Sams 90:10 - Pijin Bible

¹⁰ Laef blong mifala save kasem seventi yia nomoa, o sapos bodi blong mifala hemi strong bae mifala save kasem eiti yia. Nomata olsem, plande trabol an sore nomoa save kasem mifala. Ya, no long taem nomoa mifala dae nao.

Pijin Deuterocanon

¹⁰ Laef blong mifala save kasem seventi yia nomoa, o sapos bodi blong mifala hemi strong bae mifala save kasem eiti yia. Nomata olsem, plande trabol an sore nomoa save kasem mifala. Ya, no long taem nomoa mifala dae nao.

Sams 90:10 Iomraidhean Croise

Jenesis 47:9

An hemi tok olsem, “Mi ya, mi 130 yia nomoa ya, an oltaem long laef blong mi, mi gohed fo muv from wanfala ples an go long narafala ples. Laef blong mi hemi no olsem laef blong olketa grani blong mi bifoa, wea olketa stap longtaem, an olketa go long evri ples. Laef blong mi hemi sotfala nomoa, an oltaem mi gohed fo faendem hadtaem.”

Jenesis 6:3

An long taem ya, olketa bikfala man i stap wea olketa i barava strong fogud. Olketa ya i pikinini blong olketa woman wea olketa enjel ya i gohed fo slip tugeta wetem. Hem nao olketa man ya bifoa wea i barava man fo faet, wea olketa garem biknem. Nao Yawe hemi tok olsem, “Hemi nogud wea laef blong mi hemi stap olowe long olketa man ya. Olketa i man blong wol nomoa ya, wea olketa save dae. Stat distaem, bae olketa save kasem 120 yia nomoa.”

2 Samuel 19:35

Mi olo finis, an mi kasem eiti yia nao, an no enisamting wea hemi save mekem mi fo hapi moa. Mi no save testem olketa samting wea mi kaikaim an dringim. An mi no save herem voes blong olketa hu i singsing. Mi no wande fo mekem yu fo wakahad nomoa long mi.

2 Samuel 19:36

Hemi no fit fo yu duim eni bikfala samting olsem fo mi. Bat bae mi go wetem yu, go-go yumi winim go lelebet long narasaet long Jodan Riva.

1 Kings 1:1

Nao King Deved hemi barava olo fogud. An olketa gohed fo kavarem hem long olketa blangket, bat oltaem hemi fil kol nomoa.

Stori abaotem Job 14:10

Bat taem man hemi wik an hemi dae, hem nao en blong hem.

Stori abaotem Job 20:8

Ya, bae hemi lus nomoa olsem wanfala drim wea no eniwan save tingim moa.

Stori abaotem Job 24:24

Lelebet taem nomoa, olketa nogud pipol i stap gudfala, bat i no longtaem an bae olketa dae nomoa olsem gras wea man hemi brasim an livim long hot san fo drae.

Stori abaotem Job 5:7

Man nao hemi mekem trabol fo kasem hem seleva. Ya, hemi tru olsem faea wea hemi laet goap.

Sams 78:39

Hemi save dat olketa man nomoa wea hemi save dae. Ya, hemi save dat olketa i olsem nomoa win wea hemi blou kam an hemi finis nao.

Aesaea 38:12

Mi tingse laef blong mi hemi finis nao, olsem wea man hemi tekemaot haostent blong hem. Ya, mi tingse laef blong mi hemi finis nao, olsem wea man hemi wakem wanfala pis kaleko, an waka blong hem hemi finis nao, bihaen hemi katem long masin an rolemap. O Yawe. Long de an naet, yu finisim laef blong mi nao.

Levitikas 27:7

Fo eni man wea hemi ovarem eij siksti yia, praes hemi fiftin silva seleni. Fo eni woman wea hemi ovarem eij siksti yia, praes hemi ten silva seleni.

Gudnius abaotem Jisas Kraes wea Luk hemi raetem 12:20

Bat God hemi tok olsem long man ya, ‘!Yu krangge man! Long disfala naet ya, bae yu barava lusim laef blong yu ya. ?An yu tingse hu nao bae hemi tekem olketa samting wea yu bin hipimap fo yu seleva?’”

Diutronomi 34:7

Taem hemi dae, Mosis hemi kasem 120 yia. An hemi stap strong olowe nomoa, an ae blong hem tu hemi gud nomoa.

Jemes 4:14

!Sei olketa, no eniwan save wanem nao bae hemi hapen long hem tumoro! Laef blong yumi, hemi olsem smok nomoa wea hemi save kamaot fo lelebet taem, an bihaen hemi lus moa.

Josua 14:11

an mi strong yet olsem long datfala taem wea Mosis hemi sendem yumi fo go an luksave long ples ya. An distaem mi fit yet fo go faet.