Sefenaea 1:10 - Pijin Bible

¹⁰ ?Mi Yawe nao mi talem disfala Mesij long yufala. Long datfala de, bae yufala save herem olketa krae long Fis Geit blong Jerusalem. An long mektu haf blong Jerusalem, bae yufala save herem olketa pipol i krae tumas. An bae yufala herem olketa bikfala noes from olketa samting wea i foldaon long olketa hil.

Pijin Deuterocanon

¹⁰ ?Mi Yawe nao mi talem disfala Mesij long yufala. Long datfala de, bae yufala save herem olketa krae long Fis Geit blong Jerusalem. An long mektu haf blong Jerusalem, bae yufala save herem olketa pipol i krae tumas. An bae yufala herem olketa bikfala noes from olketa samting wea i foldaon long olketa hil.

Sefenaea 1:10 Iomraidhean Croise

2 Samuel 5:7

Bat wea, Deved hemi winim disfala strongfala taon ya long Saeon. Bihaen, olketa kolem hem “Biktaon blong Deved”.

2 Samuel 5:9

Taon ya hemi wanfala strong sefples, an taem Deved hemi winim taon ya, hemi kolem hem, “Biktaon blong Deved”. Nao hemi mekem taon ya bikfala moa. Hemi stat long ples wea olketa fulumap graon long saet long ist wea hemi save wakem olketa haos antap long hem.

2 Kings 22:14

Nao wanfala woman profet hemi stap, wea nem blong hem Hulda. An hasban blong hem hemi Salum. Salum hemi lukaftarem olketa kaleko blong Tambuhaos, an hemi san blong Tikva hu hemi san blong Hahas. Profet Hulda hemi stap kam long niufala seksin blong Jerusalem wea olketa kolem Mektu Eria. Hilkaea, an Ahikam, an Akboa, an Safan, an Asaea i go lukim Hulda, an talem evrisamting ya long hem.

2 Kronikols 3:1

Nao long mekfoa yia wea Solomon hemi king, long mektu mans blong hem, Solomon hemi stat fo bildim Tambuhaos blong Yawe. Hemi bildim long ples long Jerusalem wea dadi blong hem King Deved, hemi redim finis ples fo bildim Tambuhaos ya. Hem nao antap long maonten long Moraea, long ples fo klinim wit wea bifoa hemi blong Arauna, man long laen blong Jebus. Hem nao ples wea Yawe hemi bin som hem seleva long Deved.

2 Kronikols 32:22

Long datfala wei nao, Yawe hemi sevem King Hesekaea an olketa pipol blong Jerusalem from paoa blong King Senakerib. An hemi sevem olketa from olketa narafala enemi tu. So Yawe hemi lukaftarem olketa an garem piis wetem evri kantri raonem olketa.

2 Kronikols 33:14

Bihaen, hemi wakembaek bikfala wolston blong Jerusalem long ples olketa kolem Biktaon blong King Deved. Hemi mekem wolston ya fo kamap hae moa. Hemi stat fo wakem wolston ya long west saet long vali blong springwata long Gihon, an hemi wakem go kasem Fis Geit, an hemi go raonem hil blong Ofel. Nao hemi siusim olketa komanda blong ami fo stap long evri taon long Jiuda wea i garem wolston raonem.

2 Kronikols 34:22

Nao wanfala woman profet hemi stap, wea nem blong hem Hulda. An hasban blong hem hemi Salum. Salum hemi lukaftarem olketa kaleko blong Tambuhaos, an hemi san blong Tikva hu hemi san blong Hahas. Profet Hulda hemi stap kam long niufala seksin blong Jerusalem wea olketa kolem Mektu Eria. Hilkaea an olketa narafala man i go lukim Hulda, an talem evrisamting ya long hem.

Nehemaea 12:39

Nao mifala go winim long Efrem Geit, an Jesana Geit, an Fis Geit, an Gadhaos blong Hananel, an Gadhaos blong Handred, go kasem Sipsip Geit. Den mifala wakabaot go an stop long Sekiuriti Geit.

Nehemaea 3:3

Olketa long laen blong Hasena i wakembaek moa disfala Fis Geit. Olketa putum bikfala timba frem long geit, an hangem tufala bikfala doa blong hem. An olketa putum olketa aean ba long tufala doa, an bikfala timba tu wea olketa yusim fo lokem tufala doa long geit ya.

Aesaea 59:11

Mifala fraet tumas, an mifala filnogud tumas tu. Oltaem nomoa, mifala barava laekem yu fo sevem mifala, bat hemi nating hapen.

Jeremaea 39:2

An long mekleven yia long mekfoa mans long meknaen de blong hem, olketa brekemdaon haf long wolston blong taon, mekem olketa save kam insaet.

Jeremaea 4:31

Mi herem noes olsem wanfala woman hemi kraeaot taem hemi kolsap bonem fas pikinini blong hem. Olketa pipol blong Jerusalem nao i gohed fo krae go-go kolsap olketa sotwin nao. Olketa kraeaot kam olsem, “!Ei! !Olketa enemi i kam fo kilim mifala dae nao!”

Esikiel 6:13

Taem olketa lukim ded bodi long olketa wantok wea i leidaon olobaot nomoa raonem olketa ravis kaving an olketa olta, an antap long olketa hil, an andanit long olketa bikfala tambu tri, an andanit long olketa tambu ok tri, wea olketa bin mekem sakrifaes long hem an bonem insens long olketa kaving, long datfala taem, bae olketa jes savegud dat mi nao Yawe.

Emos 8:3

Long datfala De , bae olketa woman hu i singsing long haos blong king, bae i gohed fo krae. Hemi olsem bikos pipol bae i dae evriwea long olketa ples blong yufala. Bae yufala torowem olketa nomoa aotsaet long taon, an no herem moa eni noes.? Hem nao mesij blong Lod Yawe.

Sefenaea 1:15

De ya bae hemi de blong kros blong God, an hemi de fo pipol fo garem hadtaem an barava filnogud. De ya bae hemi de blong trabol an evrisamting i bagarap. De ya bae hemi taem blong bikfala tudak an klaod wea hemi blak fogud.

Sefenaea 1:7

?Datfala de wea mi Lod Yawe bae mi jajem pipol, hemi kam kolsap nao, so olketa mas stap kuaet long frant long mi. Mi Yawe mi redi finis fo sakrifaesim olketa pipol blong mi. An mi mektambu long olketa wea mi kolem kam fo mekem sakrifaes ya.