Sams 77:8 - Pijin Bible

⁸ ?Waswe, hemi stop fo no tinghevi moa long mifala? ?Waswe, olketa promis blong hem bae hemi nomoa nao?

Pijin Deuterocanon

⁸ ?Waswe, hemi stop fo no tinghevi moa long mifala? ?Waswe, olketa promis blong hem bae hemi nomoa nao?

Sams 77:8 Iomraidhean Croise

2 Samuel 14:14

Yumi evriwan, bae yumi dae. Dae blong yumi hemi olsem wata wea hemi kapsaet go long graon, an no eniwan hemi save tekembaek moa. Bat God hemi no spoelem laef blong man, nomoa, hemi mekem olketa wei fo mekem man hu hemi stap farawe, hemi kambaek long hem.

Sams 13:2

?Fo hao long nao bae trabol hemi gohed nomoa fo kasem mi? ?An fo hao long nao bae mi gohed fo sore nomoa evri de an evri naet? ?An fo hao long nao bae olketa enemi blong mi i gohed nomoa fo winim mi?

Sams 74:1

?God, waswe nao yu les long mifala? !Mifala i pipol blong yu nomoa ya, wea mifala olsem olketa sipsip blong yu! ?Waswe, bae yu kros olowe nomoa long mifala nao?

Sams 85:6

Plis yu strongim moa laef blong mifala olketa pipol blong yu, mekem mifala save preisim yu.

Aesaea 27:11

Taem olketa brans blong olketa tri ya hemi kamap drae an brek kamdaon long graon, olketa woman bae i kam fo pikimap fo faeawud. Yawe nao hemi mekem olketa pipol long ples ya, bat bikos olketa nating luksave long hem, bae hemi no sore an kaen long olketa.

Jeremaea 15:18

?Waswe nao mi mas gohed fo filnogud olsem? Hemi olsem mi filpein from garekil blong mi, an bae soa ya hemi no save gudbaek moa. ?Waswe nao mi no save hapi moa? Mi nidim yu fo helpem mi, bat hemi olsem yu wanfala riva wea samtaem hemi no garem eni wata long hem, o wanfala springwata wea hemi kamap drae.

Nambas 14:34

Yufala mas safa from sin blong yufala fo fotifala yia, wea wanfala yia hemi makem wanfala de blong olketa fotifala de wea tuelfala man i go fo lukluk long datfala lan. !An long fotifala yia ya, bae yufala save dat mi les long yufala!’”

Nambas 23:19

God hemi nating olsem man wea hemi save laea, hemi nating olsem yumi, wea yumi save sensim toktok blong yumi. Sapos hemi promis fo duim samting, bae hemi mas duim nao. Sapos hemi talem toktok, toktok blong hem hemi mas kam tru nao.

Leta wea Pol hemi raetem go long sios long Rom 9:6

Promis blong God hemi no rong, bikos hemi no evri pipol blong Israel nao i pipol blong God.

2 Pita 3:9

Samfala pipol tingse Masta hemi slou tumas fo mekem promis blong hem kamtru. Bat hemi no olsem ya. Masta hemi no laek fo spoelem eniwan, bat hemi laekem evriwan fo lusim olketa ravis wei blong olketa an fo kam long hem. So hemi wiling fo we-weit nomoa long yufala.