Sams 83:4 - Pijin Bible

⁴ Olketa enemi ya i tok olsem, “!Yumi go nao mekem yumi spoelem finis kantri blong olketa ya! !Ya, mekem no eniwan save tingim Israel moa!”

Pijin Deuterocanon

⁴ Olketa enemi ya i tok olsem, “!Yumi go nao mekem yumi spoelem finis kantri blong olketa ya! !Ya, mekem no eniwan save tingim Israel moa!”

Sams 83:4 Iomraidhean Croise

Nehemaea 4:2

Frant long olketa fren blong hem wetem olketa long ami blong Samaria, hemi tok olsem, “!Olketa Jiu ya i wik fogud! ?Bae olketa save wakembaek moa datfala wolston? ?Bae olketa save stat fo mekem moa olketa sakrifaes tu ya? ?Bae olketa save finisim waka ya long wanfala de nomoa? !Nomoa ya! Olketa ston wea olketa bin yusim long wolston ya bifoa, faea hemi spoelem olketa finis. ?Waswe, olketa tingse bae olketa save yusim moa olketa ravis ston ya?”

Sams 74:8

Olketa laekem tumas fo spoelem mifala tumas, so olketa bonem evri ples long kantri ya wea mifala save wosipim yu long hem.

Eksodas 1:10

Yumi mas faendem wanfala wei fo stopem olketa, nogud olketa spoelem yumi. Sapos yumi no duim olsem, taem eni faet hemi kamap, bae olketa joen wetem olketa enemi blong yumi, faet agensim yumi an bae olketa winim yumi, an ranawe from ples ya.”

Provebs 1:12

Nomata olketa stap gud distaem, bae yumi sendem olketa go long grev.

Jeremaea 11:19

Mi no save olketa mekem ravis plan ya agensim mi. Mi olsem wanfala smol sipsip nomoa, wea olketa tekem go fo kilim hemi dae. Olketa bin gohed fo tok olsem, “Yufala kam, yumi katemdaon disfala tri an spoelem olketa frut blong hem. Yumi kilim hem dae, mekem olketa pipol no save tingim hem moa.”

Jeremaea 31:36

“Mi Yawe mi talem yufala tru nao. Long sem wei wea mi gohed fo mekem olketa samting ya fo hapen, bae mi gohed fo kipim olketa long laen blong Israel olsem spesol pipol blong mi.

Jeremaea 48:2

Bae no eniwan hemi mekhae moa long kantri long Moab. Long biktaon long Hesbon bae olketa mekem ravis plan fo spoelem hem. Bae olketa tok olsem, ‘Olketa. !Yumi mas barava finisim datfala kantri nao!’ An yufala pipol blong Madmen bae yufala i stap kuaet nomoa olsem man dae, bikos disfala naef fo faet bae hemi aftarem yufala.

Esikiel 38:10

“Lod Yawe nao hemi tok olsem: Long datfala taem, wanfala ravis tingting bae hemi kam long yu, an bae yu mekem wanfala plan wea hemi barava nogud tumas.

Daniel 7:25

God hemi barava hae tumas, bat king ya bae hemi tok agensim hem nomoa. An bae hemi mekem olketa pipol blong God fo safa tumas. Bae hemi trae fo sensim olketa spesol taem an olketa lo blong olketa. An olketa pipol blong God bae i stap andanit long paoa blong hem fo tri an haf yia.

Aposol 4:17

Bat nogud diskaen tising hemi go kasem plande pipol moa. Yumi mas tokstrong long tufala an wonem tufala fo no talem olketa pipol abaotem Jisas.”

Josua 9:2

So samfala paramaon sif ya i stat fo hipap tugeta wetem olketa soldia blong olketa fo faet agensim Josua wetem ami blong Israel.