Sams 89:12 - Pijin Bible

¹² Yu nao yu bin mekem evri ples, stat long not go-go kasem long saot. Maonten long Teboa an maonten long Hemon i hapi tumas olsem pipol wea i hapi an singsing fo preisim yu.

Pijin Deuterocanon

¹² Yu nao yu bin mekem evri ples, stat long not go-go kasem long saot. Maonten long Teboa an maonten long Hemon i hapi tumas olsem pipol wea i hapi an singsing fo preisim yu.

Sams 89:12 Iomraidhean Croise

Stori abaotem Job 26:7

Hemi putum skae blong not long wanfala emti ples, an hemi mekem disfala wol stap long ples wea no enisamting i holem hem.

Sams 115:16

Heven hemi ples blong Yawe, bat wol ya, hemi givim long man.

Sams 133:3

Hemi olsem wea pipol i hapi taem staka ren hemi foldaon long drae eria long Saeon. Long sem wei tu long Saeon, Yawe hemi gohed fo blesim laef blong olketa olowe nao. (Olketa pipol i singim disfala singsing ya taem olketa wakabaot goap fo fist long Jerusalem.)

Sams 24:1

Yawe seleva nao hemi onam disfala wol wetem evrisamting insaet long hem. Graon ya wetem evrisamting wea i stap long hem, i blong hem ya.

Sams 24:2

Hemi putum disfala graon ya long midol long solwata, an hemi putum faondesin blong hem, barava long botom blong dipsi.

Sams 98:8

Yufala olketa riva, yufala mas hapi an klapem han. !Ya, yufala olketa hil, yufala mas kam tugeta long frant blong Yawe fo singsing an preisim hem, bikos hemi kam fo rulim evri pipol long disfala wol! Ya, bae hemi jajem evri pipol long wol long stretfala wei.

Aesaea 49:13

!Skae an graon, yutufala mas hapi an singaot bikfala! !Olketa maonten, yufala mas singsing! Bikos Yawe hemi mekem mifala olketa pipol blong hem, fo filgud moa. Ya, bae hemi sore long mifala hu bin safa tumas.

Jeremaea 46:18

“Hem ya nao mesij blong King ya wea nem blong hem nao Yawe hu hemi garem evri paoa. Hemi tok olsem: Mi mekem disfala strongfala promis long nem blong mi seleva nao: Bae enemi hemi kam fo faetem yufala hu hemi barava strong moa winim eni narawan. Bae hemi strong olsem maonten long Teboa wea hemi hae moa winim olketa narafala hil, an hemi olsem bikfala maonten long Kaamel wea hemi gohed fo stanap kolsap long solwata.

Josua 12:1

Bifoa kam, Mosis nao hemi bin lidim olketa Israel pipol fo faet an winim tufala paramaon sif long ist saet long Jodan Riva long faet an tekova long lan blong olketa. Spialaen long lan blong tufala paramaon sif ya, hemi stat long vali long Anon an goap long Jodan Riva an go olowe go-go kasem maonten long Hemon long not.

Josua 19:22

Spialaen blong eria ya hemi go pas insaet long trifala taon moa wea nem blong olketa nao Teboa, an Sahasuma an Bet-Semes, an hemi en long Jodan Riva. Sikstinfala taon wetem olketa vilij raonem olketa i stap long datfala eria.

Jajis 4:12

Taem Sisera hemi herem nius wea Barak hemi lidim finis olketa soldia blong hem long maonten long Teboa,

Jajis 4:6

Wanfala de, hemi sendem toktok go long Barak, san blong Abinoam, long Kedes long lan blong Naftali, mekem Barak hemi kam fo lukim hem. An taem hemi kam kasem hem, Debora hemi tok olsem long Barak, “Yawe hu hemi God blong pipol blong Israel hemi tok olsem long yu, ‘Yu mas go kolem 10,000 man fo faet from tufala traeb blong Naftali an Sebulun. Yu mas lidim olketa go long maonten long Teboa.