Sams 83:10 - Pijin Bible

¹⁰ Yu bin kilim dae tufala ya long taon long Endoa, an bodi blong tufala hemi roten long ples ya nao.

Pijin Deuterocanon

¹⁰ Yu bin kilim dae tufala ya long taon long Endoa, an bodi blong tufala hemi roten long ples ya nao.

Sams 83:10 Iomraidhean Croise

2 Kings 9:37

Bae bodi blong hem hemi stap olobaot long graon olsem ravis nomoa, mekem pipol no luksave long bodi blong Jesebel.’ ”

Jeremaea 16:4

“Samfala ya bae olketa dae long bikfala sik, an bae no eniwan hemi sore an krae fo olketa. Bae no eniwan hemi berem olketa bodi ya, an bae olketa i olsem ravis wea hemi stap nomoa long graon. An bae samfala long olketa ya i dae long taem blong faet an long taem blong hanggre, an bae olketa bed wetem olketa wael animol i kaikaim nao olketa bodi ya.”

Jeremaea 8:2

Bae olketa bon ya i stap olobaot nomoa antap long graon andanit long san, an long mun, an long olketa sta wea olketa pipol ya i aftarem, an lavem tumas, an mekem wosip long olketa. Bae no eniwan hemi hipimap olketa bon ya fo berem, an bae olketa i olsem ravis wea hemi stap nomoa long graon.

Sefenaea 1:17

Yawe hemi tok olsem, ?Bikos olketa sin agensim mi Yawe, bae mi mekem bikfala trabol fo kasem olketa pipol, an trabol ya bae hemi mekem olketa evriwan fo wakabaot olsem blaen pipol. Blad blong olketa bae hemi kamaot olsem wata nating. An bele blong olketa bae hemi kamaot olsem ravis samting nomoa.?

Josua 17:11

Olketa long traeb blong Manase i garem samfala taon insaet long eria blong Asa an eria blong Isaka, wea nem blong olketa nao Bet-San, an Ibleam, wetem olketa vilij raon long tufala, wetem Endoa, an Taanak, an Megido an Doa wea hemi stap long saet si.

Jajis 4:15

An taem olketa stat fo faet, Yawe hemi mekem Sisera an olketa soldia blong hem i fraet so olketa ran krangge olobaot long ples ya. Sisera hemi jamdaon from kaat blong hem fo faet an stat fo ranawe baelek.

Jajis 4:16

Olketa narafala man blong Sisera i ranawe, bat Barak an olketa soldia blong hem i gohed fo ronem olketa go-go kasem taon long Haroset-Ha-Goeim. Olketa kilim dae evri soldia blong Sisera an no eniwan hemi laef.

Jajis 5:21

Bikfala flad long Kison Riva hemi spoelem olketa soldia blong Sisera. Ya, flad long Kison hem kavarem olketa. Oltaem, bae mi stap strong taem mi wakabaot go fo faet.

Jajis 7:25

Olketa long Efrem i kasholem tufala long olketa sif blong Midian, wea nem blong tufala, Blak Igol an Wael Dog. Oraet Blak Igol ya, olketa katemaot hed blong hem kolsap long wanfala bikfala ston wea bihaen olketa kolem ston ya Blak Igol. An Wael Dog ya, olketa katemaot hed blong hem long ples fo wakem waen wea bihaen olketa kolem ples ya Wael Dog. Olketa gohed yet fo ronem disfala ami blong Midian. An olketa tekem hed blong tufala sif ya go long Gidion hu hemi stap finis narasaet long Jodan Riva.

1 Samuel 28:7

So hemi tok olsem long olketa bikman blong hem, “Yufala go lukaotem wanfala woman wea hemi save toktok wetem devoldevol. Mekem mi faendem ansa long hem.” An olketa tok olsem, “Wanfala hem stap long taon long Endoa.”