Sams 9:13 - Pijin Bible

¹³ Lod Yawe, plis yu sore kam long mi. Olketa enemi blong mi ya i barava mekem mi safa fogud. Plis yu sevem mi from dae.

Pijin Deuterocanon

¹³ Lod Yawe, plis yu sore kam long mi. Olketa enemi blong mi ya i barava mekem mi safa fogud. Plis yu sevem mi from dae.

Sams 9:13 Iomraidhean Croise

Jenesis 4:10

Nao Yawe hemi tok olsem long hem, “?Waswe nao yu duim disfala nogud samting ya? !Mi herem blad blong brata blong yu hemi gohed fo krae kam long mi from graon, an hemi kolem mi fo stretem disfala samting ya!

Jenesis 4:9

Nao bihaen, Yawe hemi askem Kein olsem, “?Wea nao brata blong yu?” Bat Kein hemi tok olsem, “Mi no save. ?Waswe, waka blong mi nao fo lukaftarem brata blong mi?”

1 Kings 21:19

Yu mas sei long hem, ‘Yawe nao hemi tok olsem: !Yu bin kilim dae wanfala man fo tekem plantesin blong hem! Long sem ples wea olketa dog i dring blad blong Nabot long hem, bae olketa dringim blad blong yu tu long hem.’”

2 Kings 9:26

Yawe hemi bin tok olsem, ‘Yestade, mi lukim blad blong Nabot an olketa pikinini blong hem. An mi talem stret long yu, bae mi mekem yu fo peimbaek long disfala lan blong olketa.’ Oraet, yu go tekem bodi blong king ya an torowem go long lan ya olsem Mesij blong Yawe hemi bin talem.”

2 Kronikols 24:22

King Joas hemi no tingabaotem kaenfala wei blong Jehoeada hu hemi dadi blong Sekaraea, bat hemi kilim hem dae. An taem Sekaraea hemi kolsap dae, hemi tok olsem, “Letem Yawe hemi lukim olketa samting wea yufala duim distaem, an bae hemi panisim yufala from hem.” Nao hemi dae.

Nehemaea 9:32

“O God blong mifala. Yu hae tumas, an yu garem evri paoa, an mifala fraet fo kam kolsap long yu. Oltaem yu kipim strongfala promis blong yu, an tinghevi tumas long mifala. Stat long taem wea olketa king blong Asiria i mekem mifala olketa pipol blong yu safa, kam kasem tude, olketa king an olketa lida blong mifala, an olketa prist an olketa profet blong mifala, an olketa grani blong mifala bifoa, mifala evriwan safa fogud. Plis yu no fogetem olketa hadtaem ya blong mifala.

Sams 10:12

Lod Yawe, yu kam, an panisim olketa nogud pipol ya. Plis yu tingim olketa ya wea i gohed fo safa.

Sams 107:18

Nao taem olketa safa olsem olketa barava les long kaikai. Dastawe nao olketa sik tumas an kolsap dae.

Sams 119:132

Plis yu luk kam long mi an sore long mi, olsem wea yu duim olowe fo olketa hu i lavem yu.

Sams 119:153

Lod Yawe, mi barava safa tumas nao long bodi blong mi. Plis yu sevem mi from disfala trabol, bikos mi nating fogetem olketa gudfala tising blong yu.

Sams 12:6

Lod Yawe, mifala save trastem olketa promis blong yu. Olketa promis ya i stret an tru fogud, olsem silva wea olketa kukim sevenfala taem long faea fo mekem hemi barava klin fogud.

Sams 13:3

Lod Yawe, yu nao yu God blong mi. Plis yu luk kam long mi an herem kam krae blong mi. Plis yu mekem mi strong moa, an no letem mi dae.

Sams 142:6

Plis yu herem kam prea blong mi fo help, bikos tingting blong mi hemi wikdaon finis nao. Plis yu sevem mi bikos olketa enemi ya i strong tumas fo mi.

Sams 25:19

Olketa enemi blong mi ya i plande tumas nao, an olketa barava heitem mi tu.

Sams 30:3

Yu bin sevem laef blong mi, an yu bin stopem mi from dae

Sams 38:19

Olketa enemi blong mi, i strong olowe nomoa, an olketa no save sik. An staka long olketa heitem mi, fo nating nomoa.

Sams 51:1

God, yu garem lav wea hemi bikfala tumas, plis yu sore kam long mi. Yu garem bikfala sore long man, plis yu rabemaot olketa sin blong mi.

Sams 56:13

bikos yu nao yu sevem mi from dae, an yu no letem mi lus. So bae mi gohed fo wakabaot wetem yu, ya, bae mi wakabaot long laet wea hemi saen long olketa hu i garem laef. (Singsing blong Deved. Hemi wakem bihaen long taem wea hemi ranawe long Sol, an hemi go haed long kev.)

Sams 86:13

Lav blong yu fo mi hemi bikfala tumas. Ya, yu bin sevem mi from dae.

Aesaea 38:10

Mi tingse wea long midol long laef blong mi, bae mi mas gotru olketa geit blong Grev. An olketa narafala yia long laef blong mi sud sot nomoa.

Lamentesin 1:11

Olketa pipol blong Jerusalem i gohed fo krae, taem olketa olobaot fo lukaotem kaikai. Olketa salem gudfala samting blong olketa fo peim kaikai, mekem olketa save laef. “!Yawe! Evriwan barava tingdaonem mi nao. !Plis yu sore an luk kam long mi!

Lamentesin 1:9

Evriwan save lukim sin blong hem, bat hemi no wari nomoa long wanem bae hemi hapen. Bat olketa enemi i daonem hem nogud, an no eniwan save helpem hem. “!O Yawe! Olketa enemi i winim mi finis. !Plis yu lukim mi, an sore long mi!”

Gudnius abaotem Jisas Kraes wea Jon hemi raetem 2:6

Nao olketa Jiu olketa garem plande rul abaotem hao fo wasim olketa seleva an olketa narasamting moa. So from diskaen wei olketa garem siksfala bikfala botol long haos ya. Olketa botol ya olketa wakem long ston an kolsap 100 lita long wata nao hemi save stap insaet long wanfala nomoa.