Sams 81:1 - Pijin Bible

¹ Yumi mas hapi an singaot go long God wea olketa pipol long laen blong Israel i wosipim. Ya, yumi mas singsing bikfala fo preisim God bikos hemi bin gadem yumi.

Pijin Deuterocanon

¹ Yumi mas hapi an singaot go long God wea olketa pipol long laen blong Israel i wosipim. Ya, yumi mas singsing bikfala fo preisim God bikos hemi bin gadem yumi.

Sams 81:1 Iomraidhean Croise

Jenesis 50:17

hemi bin talem wanfala toktok long mifala, mekem mifala talemaot long yu ya. Hemi bin tok olsem, ‘Bifoa, olketa brata blong yu ya i bin duim samting wea hemi rong tumas long yu ya, an olketa gohed fo mekem sin. Plis yu mas fogivim olketa.’ So mifala i wakaman blong God blong dadi blong yumi tu ya. Plis yu fogivim mifala from olketa sin blong mifala ya.” An taem olketa brata ya olketa kam talemaot toktok ya long hem, hemi krae nao.

1 Kronikols 6:17

Geson hemi garem tufala san wea nem blong tufala, Libni an Simei.

Sams 28:7

Hem nao hemi paoa blong mi, an hemi gohed fo gadem mi gudfala. Mi trastem hem an hemi gohed fo helpem mi. Ya, hemi gohed fo mekem mi hapi, dastawe nao mi gohed fo preisim hem, long singsing blong mi.

Sams 46:11

Yawe hu hemi garem evri paoa, hemi stap wetem yumi nao. Hemi God blong Jekob, an hemi sefples blong yumi. (Singsing blong olketa long laen blong Kora.)

Sams 50:1

Yawe, hemi God hu hemi garem evri paoa. Hemi sendemaot toktok blong hem fo go long evri ples long wol, stat long ist go kasem west, mekem evri pipol i kam tugeta.

Sams 52:7

“Yufala lukim man ya. Hemi no trastem nomoa God fo sevem hem. Hemi trastem olketa staka samting wea hemi garem, an hemi trastem tu olketa ravis wei blong hem fo gadem hem.”

Sams 66:1

!Yumi evriwan mas hapi an singaot fo preisim God!

Sams 67:4

Hemi gud tumas sapos olketa pipol blong evri kantri i hapi an singsing, bikos yu jajem evri pipol long stretfala wei, an yu lidim olketa pipol long evri kantri long wol.

Sams 8:1

Lod Yawe, yu nao yu Masta blong mifala. Evriwan i luksave long bikfala paoa blong yu long evri ples long wol. Evriwan i gohed fo preisim nem blong yu, an disfala preis ya hemi go-go kasem antap go long skae.

Jeremaea 31:7

Hem nao Yawe hemi tok olsem, “!Yufala sing fo hapi abaotem Israel! !Yufala singaot bikfala abaotem nambawan kantri long wol! Taem yufala preisim Yawe, yufala mas mekem evriwan hemi herem, yufala mas askem hem olsem, ‘!O Yawe! !Plis yu sevem pipol blong yu! Plis yu sevem olketa blong Israel hu i stap laef yet.’

Matiu 22:32

‘Mi nao mi God blong Ebraham an Aesak an Jekob.’ An God ya hemi no God blong man wea hemi dae ya, bat hemi God blong man wea hemi laef.”

Filipae 4:13

Disfala paoa wea Kraes hemi givim kam long mi, hem nao mekem mi strong fo gohed nomoa, nomata watkaen samting nao hemi kasem mi.