Sams 71:5 - Pijin Bible

⁵ Lod Yawe, mi gohed fo trastem promis blong yu. Ya, stat taem mi yangfala yet, mi bin gohed fo trastem yu olowe.

Pijin Deuterocanon

⁵ Lod Yawe, mi gohed fo trastem promis blong yu. Ya, stat taem mi yangfala yet, mi bin gohed fo trastem yu olowe.

Sams 71:5 Iomraidhean Croise

1 Kings 18:12

An taem mi goaot from disfala ples, ating Spirit blong Yawe bae hemi tekem yu go long narafala ples wea mi no save. An sapos mi talem long king wea yu stap long hia, bat hemi no save faendem yu, bae hemi kilim mi dae nao. Mi tu mi man fo prea, an mi wosipim Yawe, stat long taem wea mi pikinini kam kasem tude.

2 Kronikols 34:3

Long taem wea King Josaea hemi yangfala yet, long mekeit yia wea hemi king, hemi stat fo falom God blong olfala grani blong hem King Deved. An long mektuel yia, hemi stat fo mekem olketa ples long Jerusalem an long Jiuda fo klin moa long ae blong Yawe. Hemi spoelem olketa tambuples, an hemi aotem olketa tambu kaving blong Asera an olketa narafala tambu kaving.

Sams 119:166

Lod Yawe, mi trastem yu fo sevem mi, an mi falom nomoa olketa strongfala toktok blong yu.

Sams 119:81

Lod Yawe, mi bin weitem yu fo sevem mi go-go mi wikdaon nao. Nomata olsem, mi gohed fo trastem nomoa olketa toktok blong yu.

Sams 13:5

Bat mi trastem yu bikos lav blong yu hemi bikfala tumas. An bae mi hapi tumas, bikos yu nao bae yu sevem mi.

Sams 39:7

?So Masta, wanem nomoa mi weitem an trastem? !Yu nomoa mi save we-weitem an trastem!

Sams 42:11

?Waswe nao mi sore tumas olsem? ?Waswe nao mi wari tumas olsem? Nomata olsem, bae mi we-weit an trastem yu nomoa, an bae mi preisim yu moa God blong mi wea yu save sevem mi.

Sams 71:17

God, stat long taem wea mi yangfala yet, yu bin gohed fo tisim mi, an mi gohed yet fo talemaot olketa bikfala samting wea yu bin duim.

Eklesiastes 12:1

Taem yu yang yet, yu mas tingim God hu hemi mekem yu. Yu mas tingim hem bifoa taem blong olketa trabol hemi kam kasem yu. Long taem ya, bae yu tok olsem, “Mi nating hapi nao long laef ya.”

Jeremaea 14:8

Yu nao God wea mifala long Israel save dipen long hem. An long taem wea trabol hemi kasem mifala, yu nao God hu hemi sevem mifala. ?So waswe nao yu olsem wanfala strensa long ples blong mifala? ?Waswe nao yu olsem wanfala man fo wakabaot, wea hemi kam stap wanfala naet nomoa, nao long neks de, hemi go moa?

Jeremaea 17:13

O Yawe. Yu nao God wea mifala long Israel save dipen long hem. Olketa hu i lusim yu, bae i sem tumas. Eniwan hu hemi les long yu, bae hemi olsem toktok wea olketa raetemdaon long sanbis. Bae hemi lus finis bikos hemi lusim yu Yawe, hu yu olsem nambawan springwata wea hemi givim laef.

Jeremaea 17:17

Long taem blong trabol, yu nomoa yu sefples blong mi fo haed. Plis yu no mekem mi fraet.

Jeremaea 17:7

“Bat man hu hemi trastem mi Yawe, an putum tingting blong hem fo stap strong long mi, hem nao hemi hapi.

Jeremaea 50:7

Taem olketa enemi i faendem olketa, olketa winim olketa, olsem wael animol hemi kaikaim sipsip wea hemi lus. Olketa enemi ya i tok olsem, ‘Hemi no fitim nao fo mifala mas panis fo spoelem olketa. Olketa ya i mekem sin agensim Yawe, hu hemi bin barava blesim olketa, olsem sipsip wea hemi stap long ples wea hemi garem gudfala gras long hem. Ya, olketa mekem sin agensim Yawe wea olketa grani blong olketa bin gohed fo trastem hem.’

Gudnius abaotem Jisas Kraes wea Luk hemi raetem 2:40

An pikinini ya hemi grouap kam, an tingting blong hem hemi kamap strong an hemi kamap barava waes fogud tu. An oltaem nomoa God hemi barava blesim hem.

Leta wea Pol hemi raetem go long sios long Rom 15:13

Letem God hu hemi save mekem yumi bilivim promis blong hem, mekem yufala hapi an givim yufala piis, taem yufala trastem hem. An letem paoa blong Holi Spirit hemi mekem strong moa biliv blong yufala long olketa promis blong God.

2 Timoti 3:15

Stat kam taem yu smolfala yet, yu save finis long Buktambu. An tising blong hem save givim gudfala tingting long yu an save helpem yu fo trastem Jisas Kraes, mekem God save sevem yu.

1 Samuel 16:13

So Samuel hemi tekem oliv oel, hemi kapsaetem go long hed blong Deved fo mektambu long hem. Hemi duim samting ya long ae blong olketa brata blong hem. Stat long de ya, Spirit blong Yawe hemi stap oltaem wetem hem. Bihaen, Samuel hemi gohom long Rama.