nao olketa bin talemaot eni laea toktok. Olketa barava stret long ae blong God.

Revelesin 21:27

Bat olketa samting wea hemi no klin an olketa pipol hu i gohed fo duim olketa ravis samting, o gohed fo laea, olketa ya nao olketa no save kam insaet long biktaon ya. Bat olketa pipol wea nem blong olketa hemi stap insaet long disfala buk blong laef wea Smolfala Sipsip ya hemi garem, olketa pipol ya nao save go insaet long biktaon ya.

Revelesin 21:8

“Bat olketa pipol hu i sem long mi, an olketa hu i lusim biliv, an olketa hu i mekem olketa ravis wei, an olketa hu i kilim man dae, an olketa hu i durong wetem eniwan, an olketa hu i mekem majik, an olketa hu i wosipim olketa nara god, an olketa hu i laea tumas, olketa ya nao bae mektu dae kasem olketa. Bae olketa go long bikfala hol blong barava hot faea wea hemi bone long diskaen ston salfa.”