Sams 73:6 - Pijin Bible

⁶ Dastawe nao, praod blong olketa, hemi olsem wanfala nekles wea olketa hangem long nek blong olketa, an raf wei blong olketa hemi olsem kaleko wea olketa werem.

Pijin Deuterocanon

⁶ Dastawe nao, praod blong olketa, hemi olsem wanfala nekles wea olketa hangem long nek blong olketa, an raf wei blong olketa hemi olsem kaleko wea olketa werem.

Sams 73:6 Iomraidhean Croise

Jenesis 41:42

Nao king hemi tekemaot wanfala spesol ring long fingga blong hem wea hemi gohed fo yusim oltaem fo putum mak blong hem long leta, nao hemi putum go long fingga blong Josef. An hemi tekem wanfala nambawan waet kaleko fo hemi werem, an hemi hangem wanfala gol sen long nek blong hem.

Esta 3:1

Bihaen, King Sekses hemi siusim Haman fo kamap praeminista blong hem. Haman hemi san blong Hamedata, hu hemi bon kam long laen blong Agag.

Sams 109:18

Oltaem, wei wea hemi mekem trabol fo kasem olketa narafala pipol, hemi olsem samting nating nomoa long hem. !So letem disfala nogud wei ya hemi barava spoelem laef blong hem finis.

Sams 109:29

Hemi gud sapos yu mekem olketa pipol hu i talem olketa ravis samting agensim mi, olketa mas barava sem fogud long laef blong olketa.

Provebs 1:9

Olketa tising ya bae helpem yu, mekem laef blong yu kamap gud moa, olsem barava spesol hat long hed blong yu, o naes nekles long nek blong yu.

Provebs 3:31

Yu no joles long olketa man fo faet, an no falom wei blong olketa.

Provebs 4:17

Wei nogud an wei fo faet nao i olsem kaikai an dring blong olketa.

Eklesiastes 8:11

Taem olketa pipol i no tekem kuiktaem panis blong olketa fo ravis samting wea olketa duim, narafala pipol i laekem nomoa fo duim ravis samting.

Nambawan Singsing 4:9

Daling, yu nao braed blong mi. Taem mi luk long ae blong yu an mi lukim nekles ya raonem nek blong yu, yu barava pisisim haat blong mi nao.

Jeremaea 48:11

Yawe hemi gohed fo tok olsem, “Oltaem olketa pipol blong Moab bin gohed fo stap gud nomoa, an no eni enemi bin fosim olketa fo lusim lan blong olketa fo go long narafala kantri. Kantri ya hemi barava olsem waen wea olketa no bin kapsaetem long narafala botol fo klinim waen ya, mekem olketa ravis gohed fo stap insaet long hem. Test an smel blong hem no save kamap gud.

Jeremaea 48:29

“Evriwan save dat Moab hemi praod tumas. Oltaem hemi gohed fo bikhed tumas, an hemi gohed fo tinghae long hem seleva.

Esikiel 16:11

Mi mekem yu werem olketa gudfala samting wea olketa wakem long olketa barava spesol ston. Mi tekem olketa samting olsem strap wea hemi barava luknaes tumas an putum long am blong yu, an mi hangem wanfala nekles raonem nek blong yu.

Daniel 4:30

An hemi tok olsem, “!Maewat! !Babilon hemi wanfala bikfala taon ya! Mi nao mi bildim bikfala taon ya blong mi, fo somaot bikfala paoa blong mi wea mi nao mi king, an mi garem hae nem, mekem olketa pipol save tinghae long mi.”

Maeka 3:5

!Yufala laea profet! Yufala gohed fo laea long olketa pipol blong yumi, an yufala gohed fo mekem olketa evriwan fo gorong. Taem eniwan hemi peim yufala, yufala promis olsem wea bae hemi garem piis. Bat taem eniwan hemi no peim yufala, yufala tok olsem bae no longtaem enemi hemi kam fo faetem olketa. Nao from samting ya, Yawe hemi tok olsem long yufala,

Diutronomi 32:15

Yufala hu i stret, yufala kamap fat fogud. Yufala garem plande kaikai go-go yufala baonsa tumas. So yufala falom wei hemi no stret an yufala agensim Yawe. Yufala lusim God hu hemi mekem yufala. Yufala tanem baeksaet long God hu hemi sefples blong yufala.

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”

Jajis 8:26

Hevi blong olketa gol iaring ya wea Gidion bin askem olketa, hemi kolsap kasem tuenti kilo. An olketa givim go olketa narafala samting tu wea i tekemaot long olketa soldia blong Midian. Hem nao olketa gol sen, an olketa nekles, an olketa barava spesol kaleko blong olketa sif blong olketa, an olketa barava spesol samting wea i hangem long nek blong olketa kamel blong olketa.