Sams 76:6 - Pijin Bible

⁶ God blong Jekob, long taem wea yu tokstrong long olketa, olketa hos blong olketa wetem olketa man wea i raedem olketa hos ya, i foldaon an dae finis nao.

Pijin Deuterocanon

⁶ God blong Jekob, long taem wea yu tokstrong long olketa, olketa hos blong olketa wetem olketa man wea i raedem olketa hos ya, i foldaon an dae finis nao.

Sams 76:6 Iomraidhean Croise

2 Samuel 10:18

Bat ami blong Israel i ronem olketa gobaek. Long datfala taem, ami blong King Deved i kilim dae 700 soldia blong kaat fo faet blong Aram, an 40,000 soldia blong olketa. An hemi kilim Sobak, komanda blong ami blong Aram, an hemi dae long dea.

2 Kings 19:35

Long datfala naet, Enjel blong Yawe hemi kam long ples wea olketa soldia blong Asiria i stap, an hemi kilim dae 185,000 long olketa. Taem olketa soldia i wekap long moning, seknomoa olketa lukim nao bodi blong olketa soldia wea i dae finis.

2 Kronikols 32:21

Oraet, Yawe hemi sendem go wanfala enjel fo kilim dae evri soldia an olketa komanda blong Asiria wea i stap raonem Jerusalem. So king blong Asiria hemi gobaek long kantri blong hem, an hemi barava sem tumas long ae blong olketa pipol blong hem. Bihaen, taem hemi go long tambuhaos blong god blong hem, tufala san blong hem i tekem naef fo faet an kilim hem dae.

Sams 104:7

Bat taem yu tokstrong long dipsi ya hemi godaon nao. Ya, taem hemi herem voes blong yu wea hemi olsem tanda, hemi go farawe nao.

Sams 18:15

Taem Yawe hemi tokstrong long olketa enemi blong hem, an hemi toktok kros long olketa, olketa dip si i kamap drae, an botom blong wol ya tu hemi soaot nao.

Sams 80:16

Bat grep tri ya, olketa katemdaon an bonem long faea. Plis, yu kros long olketa ya an spoelem olketa tumas.

Eksodas 15:1

Mosis wetem olketa pipol blong Israel i singim disfala singsing fo preisim Yawe. Olketa sing olsem, “Bae mi singsing fo preisim Yawe, bikos hemi barava hae tumas. Olketa hos an olketa soldia hemi torowem insaet long solwata.

Eksodas 15:10

Bat yu blou go antap long olketa ya, nao si ya i kavaremap olketa evriwan. Olketa evriwan i singdaon long solwata, olsem led blong huk hemi godaon.

Eksodas 15:21

Nao Miriam hemi lidim olketa long wanfala singsing. Olketa singsing olsem, Yumi singsing fo preisim Yawe, bikos hemi barava hae tumas. Olketa hos an olketa soldia ya, hemi torowem insaet long solwata.

Aesaea 37:36

Enjel blong Yawe hemi kam long ples wea olketa soldia blong Asiria i stap, an hemi kilim dae 185,000 long olketa. Taem olketa pipol i wekap long moning, seknomoa olketa lukim nao bodi blong olketa soldia wea i dae finis.

Jeremaea 51:39

An long taem wea olketa laekem tumas fo kaikai an dring, bae mi mekem wanfala bikfala fist fo olketa. Bae mi mekem olketa fo kaikai an dring long bikfala kros blong mi go-go olketa fuldrang, nao bae olketa dip slip, wea bae olketa no save wekap moa.

Jeremaea 51:57

Bae mi panisim olketa bikman, an olketa waesman, an olketa gavna, an olketa komanda, an olketa soldia blong hem, mekem olketa evriwan i dring long bikfala kros blong mi go-go olketa fuldrang, nao bae olketa dip slip, wea bae olketa no save wekap moa.” Hem nao mesij blong King ya wea nem blong hem nao Yawe hu hemi garem evri paoa.

Esikiel 39:20

Long disfala tebol blong mi fo mekem fist, bae mi redim kaikai fo yufala, an yufala save kaikaim evrisamting wea yufala lukim, olsem olketa hos wetem olketa man hu i ran long olketa, an olketa nambawan soldia, an olketa narafala man moa fo faet. Hem nao mesij blong mi Lod Yawe.”

Neiham 1:6

?Hu nao hemi fitim fo stanap strong taem Yawe hemi kros? Taem hemi kros, hemi olsem bikfala faea wea hemi laet, an olketa bikfala ston i smas go nomoa long asis.

Neiham 2:13

Hem ya nao mesij blong Yawe hu hemi garem evri paoa. Hemi tok olsem long olketa pipol blong Nineve, “!Yufala lisin kam! Mi nao mi agensim yufala. Bae mi bonem olketa kaat blong yufala fo faet. Nomata olketa soldia blong yufala i olsem strongfala laeon, bat bae olketa dae long faet. An evrisamting wea yufala bin tekem from olketa enemi blong yufala, bae mi tekemaot evriwan. Bae yufala kanduit sendem moa olketa man fo tekem mesij fo fosim olketa narafala kantri fo stap andanit long rul blong yufala.”

Neiham 3:18

!Bikfala King blong Asiria! Olketa bikman fo lukaftarem olketa pipol blong yu i dae evriwan nao. An olketa lida blong yu i slip nomoa an bae olketa no save wekap moa. Olketa pipol blong yu i go olobaot nomoa antap long olketa maonten olsem sipsip, an no eniwan save tekem olketa kambaek moa.

Sekaraea 12:4

Long datfala de, bae mi mekem evri hos blong olketa fo fraet an lusim tingting, an olketa man fo ran long olketa hos ya, bae hed blong olketa hemi kamap krangge. Bat bae mi lukaftarem gudfala olketa pipol blong Jiuda, mekem olketa enemi i nating save spoelem olketa. Olketa enemi blong olketa, bae mi mekem evri hos blong olketa fo blaen.

1 Samuel 26:12

Den hemi tekem spia wetem botol wata wea hemi stap kolsap long hed blong Sol, an tufala goaot from olketa. An no eniwan i wekap an lukim tufala o save long samting ya, bikos Yawe hemi mekem olketa evriwan i barava dip slip.