Sams 74:19 - Pijin Bible

¹⁹ Plis yu no letem olketa nogud enemi ya fo spoelem mifala olketa pipol blong yu. An plis yu no fogetem mifala wea olketa nogud pipol ya i mekem mifala safa.

Pijin Deuterocanon

¹⁹ Plis yu no letem olketa nogud enemi ya fo spoelem mifala olketa pipol blong yu. An plis yu no fogetem mifala wea olketa nogud pipol ya i mekem mifala safa.

Sams 74:19 Iomraidhean Croise

Sams 10:12

Lod Yawe, yu kam, an panisim olketa nogud pipol ya. Plis yu tingim olketa ya wea i gohed fo safa.

Sams 68:10

Olketa pipol blong yu i mekem hom blong olketa long lan ya, an bikos yu gud tumas, yu bin givim olketa gudfala samting fo olketa pua pipol.

Sams 68:13

Nomata olketa wea i stap long hom, olketa ya tu i tekem samfala samting long olketa gudfala samting wea olketa man i winim kam long faet.

Sams 72:2

Hem gud tumas sapos hemi rulim mifala olketa pipol blong yu, long stretfala wei, an bae hemi stretem wei fo olketa pipol wea narafala pipol i mekem olketa fo safa.

Sams 9:18

Olketa pua pipol i biliv wea bae Yawe hemi sevem olketa. An bae olketa no save garem trabol olowe nao.

Nambawan Singsing 2:14

Yu gohed fo haed nomoa olsem wanfala kurukuru wea hemi fraet, an hemi gohed fo haed insaet long olketa hol long ston saet long maonten. Mi laekem tumas fo herem voes blong yu, bikos voes blong yu hemi here suit tumas an fes blong yu tu hemi barava luknaes.

Nambawan Singsing 4:1

Daling, yu barava luknaes tumas long mi. Nomata pis kaleko ya hemi satem haf long fes blong yu, bat mi save lukim nomoa ae blong yu, an mi tingim kurukuru wea hemi luknaes tumas. Hea blong yu hemi muv taem yu muv, olsem olketa blak nanigot i gohed fo ja-jam, taem olketa kamdaon falom maonten long Gilead.

Nambawan Singsing 6:9

bat yu seleva nomoa yu luknaes fogud olsem wanfala kurukuru, an mi laekem yu tumas. Yu seleva nomoa wanfala dota wea mami blong yu hemi garem, an hemi lavem yu tumas winim evri narafala pikinini blong hem. Taem evri yang woman i luk kam long yu, olketa tokhae long yu. Ya, taem evri kuin an evri narafala waef blong king i luk kam long yu, olketa preisim yu.

Aesaea 60:8

Olketa kam kuiktaem long olketa sip, olsem olketa klaod wea win hemi gohed fo bloum kam, an olketa kam olsem olketa kurukuru wea i flae kambaek long nest blong olketa.

Sefenaea 3:12

Bat yufala wea i mekem tingting blong yufala lou, bae mi letem yufala nomoa fo stap long Jerusalem, an bae yufala save trastem nem blong mi, Yawe.

Matiu 10:16

An Jisas hemi sei moa, “Yufala lisin kam fastaem, mi sendem yufala fo goaot olsem olketa sipsip wea olketa goaot long midol long olketa wael dog. So yufala mas olsem olketa snek wea olketa kleva tumas an yufala mas olsem olketa kurukuru wea olketa no save raf.