Sams 81:12 - Pijin Bible

¹² So mi letem olketa gohed fo bikhed, an duim wanem olketa laekem.

Pijin Deuterocanon

¹² So mi letem olketa gohed fo bikhed, an duim wanem olketa laekem.

Sams 81:12 Iomraidhean Croise

Jenesis 6:3

An long taem ya, olketa bikfala man i stap wea olketa i barava strong fogud. Olketa ya i pikinini blong olketa woman wea olketa enjel ya i gohed fo slip tugeta wetem. Hem nao olketa man ya bifoa wea i barava man fo faet, wea olketa garem biknem. Nao Yawe hemi tok olsem, “Hemi nogud wea laef blong mi hemi stap olowe long olketa man ya. Olketa i man blong wol nomoa ya, wea olketa save dae. Stat distaem, bae olketa save kasem 120 yia nomoa.”

2 Kings 18:12

Samting ya hemi hapen bikos pipol blong Israel i no obeim Yawe, God blong olketa. Olketa spoelem spesol agrimen blong Yawe, an olketa no falom olketa lo wea Mosis, wakaman blong hem, hemi bin talemaot. Olketa no save lisin long Yawe, an olketa no save obeim hem tu.

Nehemaea 9:16

“Bat olketa grani ya blong mifala bifoa bin kamap praod tumas an bikhed fogud, an olketa no obeim strong toktok blong yu.

Stori abaotem Job 8:4

Olketa pikinini blong yu nao i bin sin agensim God. Dastawe nao hemi panisim olketa.

Eksodas 11:9

Yawe bin tok olsem long Mosis, “Bae king ya hemi les fo lisin long toktok blong yu, mekem mi save mekem olketa bikfala mirakol moa olsem long Ijip.”

Aesaea 30:1

(Profet) Hem ya mesij blong Yawe. Hemi tok olsem, “!Sore tumas long yufala lida hu i bikhed tumas! Bikos yufala falom nomoa plan blong yufala seleva wea hemi no plan blong mi. An yufala mekem agrimen wetem olketa blong narafala kantri, mekem olketa helpem yufala long faet. Diswan hemi barava agensim tingting blong mi, an yufala gohed fo sin olowe nomoa.

Aesaea 30:9

Olketa pipol ya i bikhed tumas an oltaem nomoa olketa agensim mi. Olketa i olsem pikinini hu hemi laea an hemi les fo lisin. Ya, olketa les fo obeim olketa tising blong mi Yawe.

Aesaea 42:24

?Yufala tingse, hu nao hemi letem olketa enemi fo spoelem Israel an stilim evrisamting insaet? Yawe hu yumi sin agensim nao, hemi letem olketa samting ya fo hapen. Hemi duim olsem, bikos yumi no falom wei blong hem, an yumi no obeim lo blong hem.

Jeremaea 42:21

So mi talemaot finis long yufala evrisamting wea hemi talem, bat yufala no obeim yet olketa samting ya wea hemi sendem mi fo kam talemaot long yufala.

Jeremaea 7:24

Bat olketa bikhed tumas an laek fo falom nomoa olketa ravis tingting blong olketa. Olketa no lisin kam long mi an no obeim mi.

Esikiel 20:8

“Bat olketa agensim mi, an les fo lisin long mi. Olketa no torowem nomoa olketa ravis kaving ya blong Ijip wea olketa bin gohed fo wosipim. So, taem olketa stap yet long Ijip, mi bin kros fogud an redi fo panisim olketa long bikfala paoa blong mi.

Hosia 9:17

(Profet) God blong mi bae hemi les long olketa pipol blong hem, bikos olketa nating obeim hem. Bae hemi mekem olketa fo go olobaot nao long olketa narafala kantri.

Levitikas 26:14

“Bat sapos yufala no save lisin long mi, an yufala no obeim olketa toktok blong mi, bae mi panisim yufala.

Aposol 14:16

Long bifoa kam, hemi letem olketa pipol long evri ples fo falom maen blong olketa seleva.

Aposol 7:42

So God hemi tanem baeksaet blong hem long olketa, an hemi letem olketa fo gohed fo wosipim olketa sta long skae. Diswan hemi olsem hemi talem long buk blong olketa profet, wea hemi sei, ‘Yufala olketa pipol blong Israel, insaet long fotifala yia wea yufala stap long drae eria ya, yufala gohed fo kilim olketa animol an sakrifaesim olketa. Bat olketa sakrifaes ya, olketa no fo mekhae long mi ya.

Leta wea Pol hemi raetem go long sios long Rom 1:24

Dastawe nao God hemi letem olketa fo falom olketa ravis tingting hemi stap insaet long maen blong olketa. So olketa gohed fo durong olobaot an fo spoelem bodi blong olketa seleva.

1 Samuel 8:19

Bat olketa pipol ya i les fo lisin long woning blong Samuel. Olketa tok olsem long hem, “!Nomoa! Mifala laekem wanfala king,