Sams 81:5 - Pijin Bible

⁵ God hemi givim disfala lo long olketa olo blong yumi bifoa, long taem wea hemi kilim dae olketa pipol blong Ijip. Mi herem wanfala voes wea mi no save, hemi tok olsem,

Pijin Deuterocanon

⁵ God hemi givim disfala lo long olketa olo blong yumi bifoa, long taem wea hemi kilim dae olketa pipol blong Ijip. Mi herem wanfala voes wea mi no save, hemi tok olsem,

Sams 81:5 Iomraidhean Croise

Sams 114:1

Yumi evriwan i pipol blong Jiuda ya, an yumi olketa traeb blong Israel disfala olo blong yumi ya nao Jekob. Nao taem yumi kamaot from Ijip, God hemi mekem yumi fo kamap pipol blong hem.

Sams 77:15

Long paoa blong yu, yu bin sevem olketa pipol blong yu. Ya, yu bin sevem mifala long laen blong Jekob an laen blong Josef.

Sams 78:6

Hemi duim olsem mekem olketa wea bae i bon kam bihaen save lanem olketa lo ya, an bae olketa tu i save talemaot long olketa pikinini blong olketa.

Eksodas 11:4

So Mosis hemi gohed fo tok moa olsem long king, “Yawe nao hemi tok olsem: Long midol long naet, bae mi gotru evri ples long Ijip.

Eksodas 12:12

“Long sem naet ya, bae mi gotru long evri ples long Ijip, an bae mi kilim dae evri fasbon pikinini boe blong olketa pipol an olketa fasbon long olketa animol. An bae mi panisim tu olketa laea god blong olketa ya. !Mi nao mi Yawe!

Eksodas 12:27

bae yumi mas tok olsem long olketa, ‘Hem nao sakrifaes long Fist blong Pasova ya. Yumi gohed mekem fo tinghae long Yawe, bikos bifoa kam, taem wea mifala stap yet long Ijip, Yawe hemi kilim dae olketa pipol blong Ijip, bat hemi pas ovarem olketa haos blong mifala, an hemi letem mifala laef.’ ” Taem olketa herem toktok ya, olketa baodaon an wosipim Yawe.

Eksodas 12:29

Midol long naet, Yawe hemi kam kilim dae evri fasbon pikinini boe blong olketa pipol blong Ijip, stat long fasbon pikinini boe blong king go-go kasem olketa fasbon pikinini boe blong olketa man wea i stap long prisin. An hemi kilim dae evri fasbon pikinini manwan blong olketa animol tu.

Aesaea 28:11

Oraet. Sapos olketa les fo lisin long mi, bae Yawe hemi yusim olketa pipol blong narafala kantri wea langguis blong olketa hemi deferen tumas fo tisim olketa, mekem hemi here olsem krangge toktok.

Jeremaea 5:15

“!Olketa laen blong Israel! Bae mi tekem kam olketa pipol long wanfala farawe kantri fo kam faetem yufala. Datfala kantri hemi stap kam longtaem nao, an yufala no heremsave langguis blong olketa.

Esikiel 20:20

Yufala mas gohed fo kipim olketa Sabat de, an barava mektambu long hem, fo makem agrimen wea mi mekem wetem yufala. Sapos olsem, bae yufala savegud dat mi nao Yawe God blong yufala.’

Emos 6:6

Yufala gohed fo dringim tumas waen, an gohed fo rabem bodi blong yufala long nambawan oel wea hemi barava smel naes fogud. Bat yufala nating sore nomoa long kantri ya blong yufala long Israel, wea olketa enemi bae i kam an barava spoelem finis.

Diutronomi 28:49

An bae hemi mekem ami blong wanfala narafala kantri i kam fo faetem yufala. Ples blong olketa hemi stap narasaet long wol, an yufala no save long langguis blong olketa. Bae olketa kam kasem yufala olsem wanfala igol hemi save flae kamdaon.