Sams 83:14 - Pijin Bible

¹⁴ Spoelem olketa tumas olsem bikfala faea wea hemi bone long bus. Ya, olsem olketa bikfala flem blong faea wea hemi bonem evri tri long olketa hil.

Pijin Deuterocanon

¹⁴ Spoelem olketa tumas olsem bikfala faea wea hemi bone long bus. Ya, olsem olketa bikfala flem blong faea wea hemi bonem evri tri long olketa hil.

Sams 83:14 Iomraidhean Croise

Stori abaotem Job 21:18

God hemi no torowem olketa nomoa, olsem drae gras wea win hemi bloum go an hemi lus.

Aesaea 17:13

Bat nomata olketa ya i ran kam kuiktaem long yumi olsem bikfala solwata wea hemi brek kam long sanbis, taem Yawe hemi tok long olketa, bae olketa evriwan i taneraon an ranawe. Hemi ronemaot olketa an olketa i olsem wea olketa flae nomoa olsem asis long saet long hil, o olsem drae lif wea bikfala win hemi karim go.

Aesaea 30:33

Yawe hemi redim finis Tofet, disfala ravis ples fo sakrifaes blong olketa hiden pipol. Ples ya fo bonem sakrifaes hemi dip an waed fogud, an plande faeawud nao olketa hipimap finis insaet. Bae Yawe hemi blou kam an barava hot faea nao hemi stat long ples ya. Ya, ples ya hemi redi finis fo bonem disfala king blong Asiria.

Aesaea 9:18

Ravis wei blong olketa hemi olsem faea wea hemi bonem olketa smolfala nilagras go-go kasem olketa bikfala tri long bus tu. An smok blong faea ya hemi goap long skae olsem bikfala klaod blong ren.

Neiham 1:10

Bae hemi olsem wea ropnila hemi taengem hem, o hemi barava drang fogud an no save stanap. Bae Yawe hemi spoelem hem fogud, olsem wea faea hemi bonem drae gras.

Neiham 1:6

?Hu nao hemi fitim fo stanap strong taem Yawe hemi kros? Taem hemi kros, hemi olsem bikfala faea wea hemi laet, an olketa bikfala ston i smas go nomoa long asis.

Malakae 4:1

Yawe hemi tok olsem, ?De blong mi fo jaj bae hemi kam, an bae hemi olsem bikfala faea. Evri praod pipol an evri pipol hu i duim olketa ravis samting, bae i olsem drae gras, an long datfala de bae olketa barava bone. Bae no eniwan long olketa hemi stap bikos nomata olketa rut blong gras, faea hemi bonem tu.

Diutronomi 32:22

Kros blong mi hemi laet olsem bikfala faea wea hem save bonem evrisamting long disfala wol an godaon kasem ples blong olketa man dae. Bae hemi bonem evri gaden blong yufala, an hem save bonem andanit long olketa maonten tu.