Sefenaea 2:10 - Pijin Bible

¹⁰ Profet Sefenaea hemi tok olsem, ?Yawe bae hemi panisim olketa pipol blong Moab an Amon, bikos olketa praod an bikhed tumas, an olketa tokspoelem olketa pipol blong Yawe hu hemi garem evri paoa.

Pijin Deuterocanon

¹⁰ Profet Sefenaea hemi tok olsem, ?Yawe bae hemi panisim olketa pipol blong Moab an Amon, bikos olketa praod an bikhed tumas, an olketa tokspoelem olketa pipol blong Yawe hu hemi garem evri paoa.

Sefenaea 2:10 Iomraidhean Croise

1 Kronikols 16:21

Bat Yawe hemi no letem eniwan fo mekful long olketa. Hemi tokstrong long olketa king bikos hemi gadem olketa pipol blong hem.

Eksodas 10:3

So Mosis an Eron i go long king, an tok olsem long hem, “Yawe, God blong mifala Hibru nao, hemi tok olsem: ‘!Yu ya, yu bikhed fogud! ?Hao long nao bae yu les fo putum yu seleva daon long ae blong mi? !Letem pipol blong mi fo goaot from kantri ya, mekem olketa save wosipim mi!

Eksodas 9:17

Bat kam kasem distaem, yu bin gohed fo bikhed yet, an yu no letem olketa pipol blong mi fo go.

Aesaea 16:6

Olketa pipol blong Jiuda i tok olsem, “Yumi bin herem plande taem wea olketa pipol ya blong Moab i praod tumas. Yumi save finis wea olketa save haemapem olketa seleva tumas, an no save sore o kea nomoa long olketa narafala pipol. Bat yumi save tu dat evri praod toktok blong olketa hemi samting nating nomoa.”

Jeremaea 12:14

Yawe nao hemi tok olsem, “Olketa ravis pipol hu i stap raonem lan blong olketa pipol blong mi long Israel, bae mi aotem olketa from olketa lan blong olketa long sem wei wea bae mi aotem tu olketa pipol blong Jiuda from lan blong olketa.

Jeremaea 48:14

“Olketa pipol blong Moab. ?Waswe nao yufala gohed fo tok olsem, ‘Mifala strongman fo faet, an mifala soldia wea mifala no save fraet’?

Jeremaea 48:29

“Evriwan save dat Moab hemi praod tumas. Oltaem hemi gohed fo bikhed tumas, an hemi gohed fo tinghae long hem seleva.

Lamentesin 1:9

Evriwan save lukim sin blong hem, bat hemi no wari nomoa long wanem bae hemi hapen. Bat olketa enemi i daonem hem nogud, an no eniwan save helpem hem. “!O Yawe! Olketa enemi i winim mi finis. !Plis yu lukim mi, an sore long mi!”

Esikiel 25:6

“Hem nao mi Lod Yawe mi tok olsem: Oltaem nomoa yufala bin gohed fo heitem disfala kantri long Israel. An yufala gohed nomoa fo klapem han blong yufala an gohed fo jam bikos yufala hapi tumas wea disfala kantri hemi lus.

Daniel 4:37

“An distaem, mi preisim God, hu hemi king long heven, an mi tinghae long hem. Evrisamting wea hemi duim, hemi gud an stret fogud. An hemi save mekem eniwan hu hemi praod fo kamdaon lou.”

Obadaea 1:11

Bifoa, taem olketa enemi i kam long Jerusalem, olketa brekem olketa doa long wolston blong taon ya, an olketa kam insaet, bat yufala gohed fo lukluk nomoa, yufala nating helpem nomoa olketa brata blong yufala. Wei blong yufala hemi nogud tumas olsem wei blong olketa enemi ya. Olketa tekemaot olketa gudfala samting blong ples ya, an pleim daes fo lukim hu nao bae hemi tekem olketa nambawan samting.

Obadaea 1:3

Yufala haemapem yufala seleva tumas. Yufala stap long olketa strongfala ples antap long olketa maonten blong yufala, an yufala tingting olsem, ‘!No eniwan save mekem mifala kamdaon!’ Bat olketa tingting ya hemi laea nomoa.

Sefenaea 2:8

Hem ya nao mesij blong Yawe hu hemi garem evri paoa, an hu hemi God blong Israel. Hemi tok olsem, ?Mi herem finis wea olketa pipol blong Moab i tokdaonem pipol blong mi, an pipol blong Amon i tokspoelem pipol blong mi. Olketa tokpraod olsem bae olketa tekova long lan blong pipol blong mi. So olsem mi laef, mi promis fo spoelem Moab an Amon. Moab bae hemi kamap olsem Sodom, an Amon bae hemi kamap olsem Gomora bifoa. Tufala ples ya bae i kamap ples blong solt, an no eni gudfala samting hemi save grou long hem. Olketa ravis gras nomoa bae i kavaremap tufala, an tufala bae stap nogud olowe nao. Bat pipol blong mi wea olketa laef yet, bae olketa nao go tekem evrisamting blong olketa, an bae olketa tekova long lan blong olketa tu.?

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”