Sams 88:8 - Pijin Bible

⁸ Yu bin mekem olketa fren blong mi fo lusim mi nao. Ya, yu bin mekem olketa fo barava les long mi nao. Yu bin kipim mi insaet long olketa trabol ya an mi no save ranawe nao.

Pijin Deuterocanon

⁸ Yu bin mekem olketa fren blong mi fo lusim mi nao. Ya, yu bin mekem olketa fo barava les long mi nao. Yu bin kipim mi insaet long olketa trabol ya an mi no save ranawe nao.

Sams 88:8 Iomraidhean Croise

Stori abaotem Job 12:14

Sapos hemi brekem daon samting, bae no eniwan save stanemap moa. An sapos hemi putum man long prisin, bae no eniwan save mekem fri moa.

Stori abaotem Job 19:8

God hemi blokem wei blong mi finis, an mi no save gotru. Hemi mekem wei blong mi i stap long tudak.

Stori abaotem Job 30:10

Olketa ya i les long mi, so olketa kam spit nomoa long ae blong mi.

Sams 142:4

Taem mi luk raonem mi, mi nating lukim nao eniwan fo hemi helpem mi o fo gadem mi. Ya, no eniwan nao fo hemi lukaftarem mi.

Sams 143:4

Hem nao mi barava kolsap fo givap, an kolsap fo mi lusim tu evri gudfala tingting blong mi.

Sams 31:11

Olketa enemi blong mi, an olketa wantok blong mi tu i no laekem mi nao, an olketa gohed fo tokspoelem mi tu. Olketa wea i savegud long mi, olketa fraet long mi nao. an taem olketa lukim mi long rod, olketa ranawe from mi.

Sams 42:8

Lod Yawe, yu nao yu God wea yu givim laef long mi. Plis yu gohed fo tinghevi long mifala long de, an long naet, bae mi singsing fo prea long yu.

Sams 88:18

Yu bin mekem olketa gudfala fren blong mi an olketa wantok tu fo lusim mi. Distaem mi no garem eni fren nao, so mi we-weit nomoa fo dae. (Singsing blong Etan hu hemi long laen blong Esra.)

Aesaea 49:7

Yawe hemi Holi God hu hemi mekem Israel fri. Hemi tok long man wea pipol barava heitem hem an hu hemi wakaman blong olketa man fo rul. Yawe nao hemi tok olsem, “Olketa king bae i lukim yu an stanap fo mekhae long yu. Olketa bikman tu bae i baodaon fo onarem yu.” Olketa samting ya bae hemi hapen, bikos Yawe hu hemi Holi God blong Israel, hemi no save brekem promis blong hem, an hemi siusim yu finis olsem wakaman blong hem.

Aesaea 63:3

An Yawe hemi tok olsem, “Mi bin smasem daon olketa pipol blong olketa narafala kantri, olsem man hu hemi step long olketa frut blong grep, bat no eniwan nomoa hemi helpem mi. Mi smasem olketa nao, bikos mi kros tumas long olketa, an blad blong olketa hemi mekem kaleko blong mi hemi red.

Jeremaea 32:2

an long taem ya, ami blong Babilonia hemi hipap kam raonem Jerusalem fo mekem faet long hem. Long datfala taem tu, Profet Jeremaea hemi stap long prisin insaet long haos blong king blong Jiuda.

Sekaraea 11:8

Trifala narafala man fo lukaftarem sipsip wea mifala waka tugeta i nating laekem mi, trifala agensim mi go-go mi taet long trifala. From samting ya nao, insaet long wanfala mans mi ronemaot trifala.

Gudnius abaotem Jisas Kraes wea Jon hemi raetem 11:57

Olketa tok olsem bikos olketa hedprist wetem olketa Farasi, olketa talemaot wanfala toktok long olketa pipol finis ya. Olketa talem dat sapos eniwan i save long ples wea Jisas hemi stap long hem, hemi mas ripotem go long olketa, mekem olketa go an kasholem hem.