Sams 73:13 - Pijin Bible

^13-15 Samfala pipol maet komplen olsem long yu God, “Hemi yusles nomoa fo mi kipim tingting blong mi klin, an fo no mekem sin. Evri moning nomoa, yu bin panisim mi. An yu gohed fo mekem mi safa olowe, stat long moning go-go kasem long ivining.” Bat sapos mi gohed fo toktok olsem, hemi minim wea mifala i no falom wei blong olketa pipol blong yu ya.

Pijin Deuterocanon

^13-15 Samfala pipol maet komplen olsem long yu God, “Hemi yusles nomoa fo mi kipim tingting blong mi klin, an fo no mekem sin. Evri moning nomoa, yu bin panisim mi. An yu gohed fo mekem mi safa olowe, stat long moning go-go kasem long ivining.” Bat sapos mi gohed fo toktok olsem, hemi minim wea mifala i no falom wei blong olketa pipol blong yu ya.

Sams 73:13 Iomraidhean Croise

Stori abaotem Job 21:15

Olketa tingse, olketa no nid fo duim enisamting nomoa fo God. An olketa tingse prea hemi samting nating nomoa.

Stori abaotem Job 34:9

Hemi talem dat hemi yusles nomoa fo duim wanem God hemi hapi long hem.

Stori abaotem Job 35:3

Long semtaem tu yu talem dat sapos yu no sin hemi no helpem yu fo garem eni gudfala samting.

Stori abaotem Job 9:27

Nomata mi trae fo hapi an fogetem olketa trabol blong mi, bat mi nating save duim.

Stori abaotem Job 9:29

?An bikos yu talem finis dat mi fit fo panis, fo wanem nomoa bae mi traehad long laef blong mi?

Stori abaotem Job 9:31

Nomata mi trae fo waswas olsem, ating bae yu torowem mi godaon nomoa long hol wea hemi fulap long mad wea i smel nogud. Den, nomata olketa kaleko blong mi, bat olketa barava les long mi nao.

Sams 24:4

Olketa wea i save lukim Yawe nao, olketa pipol ya wea tingting blong olketa hemi klin an laef blong olketa hemi stret, an olketa wea i no save wosipim olketa laea god, an i no save mekem olketa laea promis.

Sams 26:6

Lod Yawe, mi wasim han blong mi fo somaot dat mi stret nomoa long ae blong yu, an mi gohed fo wakabaot raonem olta blong yu fo wosipim yu.

Sams 51:10

God, plis yu mekem tingting blong mi fo hemi klin finis. Plis yu mekem mi fo kamap niu an stap strong olowe long yu.

Malakae 3:14

Yufala gohed fo talem dat hemi yusles nomoa fo duim waka blong mi Yawe hu mi garem evri paoa. Yufala tingse hemi nating helpem yufala fo obeim olketa lo blong mi an mekem yufala seleva fo luk olsem yufala sore tumas long ae blong mi.

Jemes 4:8

Yufala mas kam kolsap long God, an bae hemi kam kolsap long yufala. Yufala mas lusim evri sin blong yufala, an yufala mas no garem tufala tingting moa. Bat yufala mas tingting wansaet nomoa long God.