Sams 7:13 - Pijin Bible

¹³ Hemi mekredi finis long olketa samting blong hem fo faet. An hemi pulum redi finis olketa aro wea i garem faea long en blong olketa.

Pijin Deuterocanon

¹³ Hemi mekredi finis long olketa samting blong hem fo faet. An hemi pulum redi finis olketa aro wea i garem faea long en blong olketa.

Sams 7:13 Iomraidhean Croise

Stori abaotem Job 6:4

God hu hemi garem evri paoa hemi mekem mi fo safa olsem man wea olketa sutim hem long olketa poesen aro. Poesen blong aro ya hemi go insaet long laef blong mi. Mi fraetem tumas an safa nao long olketa nogud trabol wea God hemi sendem agensim mi.

Sams 144:6

Plis yu sendem kam laetning, fo mekem olketa enemi blong yu i ranawe olobaot. Ya, plis yu sutim olketa wetem olketa aro blong yu, mekem olketa ranawe.

Sams 18:14

Hemi sut long olketa aro blong hem, nao olketa enemi blong hem i ranawe olobaot. An hemi sendem kam laetning, an hemi mekem olketa evriwan i ranawe nao.

Sams 45:5

Olketa aro blong yu i sap fogud, an bae olketa save gotru fo kasem haat blong olketa enemi blong yu. Evri pipol blong olketa narafala kantri bae i baodaon long frant blong yu fo mekhae long yu.

Sams 64:3

Toktok blong olketa i save spoelem man, olsem naef fo faet wea hemi barava sap fogud, an olketa makem pipol fo sutim olketa wetem olketa ravis toktok ya olsem olketa aro.

Sams 64:7

Bae God hemi panisim olketa kuiktaem nomoa. Ya, hemi olsem wea hemi sutim olketa long olketa aro blong hem, an seknomoa olketa garekil nao.

Lamentesin 2:4

Olsem man fo sut long bou hemi redim aro, hemi redi fo spoelem Jerusalem. Hemi olsem enemi wea hem kilim dae evriwan long olketa nambawan pipol. Kros blong hem hemi olsem hot faea wea hemi bonem taon blong Jerusalem.

Habakuk 3:11

Taem yu bin sut long aro an spia, wea i saen olsem laetning, san an mun i no muv.

Habakuk 3:13

Yu bin kam fo sevem olketa pipol blong yu, an fo sevem king wea yu bin siusim. Yu bin step long lida blong olketa ravis pipol, an spoelem finis olketa pipol blong hem.

Diutronomi 32:23

Bae mi mekem yufala fo garem olketa bikfala trabol. Bae olketa trabol hemi kam long yufala olsem mi sutim aro blong mi long yufala.

Diutronomi 32:41

bae mi tekem naef fo faet blong mi wea hemi saen fogud. Bae mi sapanem hem go-go hemi sap tumas. Den bae mi sensimbaek long olketa enemi blong mi, an bae mi panisim olketa hu i heitem mi.

Diutronomi 32:42

Olketa aro blong mi bae olketa suim long blad blong olketa. Naef fo faet blong mi bae hemi kaikaim bodi blong olketa, an bae hemi kilim olketa man long prisin dae, an katemaot hed blong olketa bikman blong enemi.’

2 Tesalonaeka 1:6

God bae hemi duim wanem hemi stret, an bae hemi panisim olketa hu i mekem yufala safa.

Revelesin 16:6

Olketa hu i bin kilim dae olketa profet an olketa nara pipol blong yu, yu givim blad nao fo olketa dringim. Hem nao stret wei fo peim olketa.”

Revelesin 6:10

An olketa spirit gohed fo singaot olsem, “Bikfala Masta, yu barava holi tumas an yu kipim promis olowe. Plis yu no weit moa fo jajem olketa pipol long wol ya. Yu mas panisim olketa distaem, an sensimbaek olketa, fo dae blong mifala.”