Sams 77:2 - Pijin Bible

² Taem trabol hemi kasem mi, mi prea go long Masta blong yumi. Stat long ivining go-go kasem moning, mi gohed fo liftimap han blong mi long prea. Nomata olsem, tingting blong mi hemi no kamap strong nomoa.

Pijin Deuterocanon

² Taem trabol hemi kasem mi, mi prea go long Masta blong yumi. Stat long ivining go-go kasem moning, mi gohed fo liftimap han blong mi long prea. Nomata olsem, tingting blong mi hemi no kamap strong nomoa.

Sams 77:2 Iomraidhean Croise

Jenesis 32:28

Nao man ya hemi tok olsem, “Nem blong yu bae hemi no Jekob moa. Bae nem blong yu nao hemi Israel, bikos yu faet agensim God, an agensim man tu, an yu win.”

Jenesis 37:35

Olketa narafala pikinini boe blong hem, wetem olketa dota blong hem olketa kam an trae fo mekem hem filgud moa, bat hemi no save filgud moa nao, hemi gohed fo tok olsem, “Bae mi gohed fo sore long pikinini blong mi go-go kasem taem wea mi dae.” So hemi gohed fo krae fo pikinini blong hem ya.

2 Kronikols 6:28

“Maet taem blong hanggre, o bikfala sik hemi kam spoelem pipol blong yu, o nogud samting hemi spoelem olketa kaikai long gaden, o olketa grashopa i kamap plande an spoelem olketa gaden, o olketa enemi i kam faetem mifala.

Stori abaotem Job 11:13

Bat yu mas stretem tingting blong yu, an liftimap han blong yu fo prea go long God.

Sams 18:6

Long taem ya wea trabol hemi kasem mi, mi kolem Yawe hu hemi God blong mi, fo hemi helpem mi. Hemi stap kam long Tambuhaos blong hem, an hemi herem kam voes blong mi. Hemi herem mi taem mi krae go long hem fo hemi helpem mi.

Sams 50:15

Yufala mas kolem mi long taem blong trabol, an bae mi sevem yufala, an yufala bae mekhae long mi.”

Sams 55:17

Long moning an long midol long de an long naet, olketa komplen blong mi an olketa krae blong mi hemi goap long hem, an bae hemi herem mi.

Sams 63:6

Taem mi leidaon long bed, oltaem mi save tingim yu. Stat long ivining go-go kasem moning mi tingim yu olowe nomoa,

Sams 86:7

Mi kol kam long yu long olketa taem wea trabol hemi kasem mi, bikos mi save dat yu ansarem olketa prea blong mi.

Provebs 18:14

Man laek fo laef, hemi oraet nomata hemi sik. Bat hemi had tumas fo karim tingting hem filnogud.

Aesaea 26:16

!O Yawe! Taem yu panisim mifala olketa pipol blong yu, mifala i ting kambaek long yu an prea go long yu.

Aesaea 26:9

Oltaem long naet, mi laekem yu tumas, an long eli moning, spirit blong mi hemi laekem tumas fo stap wetem yu. Taem yu jajem pipol long disfala wol, bae olketa lanem stretfala wei blong yu.

Jeremaea 31:15

Yawe nao hemi gohed fo tok olsem, “Olketa herem go noes long Rama, an disfala noes hemi bikfala krae ya. Resel hemi krae nao fo olketa pikinini blong hem. An hemi had fo eniwan fo mekem hem filgud moa, bikos olketa pikinini blong hem, olketa no stap nao.

Hosia 5:13

“Taem olketa blong Israel i lukim dat olketa seleva i wik tumas, olsem wea bikfala sik hemi kasem olketa, bae olketa go askem bikfala king blong kantri blong Asiria fo helpem olketa. Bat king ya bae hemi no save kiurim disfala sik. An taem olketa blong Jiuda i lukim dat olketa seleva i wik tumas, olsem wea olketa garem staka soa, bae olketa tu i go askem bikfala king blong Asiria fo helpem olketa. Bat king bae hemi no save hilim olketa soa ya.

Hosia 6:1

Olketa pipol i tok olsem, “!Olketa! !Yumi gobaek long Yawe! Hem nao hemi letem disfala sik fo kasem yumi, bat hemi save finisim nomoa sik ya from yumi. Hem nomoa hemi mekem yumi garem olketa soa ya, bat hemi save mekem yumi fo kamap gud moa.

Gudnius abaotem Jisas Kraes wea Jon hemi raetem 11:31

Olketa Jiu hu olketa stap wetem Meri fo helpem hem fo no sore tumas, olketa lukim dat hemi stanap kuiktaem an hemi go, so olketa go bihaen long hem tu, bikos olketa tingse hemi go fo krae long kev ya.

Hibrus 5:7

Taem Jisas hemi stap yet long wol ya, hemi kraeaot bikfala long prea blong hem. Hemi prea go long God hu hemi save helpem hem fo no dae. Nao God hemi herem prea blong Jisas, bikos Jisas hemi save falom God an tinghae tumas long hem.