Sams 85:6 - Pijin Bible

⁶ Plis yu strongim moa laef blong mifala olketa pipol blong yu, mekem mifala save preisim yu.

Pijin Deuterocanon

⁶ Plis yu strongim moa laef blong mifala olketa pipol blong yu, mekem mifala save preisim yu.

Sams 85:6 Iomraidhean Croise

Sams 138:7

Taem olketa trabol i kasem mi, yu nao yu sevem mi. Yu agensim olketa enemi blong mi hu i kros tumas long mi, an yu sevem mi long paoa blong yu.

Sams 149:2

Yumi blong Israel, yumi mas hapi bikos Yawe nao hemi mekem yumi. Ya, yumi olketa pipol blong hem long Saeon, yumi mas hapi bikos hem nao hemi king blong yumi.

Sams 53:6

Mi laekem tumas, sapos God blong yumi olketa Israel pipol, wea hemi stap long Saeon, fo hemi kam an mekem yumi win. An taem wea God hemi mekem yumi fo garem gudfala laef moa, yumi olketa pipol blong Jekob wea narafala nem blong hem nao Israel, bae i barava hapi fogud. (Singsing blong Deved. Hemi wakem bihaen long taem wea olketa blong taon long Jif i talem long Sol wea Deved hemi haed long ples blong olketa. Singsing ya hemi fo singim wetem stringban.)

Sams 71:20

Yu bin sendem kam trabol long mi an yu bin mekem mi safa, bat mi save dat bae yu mekem mi fo strongbaek moa, an yu no save letem mi dae.

Sams 74:1

?God, waswe nao yu les long mifala? !Mifala i pipol blong yu nomoa ya, wea mifala olsem olketa sipsip blong yu! ?Waswe, bae yu kros olowe nomoa long mifala nao?

Sams 77:8

?Waswe, hemi stop fo no tinghevi moa long mifala? ?Waswe, olketa promis blong hem bae hemi nomoa nao?

Sams 80:18

Sapos olsem, bae mifala no save lusim yu moa enitaem. Plis yu kipim mifala laef, an bae mifala preisim nem blong yu.

Sams 90:14

Evri moning, plis yu mekem mifala save dat lav blong yu fo mifala hemi no save finis. Sapos olsem, bae mifala save singsing an hapi olowe nao.

Aesaea 57:15

Yawe nao, hu hemi hae an hemi holi tumas, an hemi stap fo evritaem olowe, hemi tok moa olsem, “Mi stap long ples wea hemi hae an hemi holi, bat mi stap tu wetem olketa pipol hu i hambol an sore tumas fo olketa sin blong olketa, an mi givim niu laef long olketa.

Jeremaea 3:5

?Waswe nao yu gohed fo kros long mifala? ?Fo hao long nao bae yu panisim mifala?’ Hem nao toktok blong yufala, bat yufala gohed nomoa fo duim evri ravis samting wea yufala save duim.”

Jeremaea 33:11

wea olketa pipol i singaot bikfala, bikos olketa barava hapi tumas. Olketa save herem tu singsing blong olketa boe an gele long fist blong marit. An olketa save herem olketa pipol wea i gohed fo karim olketa ofaring long Tambuhaos blong mi fo talem tengkiu long mi. Bae olketa singaot olsem: Yumi talem tengkiu long Yawe hu hemi garem evri paoa, bikos hemi gud tumas. Ya, bikos hemi tinghevi long yumi olowe. “Olketa samting ya hemi hapen bikos bae mi mekem disfala lan blong yufala fo gudbaek moa olsem bifoa.” Hem nao toktok blong Yawe.

Hosia 6:2

Sapos yumi duim olsem, insaet long tu-tri de nomoa bae hemi save mekem yumi gudbaek moa, an bae yumi stap wetem hem olowe nao.

Habakuk 3:2

Lod Yawe. Mi herem finis nius abaotem olketa samting wea yu bin duim. So, mi barava tinghae long yu. Plis yu duim moa distaem olketa semkaen samting wea yu bin duim bifoa. Nomata yu kros long mifala, plis yu sore kam nomoa long mifala.