Sams 93:3 - Pijin Bible

³ Lod Yawe, noes blong rafsi long komburu hemi bikfala tumas. Ya, olketa barava meknoes fogud wea mifala fraetem tumas.

Pijin Deuterocanon

³ Lod Yawe, noes blong rafsi long komburu hemi bikfala tumas. Ya, olketa barava meknoes fogud wea mifala fraetem tumas.

Sams 93:3 Iomraidhean Croise

Sams 18:4

Paoa blong dae hemi raonem mi finis, olsem bikfala solwata wea hemi brek antap long mi, an hemi rolem mi fo spoelem nao.

Sams 46:3

Nomata solwata hemi kamap barava raf fogud, an nomata olketa maonten i gohed fo seksek fogud, yumi nating fraet nomoa.

Sams 46:4

Wanfala riva hemi ran long midol long Jerusalem, an hemi gohed fo mekem olketa pipol long taon ya i hapi, hemi gohed fo mekem olketa pipol i hapi tumas long Tambuhaos blong God hu hemi hae tumas.

Sams 96:11

!Skae an graon, yutufala mas hapi! !Solwata, yu wetem evrisamting wea i stap long yu, yufala mas mekem bikfala noes fo hapi!

Aesaea 55:12

Nomata yufala stap long Babilonia, bae yufala goaot from kantri ya an bae yufala hapi tumas. Bae taem mi lidim yufala fo kamaot, bae yufala stap gudfala. Nomata olketa hil raonem yufala tu bae i hapi, hemi olsem wea olketa gohed fo singsing. Nomata olketa tri tu bae i hapi tumas, hemi olsem wea olketa gohed fo klapem han blong olketa.

Jona 2:3

Yu torowem mi godaon long barava dip si, wea solwata hemi kavarem mi finis, an olketa bikfala wev i gohed fo brek antap long mi.

Revelesin 12:15

Nao bikfala snek ya hemi toraotem go wata from maos blong hem, wea hemi olsem wata hemi ran bikfala. Hemi trae fo draonem woman ya.

Revelesin 17:15

Nao enjel ya hemi tok olsem long mi moa, “Yu save, olketa riva wea yu lukim disfala juri hemi sidaon kolsap long olketa ya, hem nao olketa pipol blong evri kantri an evri ples long wol, an olketa blong enikaen traeb an enikaen langguis tu.