Sams 89:21 - Pijin Bible

²¹ Mi nao mi mekem hemi strong, an paoa blong mi bae hemi stap olowe wetem hem.

Pijin Deuterocanon

²¹ Mi nao mi mekem hemi strong, an paoa blong mi bae hemi stap olowe wetem hem.

Sams 89:21 Iomraidhean Croise

2 Samuel 23:1

Hem nao las toktok blong Deved, san blong Jese. Diswan hemi blong man wea Hae God hemi mekem hem fo garem biknem. Hemi toktok blong man wea God blong Jekob, hemi siusim hem fo kamap king. Man wea hemi mekem olketa nambawan singsing long Israel, hemi talem las toktok blong hem olsem:

Sams 89:13

!Lod Yawe, yu nao yu garem paoa fo mekem evrisamting! !Ya, paoa blong yu hemi bikfala tumas!

Aesaea 41:10

So yufala no fraet, an yufala no seksek. Mi nao God blong yufala, an mi stap wetem yufala. Bae mi mekem yufala strong, an bae mi helpem yufala. Ya, bae strongfala raet han blong mi hemi gadem yufala long stretfala wei.

Aesaea 42:1

Yawe hemi tok moa olsem, “!Olketa! Hem ya nao wakaman blong mi, wea mi gohed fo mekem hem strong. Mi bin siusim hem, an mi hapi tumas long hem. Mi putum finis Spirit blong mi long hem, an bae hemi jajem evri kantri long stretfala wei.

Aesaea 49:8

Yawe nao hemi tok moa olsem long olketa pipol blong hem, “Wakaman blong mi. Long taem wea mi bin makem fo sevem yu, bae mi sore long yu an mi helpem yu long krae blong yu. Bae mi gadem yu, mekem no eni trabol hemi kasem yu. Bae mi yusim yu fo olsem wanfala spesol agrimen wetem evri pipol long wol. An bae mi letem yu fo mekem moa ples fo olketa pipol blong mi long lan blong olketa wea hemi nogud tumas distaem.

Sekaraea 10:12

Bae mi mekem pipol blong mi fo kamap strong long paoa blong mi Yawe, an long nem blong mi nomoa, bae olketa gohed fo wosipim mi an obeim mi olowe nao? Hem nao mesij blong Yawe.

1 Samuel 16:13

So Samuel hemi tekem oliv oel, hemi kapsaetem go long hed blong Deved fo mektambu long hem. Hemi duim samting ya long ae blong olketa brata blong hem. Stat long de ya, Spirit blong Yawe hemi stap oltaem wetem hem. Bihaen, Samuel hemi gohom long Rama.