Sams 94:5 - Pijin Bible

⁵ Lod Yawe, olketa ya i spoelem nao mifala pipol blong yu. Ya, olketa mekem mifala pipol blong yu fo safa.

Pijin Deuterocanon

⁵ Lod Yawe, olketa ya i spoelem nao mifala pipol blong yu. Ya, olketa mekem mifala pipol blong yu fo safa.

Sams 94:5 Iomraidhean Croise

Sams 14:4

Yawe hemi gohed fo tok olsem, “?Waswe, olketa ya i no save? ?Waswe, evri nogud pipol ya, i nating save nomoa ya? Olketa ya i spoelem olowe olketa pipol blong mi, an olketa nating prea long mi tu.”

Sams 44:22

Bat from mifala blong yu, olketa pipol i laekem tumas fo kilim mifala dae evri de nomoa, olketa tingting long mifala olsem olketa sipsip fo olketa busarem fo dae.

Sams 7:2

Sapos nomoa, bae olketa enemi ya i brekem bodi blong mi long olketa smolfala pisis, olsem wanfala laeon, o bae olketa pulum mi go long narafala ples, an no eniwan save sevem mi nao.

Sams 74:8

Olketa laekem tumas fo spoelem mifala tumas, so olketa bonem evri ples long kantri ya wea mifala save wosipim yu long hem.

Sams 79:7

bikos olketa ya nao i bin kilim dae mifala pipol long laen blong Jekob, an olketa spoelem nao lan ya wea yu bin givim long mifala.

Aesaea 3:15

Hemi barava no stret fo yufala spoelem olketa pipol blong mi, an disfala wei wea yufala step long olketa pua pipol, hemi olsem wei wea yufala skuisimaot wata from olketa grep o krasim wit fo mekem flaoa.” Hem nao mesij blong Lod Yawe hu hemi garem evri paoa.

Aesaea 52:5

?So wanem nao mi mas duim distaem? Olketa bin tekem yufala fo waka olsem slev fo olketa, an olketa nating peim yufala aot. Olketa hu i rul ovarem yufala, olketa i bikmaos tumas an tokpraod olowe, an oltaem olketa gohed fo tokspoelem mi.

Jeremaea 22:17

“!Bat yu! Yu gohed nomoa fo traehad fo winim olketa samting long wei wea hemi no stret. Oltaem nomoa yu gohed fo kilim dae olketa hu i no duim nomoa eni rong samting, an fo mekful long olketa pipol, an fo ravem olketa nogud.”

Jeremaea 50:11

Yawe hemi gohed fo tok olsem, “Olketa blong Babilonia. Bifoa, taem yufala winim pipol blong mi, an tekemaot evri gudfala samting blong olketa, yufala hapi tumas olsem yangfala mere buluka wea hemi jam olobaot fo hapi taem hemi step long hed blong wit fo klinimaot olketa sid blong wit ya. Ya, yufala bin gohed fo laf olsem strongfala man hos wea hemi singaot fo hapi.

Jeremaea 51:34

Olketa pipol blong Jerusalem i kraeaot olsem long Yawe, “King Nebukadnesa blong Babilonia hemi spoelem mifala finis, olsem mifala wanfala botol, an king ya hemi dringim evrisamting insaet long hem, mekem hemi emti. King ya hemi olsem wanfala bikfala si snek, wea hemi sualomdaon evri gudfala samting hemi laekem, an hemi toraotem evrisamting hemi no laekem. Plis yu sensimbaek long Babilon olketa trabol ya wea olketa bin mekem fo kasem mifala. Hemi fitim fo olketa blong Babilonia mas panis from blad blong mifala nao.”

Lamentesin 3:36

Masta ya hemi save tu, taem jaj hemi no falom stret wei fo jajem yumi long kot.

Esikiel 22:7

No eniwan long taon ya hemi gohed fo tinghae long dadi an mami blong hem. Yufala gohed fo ravem olketa strensa, an yufala gohed fo spoelem olketa wido an olketa pikinini wea mami an dadi blong olketa i lus.

Revelesin 11:3

An insaet long 1,260 de, bae mi givim paoa fo tufala profet blong mi fo talemaot toktok blong God. An tufala bae werem kaleko blong sore.”

Revelesin 17:6

An mi lukim dat woman ya hemi olsem drang bikos hemi dringim blad blong olketa pipol blong God. Hemi blad blong olketa pipol hu i dae bikos olketa biliv strong long Jisas. Taem mi lukim woman ya olsem nomoa, mi barava sapraes tumas nao.