Sefenaea 1:11 - Pijin Bible

¹¹ An yufala kolsap long maket, taem yufala herem olketa samting ya, bae yufala krae bikfala, bikos olketa bisnisman bae dae.

Pijin Deuterocanon

¹¹ An yufala kolsap long maket, taem yufala herem olketa samting ya, bae yufala krae bikfala, bikos olketa bisnisman bae dae.

Sefenaea 1:11 Iomraidhean Croise

Stori abaotem Job 27:16

An nomata hemi garem staka seleni, olketa stretfala pipol bae searem olketa seleni ya. Ya, nomata hemi hipimap staka kaleko, bat olketa gud pipol nao bae werem.

Jeremaea 25:34

!Olketa lida! !Yufala mas barava sore an krae! Yufala mas rol olobaot long asis faea fo somaot dat yufala filnogud. Olketa pipol i olsem sipsip, an yufala i olsem man fo lukaftarem olketa sipsip ya. Bat distaem, de fo kilim yufala hemi kam finis, an olketa enemi blong yufala bae i spoelem yufala finis. Bae yufala kam olsem nambawan pot olketa wakem long graon wea hemi foldaon an hemi brek, mekem hem kamap nogud tumas.

Jeremaea 4:8

Yumi mas werem olketa ravis kaleko an krae bikfala fo somaot dat yumi barava sore, bikos Yawe hemi gohed fo kros tumas long yumi.

Esikiel 21:12

Man blong graon, yu mas sore an krae bikfala. Disfala naef nao hemi agensim olketa pipol blong mi, an olketa bikman blong yufala. Ya, bae olketa evriwan i dae long faet. So yu mas somaot wea yu barava filsore fogud.

Hosia 9:6

Nomata samfala long olketa i laef yet bihaen taem wea disfala bikfala trabol hemi kamap, bat bae olketa blong Ijip i hipimap olketa tugeta nomoa, fo berem olketa long Memfis wea hemi kapitol blong Ijip. An evri ples wea olketa bin stap long hem bifoa wetem evri gudfala samting blong olketa wea olketa wakem long silva, bae bikfala bus an olketa ropnila nao hemi kavaremap.

Joel 1:13

(Profet) Yufala olketa prist hu i mekem olketa sakrifaes long olta, yufala mas tekemaot olketa spesol kaleko blong prist an werem olketa ravis kaleko fo somaot dat yufala sore tumas. Yufala go long Tambuhaos an krae go-go kasem delaet, bikos no eni kaikai o waen nao hemi stap fo tekem go olsem ofaring long God blong yumi.

Joel 1:5

!Wekap an krae, yufala evri drang man! Olketa grep fo mekem niufala waen hemi finis nao.

Sefenaea 2:5

!Pipol blong Filistia hu i stap kolsap long solwata, sore tumas long yufala! Yawe hemi talemaot finis Mesij blong hem agensim yufala. Hemi tok olsem, ?Bae mi spoelem yufala finis, go-go no eniwan long yufala hemi laef.?

Sekaraea 14:21

An evri sospen blong pipol long Jerusalem an blong olketa narafala pipol long Jiuda, bae i kamap tambu fo Yawe. Bae olketa pipol save yusim olketa fo kukim olketa tambu mit blong sakrifaes. An long datfala de, olketa bisnisman bae i nating save mekem moa bisnis insaet long Tambuhaos blong Yawe hu hemi garem evri paoa.

Gudnius abaotem Jisas Kraes wea Jon hemi raetem 2:16

An hemi tokstrong long olketa hu i go-gohed fo salem olketa kurukuru tu an hemi sei, “!Tekem go evrisamting blong yufala ya from hia! ?Yufala tingse haos blong Dadi blong mi hemi haos blong yufala fo maket long hem ya?”

Jemes 5:1

Yufala olketa ris man, yufala mas krae bikfala nao, bikos trabol wea bae hemi kasem yufala, hemi barava nogud tumas.