Sams 69:34 - Pijin Bible

³⁴ Evrisamting long skae an evrisamting long lan, yufala mas preisim God. Ya, evrisamting wea i stap insaet long si, yufala mas preisim hem tu.

Pijin Deuterocanon

³⁴ Evrisamting long skae an evrisamting long lan, yufala mas preisim God. Ya, evrisamting wea i stap insaet long si, yufala mas preisim hem tu.

Sams 69:34 Iomraidhean Croise

Jenesis 1:20

God hemi tok moa olsem, “Olketa deferen kaen fis mas stap long solwata, an hemi mas garem olketa bed tu fo flae olobaot antap.” Nao olketa samting ya hemi hapen olsem wea hemi bin talem.

Sams 102:18

Yumi mas raetemdaon olketa samting wea Yawe hemi bin duim, mekem olketa pipol wea bae i bon kam bihaen i save ridim an preisim hem, Ya, yumi raetem olsem,

Sams 150:6

Hemi gud tumas fo evrisamting wea hemi laef, fo preisim Yawe. !Ya, yumi preisim Yawe!

Sams 96:11

!Skae an graon, yutufala mas hapi! !Solwata, yu wetem evrisamting wea i stap long yu, yufala mas mekem bikfala noes fo hapi!

Aesaea 49:13

!Skae an graon, yutufala mas hapi an singaot bikfala! !Olketa maonten, yufala mas singsing! Bikos Yawe hemi mekem mifala olketa pipol blong hem, fo filgud moa. Ya, bae hemi sore long mifala hu bin safa tumas.

Aesaea 55:12

Nomata yufala stap long Babilonia, bae yufala goaot from kantri ya an bae yufala hapi tumas. Bae taem mi lidim yufala fo kamaot, bae yufala stap gudfala. Nomata olketa hil raonem yufala tu bae i hapi, hemi olsem wea olketa gohed fo singsing. Nomata olketa tri tu bae i hapi tumas, hemi olsem wea olketa gohed fo klapem han blong olketa.