Sefenaea 2:13 - Pijin Bible

¹³ Yawe bae hemi yusim paoa blong hem agensim kantri long Asiria, an bae hemi mekem biktaon long Nineve fo kamap nogud tumas, mekem hem no garem eni wata long hem.

Pijin Deuterocanon

¹³ Yawe bae hemi yusim paoa blong hem agensim kantri long Asiria, an bae hemi mekem biktaon long Nineve fo kamap nogud tumas, mekem hem no garem eni wata long hem.

Sefenaea 2:13 Iomraidhean Croise

Aesaea 10:12

(Profet) Taem Yawe hemi panisim finis olketa pipol long Tambu Maonten long Saeon an Jerusalem, bae hemi panisim king ya blong Asiria, bikos hemi haemapem hem seleva an hemi tok praod tumas.

Aesaea 10:16

(Profet) Dastawe nao Lod Yawe hu hemi garem evri paoa, bae hemi mekem wanfala ravis sik fo kasem olketa strongfala soldia blong king ya. Bae sik ya hemi spoelem olketa tumas olsem wea faea hemi bonem evrisamting, an no enisamting nao hemi stap.

Aesaea 10:5

Yawe hemi tok olsem, “!Sore tumas long kantri blong Asiria! Bae mi yusim olketa olsem stik blong mi fo kilim dae yufala olketa pipol long Jiuda an Israel.

Aesaea 11:11

Long taem ya, Lod God bae hemi yusim moa paoa blong hem fo tekem kambaek long mektu taem olketa pipol blong hem hu i laef yet from olketa narafala kantri, olsem from Asiria, an Ijip, an Patros, an Kus, an Elam, an Babilonia, an Hamat, an from olketa kantri kolsap long solwata, an from olketa aelan long solwata.

Aesaea 14:26

Hem nao plan blong mi fo olketa narafala kantri long wol ya. Mi liftimapem finis han blong mi fo panisim olketa.”

Aesaea 37:37

So King Senakerib ya blong Asiria wetem olketa pipol blong hem hu i laef yet, i lusim ples ya an gobaek nao long Nineve.

Jeremaea 49:33

Bae Hasoa hemi kamap emti ples wea olketa wael dog nomoa i stap long hem, an no eniwan save stap long hem moa.” Hem nao mesij blong Yawe.

Jona 1:2

“!Yu go long Nineve! !Talemaot long olketa pipol blong datfala bikfala taon wea mi lukim bikfala trabol bae hemi kasem olketa from disfala ravis wei blong olketa!”

Jona 3:2

“Yu go long bikfala taon long Nineve, an talemaot disfala Mesij wea mi givim long yu.”

Neiham 1:1

Hem ya profesi abaotem Nineve wea Yawe hemi talemaot long Neiham, hu hemi wanfala man from disfala taon long Elkos.

Neiham 3:15

Bat nomata yufala duim olketa samting ya fo gadem yufala, bae olketa enemi i bonem yufala dae o kilim yufala dae long faet. Bae olketa kilim yufala evriwan dae, olsem wea olketa grashopa i spoelem finis wanfala gaden. Yufala bin kamap plande tumas olsem olketa grashopa.

Neiham 3:7

Evriwan hu i lukim yufala, bae i seke fogud an ranawe. Bae olketa tok olsem, ‘!Nineve hemi kamap barava nogud nao! ?Hu nao bae hemi krae fo hem?’ !No eniwan nao hemi filsore long hem!”

Sefenaea 1:4

Yawe hemi tok olsem, ?Bae mi agensim olketa pipol blong Jerusalem an olketa pipol blong Jiuda. Bae mi spoelem an kilim dae olketa evriwan hu i wosipim disfala god Baal, an bae mi finisim nem blong olketa prist blong hem mekem no eniwan save tingim olketa ya.