Sams 96:9 - Pijin Bible

⁹ Hemi holi tumas, so yufala mas baodaon an wosipim hem. !Hemi gud fo yufala evriwan fo barava preisim holi biknem blong hem!

Pijin Deuterocanon

⁹ Hemi holi tumas, so yufala mas baodaon an wosipim hem. !Hemi gud fo yufala evriwan fo barava preisim holi biknem blong hem!

Sams 96:9 Iomraidhean Croise

2 Kronikols 29:28

Nao olketa evriwan hu i stap long ples ya i wosipim Yawe, an kuaea hemi gohed fo singsing, an olketa prist i gohed fo bloum olketa trampet. Olketa evriwan i gohed olsem go-go kasem taem wea evri sakrifaes i bone finis.

2 Kronikols 29:29

Bihaen, king wetem olketa evriwan i baodaon fo wosipim Yawe.

2 Kronikols 29:30

King Hesekaea an olketa bikman blong hem i talem olketa Livaet fo singim olketa singsing wea King Deved an Profet Asaf i bin raetem. So olketa hapi tumas fo preisim Yawe long olketa singsing ya, an olketa gohed fo baodaon an wosipim Yawe.

Esra 7:27

Nao Prist Esra hemi tok olsem, “!Yumi mas preisim Yawe God blong olketa grani blong yumi bifoa! Hemi waka insaet long tingting blong king, mekem king ya hemi tinghae long Tambuhaos ya blong Yawe long Jerusalem.

Sams 110:3

Long de wea bae yu go fo faetem olketa enemi blong yu, bae olketa pipol blong yu i hapi tumas fo kam an joen long ami blong yu. Ya, olsem wata long naet hemi kamap long moning fo givim niufala laef long olketa gras, bae olketa yangfala man blong yu i kam joen wetem yu long olketa tambu hil fo mekem ami blong yu i strong moa.

Sams 114:7

Taem God hu Jekob hemi wosipim hemi kam, graon ya hemi seksek. Hemi mekem wata fo kamaot from ston. Ya, taem Yawe hemi kam hemi mekem springwata tu fo kamaot from had ston.

Sams 29:2

Nem blong Yawe hemi barava hae fogud, so yufala mas preisim hem. Ya, yufala mas barava preisim holi biknem blong hem.

Sams 33:8

Yufala evriwan long graon ya, yufala mas wosipim Yawe. Yufala evriwan long wol ya, yufala mas tinghae long hem.

Sams 76:11

Yawe hemi God blong yumi wea evriwan mas fraetem. Yufala evriwan long evri kantri wea i stap kolsap long Israel mas givim go olketa samting wea yufala bin promisim fo givim long hem. An yufala mas tekem kam olketa presen long hem.

Sams 76:7

God, evriwan i fraetem yu. Taem wea yu kros, no eniwan save stanap fo fesim yu.

Sams 99:1

!Yawe nao hemi king! An hemi sidaon long tron long midol long tufala enjel. Hemi gohed fo rul, an evri pipol i fraet an seksek fogud long paoa blong hem, an graon hemi seksek long hem.

Esikiel 7:20

Olketa bin praod tumas long evri barava spesol ston wea olketa garem, wea olketa yusim fo wakem long olketa yusles kaving blong olketa. Disfala samting wea olketa duim, hemi barava nogud tumas long mi. Dastawe nao, bae mi mekem olketa samting ya fo kamap olsem ravis samting nomoa fo olketa.

Daniel 11:45

An bae king ya hemi stanemap bikfala haostent blong hem long ples ya long midol long solwata an Nambawan Maonten ya long Saeon. Bat bae hemi dae, an no eniwan nao hemi stap fo helpem hem.