Sams 68:25 - Pijin Bible

²⁵ Olketa man fo singsing i go bihaen long yu, an bihaen long olketa nao, olketa gele wea i hamarem olketa tamborin, an bihaen long olketa ya moa, olketa man hu i plei long stringban.

Pijin Deuterocanon

²⁵ Olketa man fo singsing i go bihaen long yu, an bihaen long olketa nao, olketa gele wea i hamarem olketa tamborin, an bihaen long olketa ya moa, olketa man hu i plei long stringban.

Sams 68:25 Iomraidhean Croise

1 Kronikols 13:8

Oraet, Deved an plande pipol blong Israel i barava dans fogud, an singsing fo liftimap nem blong God. An olketa gohed fo ringim olketa kaen gita, an tamborin, an smolfala dram, an simbol blong olketa.

Sams 63:3

Bikfala lav blong yu fo mi ya hemi gudfala moa winim laef. Dastawe nao, bae mi mas preisim yu.

Sams 77:14

Yu nao God hu save mekem olketa mirakol. Ya, yu nao bin somaot paoa blong yu long olketa narafala pipol.

Sams 87:7

Nao olketa gohed fo dans, an olketa gohed fo singsing olsem, “Gudfala ples blong yumi nao long Saeon.” (Singsing blong laen blong Kora. Heman hu hemi long laen blong Esra hemi wakem.)

Eksodas 15:20

Profet Miriam, sista blong Eron, hem wetem olketa narafala woman hu i go bihaen long hem, olketa tekem olketa smolfala dram, an olketa gohed fo plei long olketa dram ya, an olketa gohed fo dans.

Jeremaea 31:13

Olketa gele bae i dans fo hapi, an olketa yanga an olketa olo tu bae i joenem olketa. Bae mi liftimap tingting blong olketa an finisim evri sore blong olketa, mekem olketa hapi fogud.

Jeremaea 31:4

Yufala i pipol blong mi. Bae mi stanemap yufala blong Israel, mekem yufala kamap strong moa. So bae yufala pleim tamborin an dans fo hapi.

Jajis 11:34

Jefta hemi garem nomoa wanfala pikinini gele, hemi no garem eni narafala pikinini moa. Oraet, Jefta hemi kambaek long hom blong hem long Mispa, bat wea, dota blong hem nao hemi kam fo mitim hem. Hemi gohed fo dans kamaot wetem tamborin blong hem.

1 Samuel 18:6

Bihaen long taem wea Deved hemi kilim strongman fo faet blong Filistia, an taem faet ya hemi finis, olketa soldia i kam hom. An olketa woman long evri taon blong Israel i kamaot fo mitim King Sol. Olketa hapi tumas an pleim tamborin an smol gita, an olketa singsing an dans.