Sams 88:9 - Pijin Bible

⁹ Mi safa tumas, an mi krae go-go tufala ae blong mi i no lukluk gud nao. Lod Yawe, evri de nomoa mi kol go long yu, an mi liftimap han blong mi fo prea long yu.

Pijin Deuterocanon

⁹ Mi safa tumas, an mi krae go-go tufala ae blong mi i no lukluk gud nao. Lod Yawe, evri de nomoa mi kol go long yu, an mi liftimap han blong mi fo prea long yu.

Sams 88:9 Iomraidhean Croise

Stori abaotem Job 11:13

Bat yu mas stretem tingting blong yu, an liftimap han blong yu fo prea go long God.

Stori abaotem Job 16:20

Hem nao sapotem mi an hemi fren blong mi long taem wea tias blong mi i ran bikfala, bikos mi krae fogud go long God.

Stori abaotem Job 17:7

Mi gohed fo sore an krae tumas go-go mi no save lukluk. An mi kamap bon nating nao.

Stori abaotem Job 3:23

?Waswe nao God hemi givim laet long man bat hemi no letem man ya lukim wei blong hem seleva,. ?An waswe nao God hemi gadem man ya mekem hem no save falom wei wea hemi laekem?

Sams 102:9

Bikos yu kros tumas long mi, yu tekem mi an torowem mi olsem wea mi ravis nomoa. Bikfala sore blong mi nao hem olsem kaikai blong mi, an tias blong mi nao hem olsem wata blong mi fo dringim.

Sams 143:6

Distaem laef blong mi hemi barava olsem graon wea hemi drae fogud. So mi liftimap han blong mi an mi prea go long yu, bikos mi laekem yu tumas olsem man wea hemi laekem tumas fo dring.

Sams 38:10

Distaem haat blong mi hemi pam-pam fogud, an mi wik fogud nao, an yu save lukim dat ae blong mi hemi no lukgud nao.

Sams 38:12

Olketa wea i laek fo kilim mi dae i mekem finis olketa trap fo mi, an olketa wea i laek fo spoelem mi, i promis finis fo duim. Oltaem nomoa olketa mekem olketa ravis plan agensim mi.

Sams 42:3

Mi gohed fo krae long de an long naet, tias blong mi nomoa hemi olsem kaikai blong mi. Oltaem olketa enemi blong mi i mekfan long mi, an olketa tok olsem, “?Wea nao God blong yu ya?”

Sams 44:20

God blong mifala, sapos mifala no bin wosipim yu, an mifala bin prea long narafala god,

Sams 55:17

Long moning an long midol long de an long naet, olketa komplen blong mi an olketa krae blong mi hemi goap long hem, an bae hemi herem mi.

Sams 6:7

Olketa enemi blong mi nao i gohed fo mekem mi krae tumas ya, dastawe nao tufala ae blong mi i boela an mi no save lukluk gudfala nao.

Sams 68:31

Olketa bikman blong gavman long Ijip bae i kam fo herem toktok blong yu. An olketa long kantri ya long Sudan bae i liftimap han blong olketa fo prea go long yu.

Sams 86:3

Oltaem nomoa, stat long moning go-go kasem tudak, mi gohed fo prea go long yu, so plis yu sore kam long mi.

Sams 88:1

Lod Yawe, yu nao yu God blong mi hu hemi sevem mi. Long de an long naet, mi gohed fo sore an krae bikfala go long yu mekem yu helpem mi.

Lamentesin 3:7

Hemi olsem wea hemi taemapem mi long hevi sen, an putum mi long prisin, mekem mi no save ranawe.

Esikiel 17:11

Yawe hemi talemaot Mesij blong hem long mi. Hemi tok olsem,

Gudnius abaotem Jisas Kraes wea Jon hemi raetem 11:35

An Jisas hemi krae.