Sams 71:15 - Pijin Bible

¹⁵ Bae mi gohed fo tokabaotem olketa stretfala samting wea yu duim. An stat long moning go-go kasem long ivining, bae mi gohed fo tokabaotem paoa blong yu wea yu save sevem olketa pipol. Nomata mi no save gudfala long olketa, bat mi mas talemaot nao.

Pijin Deuterocanon

¹⁵ Bae mi gohed fo tokabaotem olketa stretfala samting wea yu duim. An stat long moning go-go kasem long ivining, bae mi gohed fo tokabaotem paoa blong yu wea yu save sevem olketa pipol. Nomata mi no save gudfala long olketa, bat mi mas talemaot nao.

Sams 71:15 Iomraidhean Croise

1 Kronikols 16:23

!Evriwan long wol, yufala mas singsing long Yawe! Evri de bae yufala mas talemaot dat hemi bin sevem yumi.

Sams 145:2

Evri de, bae mi talem tengkiu long yu. Ya, an bae mi preisim yu evritaem olowe nao.

Sams 30:12

Dastawe bae mi no save stap kuaet nao. Bae mi preisim yu long olketa singsing. Ya, Lod Yawe, yu nao yu God blong mi, an bae mi gohed fo preisim yu olowe. (Singsing blong Deved.)

Sams 35:28

An bae mi talemaot stretfala wei blong yu. Ya, bae mi gohed fo preisim yu evri de, stat long moning go-go kasem tudak. (Singsing blong Deved.)

Sams 40:12

Distaem staka trabol nao hemi kamap raonem mi. Ya, olketa staka fogud, an mi no save kaontem nao. Olketa sin blong mi i kavarem mi finis, an mi no save lukluk nao. Olketa plande tumas winim olketa hea long hed blong mi, an tingting blong mi hemi wikdaon nao.

Sams 40:5

Lod Yawe, yu nao God blong mifala. Yu bin duim finis plande samting fo helpem mifala. No eniwan moa hemi olsem yu. Yu bin mekem finis plande gudfala plan fo mifala falom. Mi no save talemaot olketa evriwan nao, bikos olketa barava plande tumas.

Sams 40:6

Yu no laekem nomoa olketa sakrifaes an olketa ofaring. Ya, yu no askem mi nomoa fo bonem olketa animol antap long olta, o fo mi mekem olketa sakrifaes fo tekemaot sin. Bat yu laekem nomoa fo mi openem ia blong mi mekem mi save herem toktok blong yu.

Sams 51:16

Yu no laekem sakrifaes wea man hemi barava bonem an yu no hapi long olketa narafala sakrifaes tu. Sapos nomoa, mi save ofarem go olketa sakrifaes blong mi ya.

Sams 71:24

Oltaem, stat long moning go-go kasem long tudak, bae mi gohed fo tokabaotem olketa stretfala wei blong yu, bikos olketa wea i traem fo spoelem mi, yu bin winim olketa finis, an olketa sem nao. (Singsing blong Solomon.)

Sams 71:8

Evri de nomoa, stat long eli moning go-go kasem tudak, mi gohed fo preisim yu. Ya, mi gohed fo liftimap hae nem blong yu.

Sams 73:28

Bat hemi barava gud tumas long mi fo stap kolsap long yu God. Lod Yawe, yu nao yu Masta blong mi an sefples blong mi, so hemi barava gud tumas fo mi talemaot olowe evrisamting wea yu bin duim. (Singsing blong Asaf.)

Sams 89:16

Yu nao yu mekem olketa hapi, stat long moning go kasem tudak. An olketa preisim yu fo olketa stretfala wei blong yu.

Provebs 5:2

Sapos yu duim olsem, bae yu save falom gudfala tingting, an tok blong yu bae somaot dat yu garem save.

Jajis 5:11

!Yufala lisin! Pipol long olketa wel i singsing abaotem nius wea Yawe nao hemi winim faet. Ya, olketa talemaot dat yumi long Israel i winim faet. Oraet, olketa pipol blong Yawe i goaot fo faet.