Sams 8:5 - Pijin Bible

⁵ Nomata olsem, yu seleva nao bin mekem mifala, an yu liftimap nem blong mifala an yu givim paoa long mifala fo kamap barava hae olsem king, bat yu nomoa yu hae winim mifala.

Pijin Deuterocanon

⁵ Nomata olsem, yu seleva nao bin mekem mifala, an yu liftimap nem blong mifala an yu givim paoa long mifala fo kamap barava hae olsem king, bat yu nomoa yu hae winim mifala.

Sams 8:5 Iomraidhean Croise

Jenesis 2:7

Nao Yawe hemi tekem graon an hemi mekem wanfala man long hem, an hemi blou long nous blong hem fo mekem hemi garem laef. Nao long wei ya, man ya hemi laef.

2 Samuel 14:29

Den hemi kolem Joab fo kam lukim hem, bikos hemi laek fo sendem hem go long king, bat Joab hemi les fo kam. Oraet, hemi sendem moa toktok go, bat Joab hemi les moa.

Stori abaotem Job 7:17

?Waswe nao yu tingting tumas long man olsem? ?Waswe nao yu lukstrong long hem?

Sams 103:20

Yufala olketa enjel, yufala strong an garem paoa. Oltaem yufala gohed fo obeim olketa toktok blong Yawe, an yufala gohed fo lisin long olketa samting wea hemi talem. !Yufala ya, yufala mas gohed fo preisim Yawe!

Sams 103:4

Hemi lukaftarem mi from dae. Nao hemi blesim mi bikos hemi lavem mi tumas, an hemi sore tumas long mi.

Sams 144:3

Lod Yawe, yu nao yu God, an mifala pipol long wol i olsem samting nating nomoa. Nomata olsem, yu tingim mifala olowe. ?Hao nao yu save duim olsem?

Sams 45:6

Paoa fo kamap king wea God nao hemi givim long yu, bae hemi stap long yu evritaem olowe. Yu rulim olketa pipol blong yu long wei wea hemi stret fogud.

Efesas 1:21

Kraes hemi stap long heven fo King ovarem olketa enjel an evri narakaen paoa moa long skae. An Kraes hemi garem nem wea hemi bikfala tumas winim evri narafala nem long disfala wol an long nara wol wea bae hemi kam.

Hibrus 2:16

Hemi barava klia nomoa dat hemi no kam fo helpem olketa enjel ya, bat hemi kam fo helpem olketa pipol long laen blong Ebraham.

Hibrus 2:7

Fo lelebet taem nomoa, yu mekem hem fo stap lou andanit long olketa enjel, bat yu liftimap nem blong hem an yu givim hem saen blong bikfala paoa blong yu.

Hibrus 2:9

Bat Jisas nao hemi garem olketa paoa. Fo lelebet taem, God hemi mekem hem fo stap lou andanit long olketa enjel, mekem hemi somaot kaenfala lav blong God taem hemi sensim evri pipol an dae. An bikos hemi safa tumas an dae, God hemi liftimap nem blong hem an givim hem saen blong bikfala paoa blong hem.