Sams 84:9 - Pijin Bible

⁹ God, yu nao yu siusim disfala king blong mifala. !Plis yu blesim hem!

Pijin Deuterocanon

⁹ God, yu nao yu siusim disfala king blong mifala. !Plis yu blesim hem!

Sams 84:9 Iomraidhean Croise

Jenesis 15:1

Bihaen long taem ya, Yawe hemi toktok long Ebram insaet long wanfala spesol drim. Nao insaet long drim ya, hemi herem dat Yawe hemi tok olsem long hem, “Ebram, yu no fraet. Bae mi gohed fo lukaftarem yu gudfala, mekem no enisamting nogud save spoelem yu. An bae mi barava givim gudfala samting long yu.”

2 Samuel 23:1

Hem nao las toktok blong Deved, san blong Jese. Diswan hemi blong man wea Hae God hemi mekem hem fo garem biknem. Hemi toktok blong man wea God blong Jekob, hemi siusim hem fo kamap king. Man wea hemi mekem olketa nambawan singsing long Israel, hemi talem las toktok blong hem olsem:

2 Kronikols 6:42

O Yawe God, plis yu no les long man wea yu bin siusim fo kamap king. An rimembarem dat yu bin promisim fo tinghevi long King Deved hu hemi wakaman blong yu.”

Sams 132:17

Bae mi mekem wanfala long olketa hu i bon kam bihaen long King Deved, fo kamap wanfala strongfala king. An bae mi lukaftarem hem gudfala mekem hemi save rul olowe.

Sams 17:1

Lod Yawe, plis yu herem kam krae blong mi, wea mi krae kam long yu fo yu stretem olketa trabol blong mi. Plis yu herem kam prea blong mi, bikos mi no save laea.

Sams 2:2

Olketa king long disfala wol i mekredi nao fo faet. Olketa hu i rulim olketa pipol long wol i joen tugeta nao fo faet. Olketa redi fo faet agensim Yawe an disfala king ya wea hemi bin siusim fo duim waka blong hem.

Sams 2:6

Hemi tok olsem, “Mi bin putum finis king blong mi long Saeon, disfala holi maonten blong mi ya.”

Sams 3:3

Lod Yawe, yu nao yu olsem wanfala sil wea yu gohed fo gadem mi from trabol. Yu gohed fo mekem mi win, an yu gohed fo mekem tingting blong mi hemi kamap strong moa.

Sams 59:11

God, yu Masta blong mifala, an yu gohed fo gadem mifala mekem no eni trabol save kasem mifala. Plis yu no kilim olketa dae, nogud olketa pipol blong mi i fogetem hao yu bin panisim olketa pipol ya. Bat plis yu yusim paoa blong yu, fo mekem olketa evriwan i ranawe an lus finis.

Sams 84:11

Lod Yawe, yu nao yu God, an yu nao yu gadem mifala an mekem mifala fo stap sef long yu. Ya, yu nao yu kaen long mifala, an yu givim biknem long mifala. Lod Yawe, oltaem yu givim nomoa olketa gudfala samting long olketa hu i duim wanem hemi stret.

Sams 89:20

Mi nao mi kapsaetem tambu oel go long hed blong wakaman blong mi Deved. Ya, hem ya fo somaot dat mi nao bin siusim hem fo hemi kamap king.

Sams 98:1

Yumi mas singim wanfala niufala singsing fo preisim Yawe bikos hemi bin duim olketa bikfala samting. Hemi winim finis olketa enemi blong hem long faet. Ya, hemi win long paoa blong hem wea hemi holi an hemi strongfala tumas.

Aposol 4:27

Tru Masta, Herod Antipas an Pontias Paelat tufala barava hipap tugeta wetem olketa pipol hu i no Jiu an olketa pipol blong Israel tu, an olketa agensim Jisas disfala Holi Wakaman blong yu hu yu bin mekem hem kamap Mesaea.

Diutronomi 33:29

Distaem yufala long Israel save hapi tumas. No eniwan hemi olsem yufala wea Yawe hemi sevem yufala finis. Yawe hemi olsem samting fo gadem yufala, mekem olketa aro blong enemi i no sut long yufala. An hemi olsem nambawan naef fo faet blong yufala, mekem yufala save winim olketa enemi. Olketa enemi bae i kam fraet an krae long yufala, bat bae yufala step long olketa an spoelem olketa finis.”

1 Samuel 16:6

Taem olketa kamap, profet hemi lukim Eliab, san blong Jese, an hemi gohed fo ting olsem, “Ating man hu hemi stanap hia long frant long Yawe nao, bae Yawe hemi siusim.”

1 Samuel 2:10

Yawe bae hemi jajem pipol blong olketa ples long disfala wol. Bae hemi spoelem olketa enemi blong hem. Bae hemi stap long heven, fo faerem kam tanda long olketa. “An bae hemi givim paoa long king wea hemi bin siusimaot. Ya, bae hemi gohed fo liftimap hem an mekem hem fo win oltaem.”