Sefenaea 1:15 - Pijin Bible

¹⁵ De ya bae hemi de blong kros blong God, an hemi de fo pipol fo garem hadtaem an barava filnogud. De ya bae hemi de blong trabol an evrisamting i bagarap. De ya bae hemi taem blong bikfala tudak an klaod wea hemi blak fogud.

Pijin Deuterocanon

¹⁵ De ya bae hemi de blong kros blong God, an hemi de fo pipol fo garem hadtaem an barava filnogud. De ya bae hemi de blong trabol an evrisamting i bagarap. De ya bae hemi taem blong bikfala tudak an klaod wea hemi blak fogud.

Sefenaea 1:15 Iomraidhean Croise

Aesaea 13:9

Disfala De blong Yawe hemi kam nao. Long disfala De, God hemi kros tumas an hemi letem hadtaem fo kam. An bae hemi spoelem finis lan blong olketa wetem evri pipol long hem hu i sin tumas.

Aesaea 22:5

Distaem, Lod Yawe hu hemi garem evri paoa hemi siusim wanfala de. An long datfala de long Vali blong Spesol Drim, bae yumi fraet tumas. Olketa enemi bae i winim yumi, an bikfala wolston long disfala taon blong yumi bae olketa enemi i brekemdaon finis. An bae yumi kraeaot bikfala mekem eniwan hemi kam fo helpem yumi, bat long datfala taem krae blong yumi hemi go kasem nomoa olketa maonten an kambaek.

Aesaea 8:22

An taem olketa luk godaon fo help, bat no eni help nomoa hemi kam. Olketa lukim nomoa trabol long evri ples, olsem wea tudak hemi kavaremap disfala lan. An bae God hemi torowem olketa godaon long disfala ples wea hemi tudak tumas.

Jeremaea 30:7

!Man! Datfala taem bae hemi barava had tumas. No eni narafala de moa hemi had olsem. Bae hemi barava taem blong trabol fo laen blong Israel, bat bae i no lus finis.

Joel 2:11

Yawe hemi tokstrong long olketa grashopa ya wea i olsem olketa soldia blong hem, an voes blong hem hemi bikfala tumas olsem tanda. Nomata olketa plande fogud an garem paoa, bat olketa obeim hem nomoa. Disfala De blong Yawe bae hemi barava had tumas. ?Hu nao hemi fitim fo stanap strong taem disfala De hemi kam?

Joel 2:2

Long De ya bae hemi kamap tudak, olsem bikfala klaod hemi fulumapem skae. An olsem san hemi saen kam long eli moning antap long maonten, bae olketa grashopa i kam olsem wanfala strongfala ami fo kavaremap lan. No enisamting olsem hemi hapen yet bifoa, an no enisamting olsem bae hemi hapen moa enitaem.

Joel 2:31

Bae san hemi kamap tudak, an bae mun hemi kamap red olsem blad. Nao bihaen, bae De ya blong mi Yawe, hemi jes kam. Hem nao wanfala de wea evri pipol i fraet tumas long hem.

Sefenaea 1:18

Profet Sefenaea hemi tok olsem, ?Long de wea Yawe bae hemi somaot kros blong hem, olketa silva an gol blong olketa pipol, bae i no save sevem olketa. Kros blong hem bae hemi olsem bikfala faea, an bae hemi bonem disfala wol finis. Seknomoa, bae hemi finisim olketa evriwan long disfala wol.?

Matiu 24:29

An Jisas hemi sei moa, “Bihaen disfala taem blong bikfala trabol ya nomoa, san bae hemi stat fo dak nao, an mun tu bae hemi no save saen kam. An olketa sta long skae bae olketa foldaon, an evri strongfala samting long skae bae olketa seksek olobaot.

Leta wea Pol hemi raetem go long sios long Rom 2:5

Bat yufala bikhed tumas an yufala no wande sensim nomoa tingting blong yufala. So yufala mekem panis blong yufala hemi kamap bikfala moa, an bae hemi kasem yufala long datfala de wea God bae hemi somaot kros blong hem an stretfala wei blong hem fo jajem evriwan.

Diutronomi 28:52

Olketa enemi bae i kam faet agensim olketa taon long disfala lan blong yufala. An bae olketa save brekemdaon olketa bikfala wolston blong olketa taon ya wea yufala trastem olketa fo gadem yufala long lan wea Yawe hemi givim long yufala.

2 Pita 3:7

An from disfala toktok blong God tu, disfala skae an graon wea i stap distaem, tufala bae weit nomoa fo faea hemi kam an bonem tufala. Skae an graon bae weit go-go kasem taem wea God hemi jajem evri pipol an bae hemi spoelem olketa hu i no save obeim hem.

Revelesin 6:17

Bikos distaem, hemi kasem nao bikfala de blong tufala fo panisim mifala. ?So hu nao bae hemi save laef long diswan?”