Sams 9:1 - Pijin Bible

¹ Lod Yawe, long ful laef blong mi, bae mi gohed fo talem tengkiu long yu, an bae mi gohed fo talemaot evri gudfala waka blong yu.

Pijin Deuterocanon

¹ Lod Yawe, long ful laef blong mi, bae mi gohed fo talem tengkiu long yu, an bae mi gohed fo talemaot evri gudfala waka blong yu.

Sams 9:1 Iomraidhean Croise

1 Kronikols 16:12

Yumi ya, i bon kam long laen blong Israel, hu hemi wakaman blong Yawe. An yumi nao olketa pikinini blong Jekob, hu Yawe hemi bin siusim. Oltaem yumi mas tingim olketa mirakol wea hemi mekem, an wei wea hemi jajem olketa enemi.

1 Kronikols 16:24

Bae yufala mas talemaot paoa blong hem long olketa pipol blong olketa narafala kantri. Ya, bae yufala mas talemaot olketa bikfala waka blong hem long evriwan.

Sams 106:2

?Hu nao hemi save talemaot evri gudfala samting wea Yawe hemi duim? No eniwan nao, bikos hemi ovarem wanem man save tingim. ?Hu nao hemi save talem evrisamting fo preisim Yawe? No eniwan nao, bikos hem bik winim save blong man.

Sams 111:1

!Yumi preisim Yawe! Long ful laef blong mi bae mi talem tengkiu long Yawe long ae blong olketa pipol hu i hipap fo wosipim hem.

Sams 138:1

Lod Yawe, mi tengkiu long yu long evri tingting blong mi. Mi singsing fo preisim yu long ae blong olketa god blong olketa hiden pipol.

Sams 26:7

Mi gohed singsing fo talem tengkiu long yu, an mi gohed fo talemaot olketa gudfala waka blong yu.

Sams 51:15

Masta, plis yu helpem mi fo tok, an bae mi preisim yu.

Sams 7:17

Bae mi gohed fo singsing fo preisim Yawe, hu hemi hae tumas. An bae mi gohed fo talem tengkiu long hem, bikos hemi gohed fo jaj long stretfala wei. (Singsing blong Deved.)

Sams 86:12

God, yu nao yu Masta blong mi. Bae mi preisim yu long evri tingting blong mi, an bae mi liftimap hae nem blong yu olowe nao.

Sams 9:14

Nao bae mi save stanap long frant blong olketa pipol long Jerusalem an bae mi talemaot evrisamting wea mi gohed preisim yu long hem. An bae mi hapi tumas, bikos yu bin sevem mi.

Aesaea 12:1

(Profet) !Olketa pipol blong mi! Long taem ya, olketa laen blong yumi bae i singim wanfala singsing wea toktok long hem hemi olsem, “!Yawe! !Mi preisim yu! Bifoa, yu bin kros long mi, bat distaem, kros blong yu ya hemi finis nao, an yu mekem mi filgud moa.

Aesaea 43:21

Olketa pipol blong mi ya, mi nao mi mekem olketa fo preisim mi.”

Aesaea 60:6

Bae olketa tekem staka kamel from Midian an Efa fo karim kam olketa risis long yufala. Olketa hu i kam from Seba, bae i karim kam gol an insens. An bae olketa evriwan i singaot bikfala fo preisim Yawe.

Gudnius abaotem Jisas Kraes wea Luk hemi raetem 10:27

Nao man ya hemi sei, “Yu mas lavem God Masta blong yu, long evrisamting long maen blong yufala, an long evri tingting blong yufala, an long evri strong blong yufala, an long evri save blong yu. An yu mas lavem tu olketa wantok blong yu long sem wei yu lavem yu seleva.”

Hibrus 13:15

So from wanem Jisas hemi duim fo yumi, yumi mas mekhae long God oltaem an talemaot dat hemi Masta blong yumi. Long wei ya nao, wei blong yumi fo preisim hem hemi olsem sakrifaes long God.

Revelesin 15:3

Olketa singim disfala singsing wea Mosis, wakaman blong God, hemi bin singim, an wea Smolfala Sipsip ya tu save singim. Hemi sei olsem, “God Masta, yu nao garem evri paoa. Olketa waka blong yu, i barava bik tumas, an evriwan i sapraes tumas long hem. Yu nao King blong evri kantri long wol, an olketa wei blong yu i stret an tru tumas.