Sams 80:13 - Pijin Bible

¹³ Olketa wael pikpik save gotru long gaden an step evriwea long hem. Olketa wael animol save gotru long gaden ya an spoelem finis nao.

Pijin Deuterocanon

¹³ Olketa wael pikpik save gotru long gaden an step evriwea long hem. Olketa wael animol save gotru long gaden ya an spoelem finis nao.

Sams 80:13 Iomraidhean Croise

2 Kings 17:20

Dastawe Yawe hemi barava les long pipol blong Israel. Hemi bin panisim olketa, an hemi bin putum olketa go long han blong olketa enemi blong olketa, go-go hemi pusum olketa goaot, mekem olketa no stap kolsap long hem.

Sams 89:42

Yu bin letem olketa enemi blong hem fo winim hem long faet, nao olketa hapi tumas.

Aesaea 5:5

Bae mi talem yufala wanem mi plan fo duim long plantesin ya. Bae mi brekemdaon fens wea hemi stap raonem, mekem olketa enemi an olketa animol i kam step long hem an spoelem.

Jeremaea 4:7

(Profet) Distaem olketa enemi i kamaot from ples blong olketa, olsem laeon wea hemi kamaot from ples blong hem fo haed. Enemi ya hemi kam fo spoelem lan blong yumi. Bae hemi spoelem evri taon blong yumi, an no eniwan nao save stap long hem.

Jeremaea 5:6

From disfala samting nao, bae Yawe hemi panisim olketa. Bae hemi olsem wanfala laeon long bus bae hemi kam fo kilim olketa, an bae wanfala wael dog long drae eria hemi kam fo spoelem olketa. Wanfala bikfala wael puskat bae hemi we-weit kolsap long olketa taon fo eniwan hu hemi kamaot from taon, mekem hemi pisisim hem. Ya, bae Yawe hemi panisim olketa olsem, bikos olketa sin blong olketa i staka tumas, an plande taem nao olketa bin lusim hem.

Jeremaea 51:34

Olketa pipol blong Jerusalem i kraeaot olsem long Yawe, “King Nebukadnesa blong Babilonia hemi spoelem mifala finis, olsem mifala wanfala botol, an king ya hemi dringim evrisamting insaet long hem, mekem hemi emti. King ya hemi olsem wanfala bikfala si snek, wea hemi sualomdaon evri gudfala samting hemi laekem, an hemi toraotem evrisamting hemi no laekem. Plis yu sensimbaek long Babilon olketa trabol ya wea olketa bin mekem fo kasem mifala. Hemi fitim fo olketa blong Babilonia mas panis from blad blong mifala nao.”

Jeremaea 52:7

olketa soldia blong Babilonia i brekem bikfala wolston ya, an go insaet. Long naet, nomata olketa soldia i gohed fo hipap raonem taon ya yet, bat King Sedekaea wetem olketa soldia blong hem i trae fo ranawe gotru long gaden blong king, an goaot long geit wea hemi midol long tufala wolston. Olketa ranawe falom disfala rod wea hemi go long bikfala vali kolsap long Jodan Riva.

Esikiel 19:12

Bat God hemi kros tumas, an hemi pulumaot an torowem long graon. Hot win long ist hemi blou kam an olketa frut i kamap drae an foldaon nao. Olketa brans blong hem i kamap drae, an faea hemi barava bonem nao.

Neiham 2:3

!Olketa pipol blong Nineve! Evri soldia blong olketa enemi blong yufala i werem red kaleko an karim red sil. Olketa redi finis fo kam kilim yufala dae. Olketa kaat blong olketa fo faet i saen fogud olsem faea wea hemi laet. Olketa soldia i apem olketa spia fo somaot dat olketa barava redi nao fo faet.