Sams 77:3 - Pijin Bible

³ Taem mi tingting long God mi krae. an tingting blong mi hemi barava wikdaon nao.

Pijin Deuterocanon

³ Taem mi tingting long God mi krae. an tingting blong mi hemi barava wikdaon nao.

Sams 77:3 Iomraidhean Croise

Jenesis 37:35

Olketa narafala pikinini boe blong hem, wetem olketa dota blong hem olketa kam an trae fo mekem hem filgud moa, bat hemi no save filgud moa nao, hemi gohed fo tok olsem, “Bae mi gohed fo sore long pikinini blong mi go-go kasem taem wea mi dae.” So hemi gohed fo krae fo pikinini blong hem ya.

Stori abaotem Job 15:11

Mifala bin talem olketa gudfala toktok blong God long yu, mifala tok kuaet long yu ya. ?Waswe, hemi no fit fo mekem yu hapi?

Stori abaotem Job 31:23

Mi nating laek fo duim eni ravis samting long pua pipol, bikos mi fraetem paoa blong God, an mi wari olsem maet hemi spoelem mi.

Stori abaotem Job 6:4

God hu hemi garem evri paoa hemi mekem mi fo safa olsem man wea olketa sutim hem long olketa poesen aro. Poesen blong aro ya hemi go insaet long laef blong mi. Mi fraetem tumas an safa nao long olketa nogud trabol wea God hemi sendem agensim mi.

Stori abaotem Job 7:11

Tingting blong mi hemi fulap long trabol, so mi no save stap kuaet, mi mas tok. Mi barava filnogud tumas, so mi mas komplen nao.

Sams 42:11

?Waswe nao mi sore tumas olsem? ?Waswe nao mi wari tumas olsem? Nomata olsem, bae mi we-weit an trastem yu nomoa, an bae mi preisim yu moa God blong mi wea yu save sevem mi.

Sams 42:5

?Waswe nao mi sore tumas olsem? ?Waswe nao mi wari tumas? Bae mi we-weit an trastem yu nomoa, an bae mi preisim yu moa God blong mi wea yu save sevem mi.

Sams 43:5

?Waswe nao mi sore tumas olsem? ?Waswe nao mi wari tumas? Bae mi we-weit an trastem yu nomoa, an bae mi preisim yu moa God blong mi wea yu save sevem mi. (Singsing blong olketa long laen blong Kora.)

Sams 50:15

Yufala mas kolem mi long taem blong trabol, an bae mi sevem yufala, an yufala bae mekhae long mi.”

Sams 61:2

Mi stap farawe tumas from ples blong mi, an tingting blong mi hemi wikdaon nao, hem nao mi kol go long yu. Plis yu tekem mi go long wanfala strongfala sefples,

Nambawan Singsing 3:1

Taem mi slip long bed long naet, mi gohed fo drim wea mi lukaotem daling blong mi, bat mi no save faendem.

Aesaea 26:16

!O Yawe! Taem yu panisim mifala olketa pipol blong yu, mifala i ting kambaek long yu an prea go long yu.

Jeremaea 17:17

Long taem blong trabol, yu nomoa yu sefples blong mi fo haed. Plis yu no mekem mi fraet.

Lamentesin 3:17

Mi no save stap moa long piis, an mi fogetem nao wei wea mi save stap gudfala.

Lamentesin 3:39

?Waswe, yumi garem raet fo komplen taem panis hemi kasem yumi from sin blong yumi?