Sams 8:3 - Pijin Bible

³ Taem mi lukap go long skae wea yu bin mekem, an mi lukim mun an olketa sta wea yu bin putum long olketa barava ples blong olketa,

Pijin Deuterocanon

³ Taem mi lukap go long skae wea yu bin mekem, an mi lukim mun an olketa sta wea yu bin putum long olketa barava ples blong olketa,

Sams 8:3 Iomraidhean Croise

Jenesis 1:1

Longtaem bifoa kam yet, taem God hemi stat fo mekem skae an disfala graon wetem evrisamting wea hemi stap long hem,

Stori abaotem Job 22:12

God hemi stap kam long ples wea hemi hae tumas. Nomata olketa sta i hae, bat God hemi luk daon kam long olketa nomoa.

Stori abaotem Job 25:3

No eniwan nao save kaontem olketa enjel insaet long ami blong hem. An laet blong hem hemi saenaot go long evri ples.

Stori abaotem Job 25:5

Taem God hemi luk long mun an olketa sta, olketa nating braet o klin nomoa long ae blong hem.

Stori abaotem Job 36:24

Oltaem, yu mas preisim waka blong hem, olsem olketa pipol duim long singsing.

Sams 104:19

Lod Yawe, yu bin mekem mun fo makem olketa mans, an yu makem finis taem blong san fo godaon long hem.

Sams 111:2

Evrisamting wea Yawe hemi duim hemi barava gud tumas, an evriwan hu i hapi tumas long evrisamting ya, olketa laekem tumas fo savegud moa long olketa samting ya.

Sams 148:3

!Preisim hem, yutufala san an mun! !Preisim hem, yufala olketa sta!

Sams 19:1

Skae hemi gohed fo somaot olowe bikfala paoa blong God, an evrisamting wea i stap long skae ya hemi gohed fo som yumi olketa gudfala waka wea God hemi duim.

Sams 33:6

Yawe nao hemi mekem evrisamting long skae, long toktok blong hem nomoa. Hemi tok nomoa, den san an mun an olketa sta i stap long skae nao.

Sams 89:11

Skae an graon i blong yu finis ya. Ya, yu nao yu bin mekem wol ya wetem evrisamting wea i stap long hem.

Eksodas 31:18

Taem Yawe hemi tok finis wetem Mosis antap long maonten long Saenae, hemi tekem tufala flat ston wea hemi bin katem finis Tenkomanmen long tufala, an hemi givim kam long Mosis.

Eksodas 8:19

So olketa go an tok olsem long king, “!Wanfala god nao hemi mekem samting ya!” Bat king hemi nating lisin nomoa long olketa, hemi gohed fo bikhed nomoa, an hemi barava olsem nao wea Yawe bin talem fastaem.

Gudnius abaotem Jisas Kraes wea Luk hemi raetem 11:20

Mi ya, mi raosim olketa devol long paoa blong God ya. An diswan hemi somaot long yufala wea kingdom blong God, hemi kam long yufala finis.

Leta wea Pol hemi raetem go long sios long Rom 1:20

Stat kam taem God hemi mekem disfala wol, olketa samting long wei blong God wea yumi no save lukim, olketa kamaot klia long olketa samting wea hemi mekem finis. Olsem, yumi save dat hem nao hemi tru God an hemi garem paoa wea hemi stap olowe. Dastawe nao olketa pipol kanot sei wea olketa no save long olketa samting ya.

Diutronomi 4:19

Yufala mas keakea nogud samfala man laea long yufala, an pulum yufala fo baodaon an wosipim olketa samting wea yufala lukim long skae, olsem san, an mun, an sta. Yawe hemi givim olketa samting ya olsem blesing long olketa evri pipol.