Sams 88:12 - Pijin Bible

¹² Olketa ya i stap long ples wea hemi tudak an no eniwan save tingim nao. So olketa no save lukim moa olketa gudfala wei blong yu an olketa mirakol blong yu.

Pijin Deuterocanon

¹² Olketa ya i stap long ples wea hemi tudak an no eniwan save tingim nao. So olketa no save lukim moa olketa gudfala wei blong yu an olketa mirakol blong yu.

Sams 88:12 Iomraidhean Croise

Sams 143:3

Enemi blong mi hemi aftarem mi an hemi spoelem laef blong mi finis nao. Distaem mi olsem man hu hemi stap long tudak, an mi olsem tu man hu hemi dae finis nao.

Sams 31:12

Olketa evriwan i fogetem mi nao, olsem wea mi dae finis. Mi olsem nomoa ravis wea olketa torowem finis.

Sams 88:5

Olketa pipol i lukim mi olsem man hu hemi dae finis. Ya, mi olsem olketa man hu i dae long faet an olketa berem olketa insaet long wanfala grev nomoa. Yu fogetem olketa finis an yu no helpem olketa moa.

Eklesiastes 2:16

Long taem wea waes man an krangge man i dae finis, no eniwan bae hemi tingim tufala moa. Ya, olsem krangge man hemi mas dae, waes man tu bae hemi dae.

Eklesiastes 8:10

Mi lukim wanfala nogud samting olsem, taem ravis man hemi dae, olketa berem hem long gudfala grev. Olketa tekem hem from tambuples fo berem hem, an olketa long taon wea man ya hemi duim olketa ravis samting, olketa preisim hem nomoa olsem hemi wanfala gudfala man. Disfala samting hemi no fitim tingting blong yumi.

Eklesiastes 9:5

Ya, olketa hu i laef yet, olketa save dat bae olketa mas dae. Bat olketa hu i dae finis, olketa nating save long enisamting. Bae olketa no garem eni gudfala samting, an olketa pipol i fogetem olketa finis.

Aesaea 8:22

An taem olketa luk godaon fo help, bat no eni help nomoa hemi kam. Olketa lukim nomoa trabol long evri ples, olsem wea tudak hemi kavaremap disfala lan. An bae God hemi torowem olketa godaon long disfala ples wea hemi tudak tumas.

Matiu 8:12

Bat olketa pipol hu God hemi siusim olketa fastaem fo stap insaet long kingdom long Heven, bae hemi raosim olketa fo go aotsaet moa, go kasem ples wea hemi dak tumas. An long ples ya nao, bae olketa go-gohed fo krae nomoa an sore bikfala.”

Jiud 1:13

Olketa pipol olsem ya, olowe nomoa yumi save lukim olketa ravis wei blong olketa. Olketa olsem olketa wev long si wea olketa save tekem kam plande ravis samting nomoa olobaot long soa. An olketa olsem olketa sta wea olketa lusim barava ples blong olketa. God hemi makem finis wanfala ples wea hemi tudak tumas, fo olketa stap long hem olowe.