Sams 71:21 - Pijin Bible

²¹ Mi save dat bae yu givim biknem long mi winim bifoa, an bae yu mekem tingting blong mi fo filgud moa.

Pijin Deuterocanon

²¹ Mi save dat bae yu givim biknem long mi winim bifoa, an bae yu mekem tingting blong mi fo filgud moa.

Sams 71:21 Iomraidhean Croise

2 Samuel 3:1

Nao pipol wea i saet wetem laen blong King Sol i gohed fo faet long pipol wea i saet wetem King Deved. An faet ya hemi gohed longtaem tumas. Long faet ya, pipol blong King Deved i gohed fo kamap strong moa, an pipol blong laen blong King Sol i wikdaon.

Sams 18:35

Lod Yawe, yu gohed fo lukaftarem mi, an fo sevem mi, nao mi stap gudfala long han blong yu. An bikos yu bin helpem mi, dastawe nao mi garem biknem.

Sams 23:4

Lod Yawe, nomata mi gotru long ples wea hemi barava tudak an hemi ples blong dae tu, mi nating save fraet nomoa bikos yu stap wetem mi an yu lukaftarem mi wetem stik blong yu.

Sams 32:10

Olketa nogud pipol bae i safa fogud, bat olketa wea i trastem Yawe, bae hemi gohed fo lukaftarem olketa bikos hemi lavem olketa tumas.

Sams 72:11

Hemi gud tumas fo evri king mas baodaon long hem. An evriwan long evri kantri mas waka fo hem.

Sams 86:17

Lod Yawe, plis yu somaot long mi dat yu saet wetem mi. Sapos olsem, taem yu helpem mi, an yu strongim tingting blong mi, olketa hu i heitem mi bae i barava sem fogud. (Singsing blong laen blong Kora.)

Aesaea 12:1

(Profet) !Olketa pipol blong mi! Long taem ya, olketa laen blong yumi bae i singim wanfala singsing wea toktok long hem hemi olsem, “!Yawe! !Mi preisim yu! Bifoa, yu bin kros long mi, bat distaem, kros blong yu ya hemi finis nao, an yu mekem mi filgud moa.

Aesaea 49:13

!Skae an graon, yutufala mas hapi an singaot bikfala! !Olketa maonten, yufala mas singsing! Bikos Yawe hemi mekem mifala olketa pipol blong hem, fo filgud moa. Ya, bae hemi sore long mifala hu bin safa tumas.

Aesaea 49:6

an hemi tok olsem long mi, ‘Bae yu mekem olketa laen blong Israel wea i laef yet, fo kamap strong moa olsem fastaem. Bat mi garem waka fo yu wea hemi bikfala moa. Bae mi mekem yu fo kamap olsem laet fo olketa narafala kantri, mekem paoa blong mi fo sevem pipol, hemi kasem evri pat long wol.’”

Aesaea 9:7

Wei blong hem fo rul, bae hemi kamap gudfala moa. An ples wea hemi rul ovarem, bae hemi garem piis olowe. Ya, bae hemi kamap wanfala king long laen blong King Deved. Paoa blong hem an stretfala wei blong hem fo jajem pipol, bae hemi gohed olowe nao. Lod Yawe yu garem evri paoa, an strongfala tingting blong yu nao bae hemi mekem evrisamting ya fo hapen.

2 Korin 2:14

!Bat mifala talem tengkiu tumas long God! Bikos hemi olsem hem nao lidim mifala long maas blong King wea Kraes nao winim faet. God hemi yusim mifala fo mekem disfala save abaotem Kraes fo go kasem evri ples, olsem insens wea hemi smel naes tumas.

2 Korin 7:13

From disfala wei blong yufala nao mifala hapi tumas. Mifala filgud long yufala, an mifala hapi tumas tu long Taetas hu hemi hapi bikos yufala mekem maen blong hem fo filgud moa.

2 Korin 7:6

Bat nomata olsem, God hu hemi save strongim tingting blong olketa hu i sore, hemi mekem mifala fo hapi moa taem Taetas hemi kam.

1 Tesalonaeka 3:9

Mifala barava talem tengkiu tumas long God, bikos long ae blong God yufala nao mekem mifala hapi tumas.

Revelesin 11:15

Nao mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.”